Jérémi 8:16 - Kazambale lé Sebe Sauunu 1979

¹⁶ Wolé wisoonu a siaana Dan zia, yé tɛrɛ ma éé nyɔɔn‐an wo dére nya. Wa dana, yé tɛrɛ koo, é tafɛnu koo, fla koo, é tamunu koo, woo wo nyaan.

Jérémi 8:16 ပူးပေါင်းရင်းမြစ်များ

JOB (Job) 39:20

Bii ɛ kɛlɛ léé, é fɔrɔ bélé gaan zoo? Mi éé kanaan alé boblɛn wele lee.

Lɛrɛvɔ Sɛbɛ 24:1

Lɛrɛ do lé David a vɔ. Tɛrɛ valé é tafɛnu faa a Gakelebale zé nya, Tɛrɛ valé munu lé woo nyanaan a ta, wa Gakelebale zé nya.

Jérémi 10:25

’I wɛwɛ dɔ bɛnnu lé wo ’ka i dɔɔa lo, wo ma, Yé munu lé wo ’ka i tɔ laan lo, ’i wɛwɛ dɔ wo ma. Naa, wa Jakɔb kulu gana, kulu ganaoo, wa kulu gana! Wa a nyanana sɛrɛna.

Jérémi 3:24

Ko kiéné la bléyi va, miyilinu ko tinu panyanama tɔnɔ ble; wolé ’blanu koo, wolé dirinu koo, wo benu valé wo lunu koo, wo wo ble.

Jérémi 30:16

Naa, duowo, munu faa lé woo i ta blé, Wo dan wo ta ble lɛ, Yé wo dan go lɛ i nyanézannu faa tere nya luu gi; Munu lé wo ’wii i ta, wo dan ’wii lɛ wo ta, Yé munu faa lé wo ilé fɛnu sian gla nya, maa dan wozé sia lɛ gla nya.

Jérémi 30:5

Gakelebale léma: Ko dikiniémigi siaalenu ’ma, Nyɛ zén migiwe lé; vole drɔɔ we kaan lo.

Jérémi 4:24

Maa gɔblɛnnu nagini, yé wo ma nyɔɔn, Yé gɔpanénu faa ma nyɔɔn.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 47:3

Kaldé munu lé wisoo plɛplɛnu vun wele koo, Alé gulidangoronu vun wele valé ’bɛnu gane vun wele koo, alé we ma lé Né tinu ’ka bɔa wolé nénu naginile lɛ lo, Wo bɛnu kɛlɛ tɔɔtɔɔ wo ma, azama.

Jérémi 5:17

É dan kalé féifɛnu valé kalé buru ble lɛ; é dan ka benu valé ka lunu kulu ga lɛ; é dan kalé ’blanu valé kalé dirinu ble lɛ; é dan kalé dɔrɔféinu valé kalé bɔrɔféinu ble lɛ; yé kalé nyanamunu lé flanu lé ka ke é pale wo ta, wo dan wo sɛrɛ lɛ tata.

Jérémi 50:42

Sa valé toané din a wo lee; Wa gi pɔnpɔnzannu nya; wo nyanai ’ka zén‐é lo. Wo dére gi éé wé bélé wɛyi zo; Wo vɔ wisoonu ta; Wo ma a é ’lɛrɛle gulidanle we ma bélé mi do kpen zo, Bii Babilɔn lé munu ma.

Jérémi 51:29

Tɛrɛ ma nyɔɔn; gligli zén a gi, naa, Gakelebale bligiwe lɛ sɔɔ Babilɔn ma. É dan Babilɔn tɛrɛ kɛlɛ lɛ bwi nya, ’té mi do kpen ’ka dan kɛlɛ lɛ ana lo.

Jérémi 6:23

Wa dana sa valé toané din nya wo lee; wo gi a pɔnpɔn, wo nyanai ’ka zén‐é lo; wo dére éé wé bélé wɛyi gi gunule zo. Wa é vɔle wisoonu ta; wo ma a é ’lɛrɛle gulidanle we ma bélé mi do kpen zo ’kaa Siɔn munu ma.

Naum 3:2

Woo vlewɔlɛnu vun maan, Woo goroganenu vun maan, Woo wisoonu lé vlanburule vun maan, Woo gulidangoronu vun maan!

Abaku 3:10

Gɔnu a ye tɔɔn, yé wo ma nyɔɔn; ’Yiyoro plɛplɛnu éé goo vlan; Guru blɛn lé a wɔlɛ ma nyaana ’ka lo, a gi éé wé, Éé bɛnu nwaan loru.

1 Korent munu 10:26

naa, tɛrɛ valé é tafɛnu a Mizan zé nya.

1 Korent munu 10:28

Naa, dé mi do lé ka lɛ léé: Yobanfɛ lé; mi lé é a fe ka lɛ, alé we valé alé wevasibli lé we ma, té ka a ble lo.

Weblezannu 18:29

wa tɔ laama Dan, wo tra Dan lé wa yaa Izraɛl lɛ, a tɔ nya; naa, é vinin wo fla ’ko tɔ laama Lais.

Weblezannu 20:1

Izraɛl lé nénu faa bɔra, é sia Dan fɔɔ Bɛɛ‐Sééba, é valé Galaad tɛrɛ la, yé wo zén ékeva bélé mi do kpen zo Gakelebale ’lɛ, Misipa.

Weblezannu 5:22

Wisoonu gane sɔnéwɔlɛ vun we Gulidanzannu lé vlan buruna.