Jérémi 8:6 - Kazambale lé Sebe Sauunu 1979

⁶ Maa a wemazan nya, an tɔné a é dɔle; wo ’ka we fé wefebɛ yɛrama lo; wo va mi do kpen ’ka é bli nɔlaan élé we lɛrɛlɛrɛ kɛlɛle ma lo. Yé é ’ka a fé léé: Mɛ we lé maa a kɛlɛ bɛɛ? lo. Wo faa zén ’wolé zinu ta bélé wisoo lé éé fɔrɔan guli danna, a zo.

Jérémi 8:6 ပူးပေါင်းရင်းမြစ်များ

JOB (Job) 10:2

Maa dan fe lɛ Kazambale lɛ léé: Té i an gyɛ we nya lo. Wean ma lé i péli vɔ an ma, ’i ’bɛ fe an lɛ.

JOB (Job) 34:31

Yee Bale lé zi ma wenyanéfezan, é a fe tan Kazambale lɛ do léé, I we lɛdɔ an gi, amalé an ’ka dan wenyané kɛlɛ lɛ é dɛrɛ loo?

JOB (Job) 34:32

We lé maa ’ka tan a ye lɛ lo, bé gɔɔn an lɛ; Dé maa wenaané kɛlɛ, maa ’ka dan a kɛlɛ lɛ é dɛrɛ lo. É a fe tan doo?

Lɛrɛvɔ Sɛbɛ 14:2

Gakelebale lé é ke la gi loru, éé blaminu naginian, Dé gikinizan do anaa? Dé Bale naginizan do anaa? A yele we ma.

Ézai 30:18

Duowo, Gakelebale a a va léé, é zin kɛlɛ ka lɛ, yé é dan nwa lɛ nyanai zénle ka ta we gi. Naa, Gakelebale a Bale lé éé we tegele kɛla, a nya. Munu faa lé wo bli ke a lɛ, wo gi a é nanale.

Ézai 57:17

An bli fli wo ma yé maa wo bla wo bli blɛn lé we ma; an wɛwɛ lé we ma lé maa yɔɔ wo lee, yé bɔrɔvɔɔzan go élé blibɔmazi ta.

Ézai 59:16

É a ye léé, mi do kpen ’ka ana yé ’bɛ é dɔ we ’ko gi lo, amalé a gi vuru, amalé é léé, ’é bɛ é dan bɔ lɛ ’é va, yé ’élé wetegele é dan dɔ lɛ ’é zuo.

Jérémi 23:25

Balelayezannu lé woo balelawe fé vié nya an tɔ gi, we lé wa fe, maa ’ma. Wo léma: Maa nyɛ do gyɛ, maa nyɛ do gyɛ.

Jérémi 3:5

A bli é dan vo lɛ flina yifaamaa? A bli ’ka daan flile ma monomono loo? Ka ’bɛ fe, yé ka vo kalé weple kɛlɛna duowo.

Jérémi 5:1

’Ka gié Jérusalɛm zinu ta, ’Ka nagini, ’ka we ma laa, ’ka vuun la nagini, Dé ka mi do ye ana, dé é a mi do nyaoo, ’Té éé we tegele kɛla, ’té é a é kunle webozen ma, Maa dan Jérusalɛm munu ma we vo lɛ alé we ma.

Ézékiɛl 18:28

Dé é yuɛ fuo yé bélidɔwe sɔnnénu lé é wo sɛrɛ, dé é daan wo sɛrɛle ma, é dan vo lɛ é yuɛma; é ’ka dan ga lɛ lo.

Ézékiɛl 22:30

Yé an mi do nagini wo va léé, ’é gɔrɔ guru do dɔ an ’lɛ, yé é dɔ gɔrɔ buruna tɛrɛ ’ko tamunu ’lɛ, zi dɔle an lee we ma léé, té maa wo kulu ga lo. Naa, an ’ka mi do kpen ye lɛ lo.

Daniɛl 9:11

Izraɛlnu faa ilé bélidɔwe sɛrɛ yé wo ’ka i dére ’ma lɛ lo. Amalé balepalenu valé bale ’nyɔɔnlenu lé wo ke é gyɛle Bale wuozan Moizi lé bélidɔwe gi, wo wo kun. Naa, ko wenyané kɛlɛ Bale ma, azama.

Misé 7:2

Mi zin ta saan tɛrɛ ’ko la, yé mi tegele do kpen ’ka blaminu va é dɛrɛ lo; wo faa a zi bɛnna mi nyɛ zanale we ma; wo faa do do éé san vɔa ’wo bwenu lee.

Sofoni 3:7

Dé é a kɔɔn léé, i kana an lee, yé i i drɔle nyi si, ’té wo ’ka kɔɔn i nyanana ’wiié lo, ’té we faa lé maa a fe kɔɔn léé, maa lɛdɔa i gi, ’té maa ’ka a kɛla é dɛrɛ lo. Naa, wo ta a é kelekele wo kɛlɛwenu faa tiri dɔle we ma.

Agajé 1:5

Sin, lai sunyanu lé Gakelebale léma: ’Ka gi dan ka kɛlɛwe ma do.

Agajé 1:7

Lai sunyanu lé Gakelebale léma: ’Ka gi dan ka kɛlɛwenu ma doo.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

2 Piɛri 3:9

Blivolɛdére lé Mizambale a fe léé, é dan a kɛlɛ lɛ, é ’ka mɔn‐o a kɛlɛle lɛsɔɔle nya bélé fɛan zo lé é dɔ mi kenu gi, a zo lo, naa, a bli a tiéé ka ma yé é ’ka sɔ lɛ a lɛ léé, mi do kpen é zamaga wo lo, naa, é sɔ a lɛ léé, munu faa ’wo bli nɔla.

Wegɔɔnle 9:20

Mi koɛnu lé, fɛ yaa ’ko ’ka ’bɛnu gyɛ lɛ lo, ’bɛnu ’ka ’wo bli si lɛ ’wo bɛ kɛlɛfɛnu lɛ lo; miyilinu lé wa kɛlɛ kyan koo, gɔɔlifu koo, zéné koo, gɔlɛ koo, yili koo, wo nya, ’té wo ’ka bɔa fɛ yele valé we ’male valé tawole lɛ lo, munu ’ka daan lɛ wo bɔle valé yonu bɔle ma lo;