Jérémi 8:3 - Kazambale lé Sebe Sauunu 1979

³ Lai sunyanu lé Gakelebale léma: Munu faa lé wo dan vo lɛ bɛn nyané ’ko gɔnɔlazannu nya fɛfaana lé maa wo bin‐é ana, ga é dan kɛlɛ lɛ wo ’léé néné yé é mini vole é yuɛma ta. Maa lai sunyanu lé Gakelebale ɛ ke a fena.

Jérémi 8:3 ပူးပေါင်းရင်းမြစ်များ

1 Minwiinzannu 19:4

Yeebozen go bwi gi, yé é tawo yi do yé é nyana jénɛyili wuo yé é ga laa léé: ’Bɛ a é yi. Sin, Gakelebale, ’i an léli si, naa, an ’ka mini lɛ an tranu ta lo.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 23:8

naa, wo dan a fe lɛ léé: Gakelebale lé é Izraɛl munu kulunu si yirinwana bɛbolazia tɛrɛ la, yee valé tɛrɛnu faa lé é wo bin yé wo go wona, ana, yé é da wo nya, ’bɛzan a é yuɛma. Yé wo dan nyana lɛ wolé tɛrɛ la.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 29:28

’té éé mi paan ka lɛ zia Babilɔn a fele ka lɛ we ma léé, ka dan mɔn lɛ luu gi; ’ka kɔn dɔ yé ka nyana a gi, ’ka féi pa, ’ka ana fɛ ble, mɛmalé i ’ka we pla lɛ a lɛ yara tɔntɔn nya loo?

Jérémi 40:12

Yé Juifinu si tɛrɛnu faa lé wo go ana, wo ta, yé wo da Juda tɛrɛ la é ziin Gédalia va, Misipa, yé wo dɔrɔporo so di, yé wo yɛrɛgabléyi va fɛ poronu so di.

Jérémi 44:2

Lai sunyanu lé Gakelebale, Izraɛl lé Bale léma: Wenaanénu faa lé maa a bɔ Jérusalɛm valé Juda flanu faa ma, ka a ye; kyɔ wo vo é ’bin nya, ’té mi do ’ka ana é dɛrɛ lo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 6:9

Lai sunyanu lé Gakelebale léma: Wo dan Izraɛl munu boogi pɔné fwi lɛ bélé woo dɔrɔféi gɔ ma soo fɛan zo, a zo; ’i bɛ kɛlɛ é ziin a ma, bélé dɔrɔsozan éé bɛ kɛla dɔrɔ ma fɛan zo, a zo.

Daniɛl 9:7

Mizan, kɛlɛle tegele a bii ɛ zé nya; yé yaragyɛwe a kozé nya kyɔ, Juda munu koo, Jérusalɛm munu koo, Izraɛlnu faa koo, dé wa é puoo, dé wa baaoo, yaragyɛwe a wo faa zé nya. Wo yuɛ gi blanle lé we ma lé wo kɛlɛ weanwiinzannu nya, amalé i wo bin yé wo sɔɔla tɛrɛ faa la.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Amɔs 3:1

’Kaa Izraɛlnu, ’ka tɔné dɔ dére ’ko lé maa Gakelebale a fe ka ma, a lɛ; migɔnɔ faa lé maa wo si Éjipiti tɛrɛ la, wo ma we lé maa ke a fena.

Jonas 4:3

Sin, Gakelebale, ’i an si; naa, an gale fila vɔ é mini an vole é yuɛma ta.

Misé 2:3

Bɛwemalé Gakelebale léma: Maa gi bɔrɔan wenaané kɛlɛle ma bɛn ’ko lɛ; yé ka ’ka bɔa sole lɛ a lee lo, yé ka dan tawo lɛ ka ’wuo vɔle nya ka wuo. Naa, ’bɛ bléyinu é dan kɛlɛ lɛ é nyané, azama.

Bélidɔwesɛbɛ Fiézan 30:1

Dé we ’konu faa bɔ ka ma, ’té ka a bɛnnu lé Gakelebale, kalé Bale ka zunwo wo méléna bɛ, wo va, dé drɔɔvodére valé balepadére lé maa wo fe ka lɛ kyɔ ’ko, dé wo sele dɔ ka bli gi,

Bélidɔwesɛbɛ Fiézan 30:4

Dé Gakelebale, kalé Bale ka bin fɔɔ la glɛ sinaoo, é dan go lɛ ka nagini lɛ ’bɛna, yé é dan ka zén lɛ ékeva.

Wegɔɔnle 6:16

Yé wo lé gɔnu valé gɔlɛnu lɛ léé: ’Ka dia ko ta, yé ’ka ko ta yɔɔ fuablintazan yara valé ’Blané lé bliflile lee;

Wegɔɔnle 9:6

’Bɛ yinu nya, é dan sɔ lɛ munu lɛ léé, ’wo ga, yé wo ’ka dan ga lɛ lo; ga lɔrɔ é dan wo gyɛ lɛ, ’té ga a é sile wo ma baa.