Jérémi 9:11 - Kazambale lé Sebe Sauunu 1979

¹¹ Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Jérémi 9:11 ပူးပေါင်းရင်းမြစ်များ

Néémi 4:2

É Juifinu ma we nana, yé é we fe é bwenu valé Samari lé sunyanu lɛ léé: Juifi tɔɔtɔɔnu ’ko, mɛ nyanama lé wa pana bɛɛ? Ka dan wo vo lɛ ’bɛ kɛlɛnaa? Wo dan saraka bo lɛɛ? Wo dan a lɛ sɔɔ lɛɛ? Gɔlɛnu lé kyɛ wo ble, ’té wo tɛrɛ zén wo ta, wo dan nyanama pa lɛ ’bɛnu nya é ziin?

Lɛrɛvɔ Sɛbɛ 107:43

Mian a ’wuo ke a ta, ’é tawo we ’konu ta ma, Yé ’é bɔn‐in bɔrɔ Gakelebale lé zin ma ma.

Lɛrɛvɔ Sɛbɛ 44:19

Ko bli ’ka si lɛ ilé we lɛ lo, Ko gane ’ka si lɛ ilé zi ta lo,

Lɛrɛvɔ Sɛbɛ 79:1

Lɛrɛ lé Azafa a vɔ. Baleoo, Bale, bɛnnu ’wii ilé munu ta, Wo ilé kɔn sauun sɔnné sɛrɛ, Yé wo Jérusalɛm kɛlɛ é’bin nya.

Ézai 13:22

Gwenu é dan we lɛ wolé fuakɔnnu gi; bwigiblénnu é dan we lɛ wolé zanagyɛagikɔnnu gi. Alé bléyi bɔ é pu. Alé yinu ’ka vo lɛ grɔgrɔ lo.

Ézai 25:2

Naa, i fla kɛlɛ gɔlɛzun nya, I fla plɛplɛ kɛlɛ é ’bin nya; Bɛnnu lé fla plɛplɛ guru zana a gi, Wo ’ka dan a pa lɛ é pa gi pelo.

Ézai 34:13

Léliyilinu é dan tuu lɛ wo nwiinzannu lé kɔnnu gi; danan valé goligyɛné é dan tuu lɛ alé guliyɔɔkɔn plɛplɛnu gi. É dan kɛlɛ lɛ gwenu nyanana nya; é dan kɛlɛ lɛ mianéléduo lé fɛna nya.

Ézai 44:26

Maa an wuozan dére dɔa plɛplɛ; Tɛlɛ tɛlamawe lé anlé nwunvɔzannu a fé, maa a lɛ sɔɔan; Maa lé Jérusalɛm ma léé, munu é dan nyana lɛ ana, Yé maa lé Juda lé flanu ma léé, wo dan wo pa lɛ ’wo pa gi; Yé wolé flanu lé wo vo ’wo ’bin nya, maa dan wo pa lɛ ’wo pa gi.

Jérémi 1:15

Gakelebale léé: Naa, bé ye, maa dan yirinwana bɛbolazia bɛntɛrɛ faa laa lɛ; wo dan da lɛ yé wo dan wolé webleblinnu dɔra lɛ Jérusalɛm gɔrɔ ’léénu na; wo dan wo dɔra lɛ a gɔrɔ zi fɛfaana, yee valé Juda lé fla faa la. Maa Gakelebale ɛ ke a fena.

Jérémi 10:22

Ka ye, ko a ’ma léé, wa fena léé, Fla bɔgyɛwe a sina yirinwana bɛbolazia, Yé é Juda tɛrɛ la flanu kɛlɛ é ’bin nya, Yé é wo kɛlɛ gwenu yiɛna nya.

Jérémi 16:10

Dé i we ’konu faa fale vɔ munu ’ko lɛ, wo dan a fe lɛ i lɛ léma: Mɛmalé Gakelebale bon‐ɛn ko nya a fele nya léé, ’é we tɔntɔn blɛn ’konu bɔa ko maa? Mɛ weple lé ko kɛlɛɛ? Mɛ wenyané lé ko kɛlɛ Gakelebale, kolé Bale maa?

Jérémi 25:11

Tɛrɛ ’ko faa é dan vo lɛ é pla, bwi gi nya; yé bɛnnu ’ko é dan pla lɛ Babilɔn nwiinzan blɛn wuo, lɛɛ yɔ yaa wɔlɛ vu.

Jérémi 25:18

Jérusalɛm koo, Juda flanu koo, a nwiinzan blɛnnu koo, alé mi segelenu koo, maa a nɔ wo lɛ léé, ’wo kɛlɛ é ’bin nya; ana ’é vo é pla yé ’wo we nana a ma yé ’wo bale pa a ma, fɛan zo lé ka a yé kyɔ, a zo.

