Jérémi 8:14 - Kazambale lé Sebe Sauunu 1979

¹⁴ Mɛmalé ko vo é nyanalee? ’Ka zén ékeva yé kaa go nyanamunu lé fla zamaga wole we ma. Naa, Gakelebale, kolé Bale, ga pla ko ’lɛ. ’Yinu lé mi gyɛ lale ke wo va, é a kɛlɛ ko miniyi nya; naa, ko wenyané kɛlɛ Gakelebale ma, azama.

Jérémi 8:14 ပူးပေါင်းရင်းမြစ်များ

2 Samuɛl 20:6

Yé minwiinzan lé Abisai lɛ léé: Bikri be Sééba é dan wenyané kɛlɛ lɛ ko lɛ yé é mini Abusalɔm zé ta. Biibozen i ti wuozannu si yé bé zuo bin, dé é da wɔra fla plɛplɛ ta yé é san ko lee.

Lɛrɛvɔ Sɛbɛ 39:2

Maa léé, an dan yuɛ pa lɛ anlé tawobɛ ta, Bléyian va lé mi nyanénu a an ’lɛ Maa dan an lɔlu kun lɛ, Dé an da wenyané fe.

Lɛrɛvɔ Sɛbɛ 69:21

Serele lé wa boo an ma, éé ’naan an ma wee, yé éé soo an kɔlɛ zi, ’té an ma éé yaan, Maa nyanai zénle an ta lɛbɛn‐é, naa, maa ’ka a yé lo. Maa tɔrɔpaazan lɛbɛn‐é, maa ’ka a do kpen yé lo.

Ézai 47:5

Kaldé le, ’I nyana, ’i tadɔ, ’i go gunutinu va. Wo ’ka dan i laa lɛ bɛnnu nwiin le é dɛrɛ lo.

Jérémi 14:20

Gakelebale, kolé wenaanénu valé ko tranu lé weplenu ginin dɔ ko gi; Naa, ko wenyané kɛlɛ i ma.

Jérémi 14:7

Dé kolé weplenu éé kɛla ko ma kolé wenayezan nyaoo, Gakelebale ’i we kɛlɛ i tɔ lé we ma; Naa, ko yuɛ gi blan namɔn, Ko wenyané kɛlɛ i ma.

Jérémi 23:15

Bɛwemalé lai sunyanu lé Gakelebale we fe balelayezannu ma, yé é léma: Ka ye, maa dan koinyɔnɔ nɔ lɛ wo lɛ wolé fɛblele nya, Yé maa dan lale zén lɛ wo miniyi va, Naa, Jérusalɛm lé balelayezannu lé we ma lé Bale lé zi ma wenyané fele sɔɔla tɛrɛ faa la.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 35:11

Bléyian va lé Babilɔn munu nwiinzan blɛn Nébukanɛsaa nwa tɛrɛ ’ko ma, ko léé, kaa go Jérusalɛm; kaa si Kaldé munu valé Siri munu lé sunyanu ma baa. ’Bɛ zo lé ko nyanaan Jérusalɛm.

Jérémi 9:14

Wo tawo wo bligiwenu yɛrama, wo go Baalnu zuo, wo tinu a paa wo gi fɛan zo, a yɛrama.

Jérémi 9:15

Amalé, lai sunyanu lé Gakelebale, Izraɛl munu lé Bale léma: Ka ye, maa dan kɔnɔn nɔ lɛ munu ’konu lɛ wolé fɛblele nya, yé maa dan laleyi nɔ lɛ wo lɛ wo miniyi nya.

Jérémi Lé Wuvɔ Sɛbɛ 3:19

Dé an bɔn‐in bɔrɔ anlé kleblele valé we tɔntɔn lé é bɔ an ma bɛ, wo ma, Yee valé ziri’yi valé migyɛlale ma,

Lévinu 10:3

Moizi lé Arɔn lɛ léé: We ’koan Gakelebale a fe yi la loo? É ’ka a fe lɛ léé, mi lé é bié ’é va, ’é kana ’é lee, yé é ’é tɔ kɛlɛ blɛn munu faa yuɛ va loo? Arɔn ta vo é dɔle.

Amɔs 6:10

Dé alé mi do da a gale sia lɛ a kyɛblele we ma, dé é a a va léé, é a gale si kɔn‐in, é dan a laa lɛ kɔnsorogizan lee léé: Mi do a i va é ziin bɛɛ? Yé mi ’ko é dan a zi pa lɛ a lɛ léé: Mi do ’ka ana lo. Yé é dan a fe lɛ ’bɛ lɛ léé: ’I tadɔ. Gakelebale tɔ fe bléyian ke ’ko lo.

Abaku 2:20

Gakelebale a élé kɔn sauun gi; tɛrɛ faa ’é tadɔ a ’lɛ ma.

Zakari 2:13

Munu faa ’é tadɔ Gakelebale ’lɛ ma. Naa, é nwa ’é nyanana sauun na, azama.

Matio 27:34

wi nyɛtoro lé wa vɔɔ dɔrɔ nya wa nɔ a lɛ; naa, dé é a lɛ dan é ’ka a minile nyi si lɛ lo.

Bélidɔwesɛbɛ Fiézan 29:18

Dé gɔné léé, dé le léé, dé migɔnɔ léé, dé bɛn léé, té ka va mi do kpen é bli si Gakelebale kolé Bale lɛ kyɔ yé é go bɛn ’konu lé balenu bɔ lo. Té ziriyili suni valé abisɛntiyili suni é kɛlɛ ka va lo.

Bélidɔwesɛbɛ Fiézan 32:32

Wolé dɔrɔyili lé wa suru, wa kulu si Sɔdɔm, Wa si Gɔmɔɔ féi; Wolé dɔrɔporo a laleporo nya, Wolé dɔrɔporo a é nyanale;