Jérémi 8:4 - Kazambale lé Sebe Sauunu 1979

⁴ Bé fe wo lɛ léma: Gakelebale léma: Mi éé diaan yé é ’ka nwaan loo? Taa, mi éé goo yé é ’ka dan loo?

Jérémi 8:4 ပူးပေါင်းရင်းမြစ်များ

1 Minwiinzannu 8:38

dé mi do léé, dé ilé munu Izraɛl faa léé, dé wo bazoro yé wo zanté vɔ i lɛ, yé wo faa va mi do do ébo bli gi wenaané dɔɔ yé é bɛ soi kɔn ’ko vazia,

Wegɔnévɔlenu 24:16

naa, mi tegele éé diaan gɔnɔ sɔrafié yé éé nwa é ziin, naa, woo mi naanénu vɔa we tɔntɔn gi.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 3:1

Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 36:3

Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 4:1

Gakelebale léma: Izraɛlmunu, dé ka da an va, dé ka da an va ka pa gi, dé kalé bozowenu si an yuɛ gi, ka ’ka dan vo lɛ nɔɔna lo.

Ézékiɛl 18:23

Mizan Gakelebale léma: Mi nyané gale sɔ an lɛɛ? Alé tawobɛ nɔlale yé é vo é yuɛma, ’bɛan ’bɛ sɔ an lɛ loo?

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

OZÉ (Osée) 7:10

Izraɛl lé boblɛn éé wo mawe fé; wo ’ka dan Gakelebale wolé Bale va é ziin lo. Dé maa we faa kɛlɛ wo lɛoo, wo ’ka an naginian lo.

Amɔs 5:2

Izraɛl blɛnzan dia Yé é ’ka dan nwa lɛ é dɛrɛ lo; É a é yiale tɛrɛ va, Mi do ’ka a nwana lo.

Misé 7:8

An nyanézan, té i gi é nana anlé we ma lo ma. Naa, dé an dia, an dan nwa lɛ. Dé maa a é nyanale gunutinu va, Gakelebale é dan kɛlɛ lɛ an vakinifɛ nya.