Jérémi 7:34 - Kazambale lé Sebe Sauunu 1979

³⁴ Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛ vɔle koo, maa dan wo yi ga lɛ Juda tɛrɛ la valé Jérusalɛm zinu ta; naa, ana fla é dan kɛlɛ lɛ bwi saa nya.

Jérémi 7:34 ပူးပေါင်းရင်းမြစ်များ

JOB (Job) 3:7

Té wo né yaa a yi la lo, ’Wo ginanale yi ga ana ma.

Lɛrɛvɔ Sɛbɛ 78:63

Kyɛ alé pɛniɛnu ble, Yé wo ’ka alé blɛnnu tɔ nwa lɛ lo;

Ézai 1:7

Kalé tɛrɛ vo é pla yé kalé flanu kyɛ ble. Bɛnnu kalé féinu si ka lee ka yuɛ va; wo ’wii kalé fɛnu ta yé wo wo sɛrɛ bélé bwigimunu zo.

Ézai 3:26

Siɔn flagɔrɔ ’léé wo dan dunnu lɛ yé wo dan gyɛ bo lɛ; Siɔn munu é dan nyana lɛ tɛrɛ va wo leekoro nya.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 16:9

Naa, Izraɛl lé Bale, lai sunyanu lé Gakelebale léma: Ka ye, ginana siaalenu valé bɔn‐in néné lé siaalenu koo, lesizan lé lɛrɛvɔlenu koo, bosizan lé lɛrɛvɔlenu koo, an dan wo nyaa lɛ fɛkona, ka yuɛ va, kazé bléyi va.

Jérémi 22:6

Naa, Gakelebale we fe Juda munu nwiinzan blɛn lé munu lé we ma, yé é léé: Bii a an lɛ bélé Galaad tɛrɛ zo, bélé Liban gɔ zogoroné zo. Naa, weboen lé, maa dan i kɛlɛ lɛ bélé bwi zo, fla lé mi do kpen ’ka a ta lo, a nya.

Jérémi 25:10

Ginana siaalenu koo, ginanale baba lé siaale koo, ledɛrɛsizannu valé bodɛrɛsizannu lé lɛrɛvɔle koo, ’woli vun wele valé kyɛbɔ san koo, maa dan wo yi ga lɛ wo méléna.

Jérémi 27:17

Té ka tɔné dɔ wo lɛ lo; ’ka ’wuo dɔ Babilɔn nwiinzan blɛn wuo yé ka dan vo lɛ é yuɛma. Mɛmalé é a lé fla ’ko é kɛlɛ é ’bin nyaa?

Jérémi 33:10

Gakelebale léma: Ka fe fɛkona ma léé, é a bwi nya yé mi do kpen ’ka ana lo, yé wi do kpen ’ka ana lo, ’bɛ a weboen nya, naa, Juda tɛrɛla flanu valé Jérusalɛm zinu lé wo ke é sɛrɛle tata, ’té mi ’ka ana lo, ’té munu ’ka nyanaan ana lo, ’té winu ’ka ana lo bɛ,

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Jérémi 4:26

Maa nagini, yé Kaamɛl tɛrɛ zin kɛlɛ bwi saa nya, Yé ana fla faa ’wii Gakelebale ’lɛ. Gakelebale bli flile blɛn lé we ma lé we ’konu kɛlɛ.

Jérémi 4:27

Naa, Gakelebale léma: Tɛrɛ ’ko faa é dan sɛrɛ lɛ; Naa, maa ’ka dan a sɛrɛ lɛ tata lo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi Lé Wuvɔ Sɛbɛ 5:14

Gɔné segelenu ’ka nyanaan kolé flagɔrɔ ’léé é dɛrɛ lo, Pɛniɛnu daan ’wolé lɛrɛvɔle ma.

Ézékiɛl 26:13

Maa dan ilé lɛrɛvɔlenu yi ga lɛ, yé wo ’ka dan ilé kɔnɔnu dére ’ma lɛ é dɛrɛ lo.

Ézékiɛl 7:11

Glawe nwa we lɛdɔle bɛn ple gi we ma. Wo va mi gɔ do kpen ’ka dan kɛlɛ lɛ ana é dɛrɛ lo, mi gu lé wo vun éé wé, wo mi gbau bɛ, a do kpen ’ka dan kɛlɛ lɛ ana é dɛrɛ lo; mi ’ka dan wo wuvɔ lɛ lo.

OZÉ (Osée) 2:11

Bɛwemalé ’sa bléyi va, maa dan anlé ’sa si lɛ a lee; nwɛ dɛrɛ bléyi va, maa dan anlé nwɛ dɛrɛ si lɛ a lee; anlé ’blakyɛɛsɔ valé anlé lɛnsɔ lé é ’é ma yɔɔan turu a nya, maa dan a si lɛ a lee.

OZÉ (Osée) 2:13

Alé ginanawe kɛlɛle faa koo, alé fɛtinu lé we koo, alé moné dɛrɛ lé we koo, alé flinyi valé alé zénle ékeva plɛplɛnu koo, maa dan a faa yi ga lɛ.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Misé 7:13

Tɛrɛ é dan sɛrɛ lɛ a tamunu koo, wo kɛlɛwenu koo, wolé we ma.

Wegɔɔnle 18:23

kyɛbɔ ’ka dan bi lɛ i ta é dɛrɛ lo, yé wo ’ka dan lesizan valé bosizan dére ’ma lɛ i ta é dɛrɛ lo; ilé yaawomunu kɛlɛ tɛrɛlami blɛnnu nya, yé i bɛnnu faa saan ilé yo kɛlɛlenu nya,