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

Jérémi 26:9

Mɛmalé i balelawe fe Gakelebale tɔ gi léé: Kɔn ’ko é dan kɛlɛ lɛ bélé Silo zoo? yé wo dan fla ’ko guru zana lɛ a gi, té mi do kpen ’ka dan vo lɛ ana loo? Munu faa zén ékeva Jérémi zi, Gakelebale lé kɔn gi.

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 4:27

Naa, Gakelebale léma: Tɛrɛ ’ko faa é dan sɛrɛ lɛ; Naa, maa ’ka dan a sɛrɛ lɛ tata lo.

Jérémi 44:2

Lai sunyanu lé Gakelebale, Izraɛl lé Bale léma: Wenaanénu faa lé maa a bɔ Jérusalɛm valé Juda flanu faa ma, ka a ye; kyɔ wo vo é ’bin nya, ’té mi do ’ka ana é dɛrɛ lo.

Jérémi 49:33

Asɔɔ é dan kɛlɛ lɛ gwe nyanana nya, é dan vo lɛ bwi nya yifaama. Mi do ’ka dan nyana lɛ ana lo, mi do kpen ’ka dan yii lɛ ana lo.

Jérémi 50:3

Naa, bɛn do nwa a ma yirinwana bɛbolazia, yé é dan Babilɔn tɛrɛ kɛlɛ lɛ bwi nya; mi do kpen ’ka dan nyana lɛ ana é dɛrɛ lo. Munu valé winu fwi; wo si ana.

Jérémi 51:37

Babilɔn é dan kɛlɛ lɛ é ’bin nya, gwenu yiina nya, fɛ sɛrɛle valé we nanamafɛ nya; mi ’ka dan kɛlɛ lɛ ana é dɛrɛ lo.

Jérémi 8:22

Bomélia ’ka Galaad tɛrɛ la loo? Dɔtrɔ gyétrɛn ’ka ana loo? Mɛmalé anlé munu ’ka bélina loo?

Jérémi Lé Wuvɔ Sɛbɛ 1:4

Siɔn zinu ga, naa, mi ’ka gona ana fɛti kɛlɛna é dɛrɛ lo, Lunu tuu ana zinu faa ’léé; Alé Balebanzannu éé dunnuan, Alé blɛnnu a kle blena, yé fla ta kyɛ a é dɔle.

Jérémi Lé Wuvɔ Sɛbɛ 2:2

Mizan Jakɔb lé munu nyanana faa sɛrɛ, ’té a nyanai ’ka zén‐é wo ta lo; A bli flile baba zi, é Izraɛl munu yɔɔna plɛplɛnu guru zana a gi; É a kɛlɛ léé, wo burula tɛrɛ va. É fuatɛrɛ valé é nwiinzannu sɔnné sɛrɛ.

Jérémi Lé Wuvɔ Sɛbɛ 3:47

Kanale blɛn koo, guru koo, ’Wiile ko ta koo, sɛrɛle tata koo, yee lé bé nɔ ko lɛ.

Lévinu 26:32

Maa dan tɛrɛ sɛrɛ lɛ tata, yé ka nyanézannu lé wo dan nyana lɛ ana, wo ’léé é dan ma lɛ wo ma.

Misé 1:6

Maa dan Samari kɛlɛ lɛ gɔlɛ zun nya bwi gi; é dan kɛlɛ lɛ dɔrɔféi pana nya. Maa dan alé kɔndɔgɔlɛnu vuli lɛ gɔ worona; maa dan alé kɔn ganenu ma bɔra lɛ.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Bélidɔwesɛbɛ Fiézan 29:23

tɛrɛ ’ko lé é ke wɛtɛrɛ valé poovun tɛrɛ valé kyɛbletɛrɛ tanale nya, ’té fɛwɔlɛ valé féifɛ ’ka ana lo, ’té lu ’ka bɔraan ana lo, bélé Sɔdɔm koo, Gɔmɔɔ koo, Adima koo, Séboim koo, woo lé Gakelebale wo sɛrɛ élé bliflile valé é wɛwɛ blɛn nya bɛ, wo zo, dé wo ’bɛ ye,

Wegɔɔnle 18:2

É siaa dére plɛplɛ nya yé é léé: A guru zana a gioo, a guru zana a gi, fla blɛn Babilɔn guru zana a gi! É kinin yonu nyanana nya, yé yo tiridɔlenu faa koo, miané tiridɔle ginzannu faa koo, é kinin wo zénna ékeva nya;