Jérémi 7:4 - Kazambale lé Sebe Sauunu 1979

⁴ Dablidére lé wa fé léé: Fɛkona a Gakelebale lé kɔn nya, é a Gakelebale lé kɔn nyaoo kɔn nya, té ka bli é vo ’bɛ lɛ lo.

Jérémi 7:4 ပူးပေါင်းရင်းမြစ်များ

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

Ézai 48:2

Naa, wo fla plɛplɛ tɔ pa ’wo ma, Yé wo pale a Izraɛl lé Bale lé, Wa tɔ laama lai sunyanu lé Gakelebale bɛ, a ta.

Ézai 59:4

Ka do kpen ’ka mi tɔ fé tegele lo. Ka do kpen ’ka we sié ka nwiin we drɔle nya lo. Ka paan boawenu ta, ’té ka we fé vié nya. Ka wenaané bɔn sié yé ka né yaa wenyané blɛn nya.

Ézai 66:1

Gakelebale léma: La a an nyanala blin nya, yé tɛrɛ a a ganedɔralafɛ nya. Mɛ kɔn lé ka dɔa an lɛ yé fɛ kyɛnna lé ka ana nɔ an lɛ an nyanana nyaa?

Jérémi 28:15

Yé balelayezan Jérémi lé balelayezan Aanania lɛ léé: Aanania, ’i tɔné dɔ. Gakelebale ’ka i pa lɛ zia monomono lo. Yé munu pa ilé viéwe fele ’ko ta.

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 29:31

Bé fe luugimunu faa lɛ léé: Gakelebale we fe Nésélamizan Sémaéja ma yé é léma: Sémaéja balelawe fe ka lɛ ’té an ’ka a pa lɛ zia lo, yé ka pa alé viéwe ’ko ta,

Jérémi 6:14

Woo anlé munu manɔn paan gi nyané nya, ’té wa fé léé: ’I vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi 7:14

Amalé kɔn lé woo an tɔ laan ana, ’té ka bli ke a lɛ, ’té maa ana nɔ ka valé ka tranu lɛ bɛ, maa dan we kɛlɛ lɛ a lɛ, maa a kɛlɛ Silo lɛ fɛan zo, a zo.

Ézékiɛl 13:19

Ka an tɔ sɛra anlé munu va, sɔnmlén bɛ nya kenu valé buru kuru kenu yele we ma, ’té munu lé é ’ka lé wo ga lo, ’té ka wo gya, yé ’té munu lé é ’ka lé wo vo é yuɛma lo, ’té ka wo voo é yuɛma. ’Bɛ zo wenu kɛlɛle nya lé anlé munu lé woo tɔné dɔa viéwenu lɛ, ka wo saan.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Sofoni 3:11

’Bɛ yi la, i kɛlɛwenu faa ’ka dan i gyɛ lɛ yara nya lo; i kɛlɛwenu lé i wenyané kɛlɛ an ma wo nya, woo lé. Naa, ’bɛ bléyi va, munu lé wo gi éé nanaan boblɛn dére nya turu bɛ, maa dan wo si lɛ ka méléna, yé i ’ka dan ibo kɛlɛ lɛ blɛn anlé gɔ tinle nwiin é dɛrɛ lo.

WENÉNÉ LÉ LUK A GYE (Évangile selon Luc) 3:8

We lé ka kɛla yé ’bɛ a gɔɔn léé, ka bli nɔla, ’ka ’bɛ kɛlɛ, yé té ka kun a fele ma ka bli gi léé, Abraam a ’wo tra nya, lo. Naa, maa lé ka lɛ léé, Kazambale é bɔalɛ léé, é gɔlɛ ’konu kinin Abraam gɔnɔlazannu nya.