Jérémi 7:26 - Kazambale lé Sebe Sauunu 1979

²⁶ Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Jérémi 7:26 ပူးပေါင်းရင်းမြစ်များ

1 Minwiinzannu 14:22

We lé ke é naané Gakelebale yuɛ gi, yee lé Juda a kɛlɛ; wolé wenyané kɛlɛle nya lé wo Gakelebale lé maabole nwa é mini wo tranu la.

1 Minwiinzannu 14:9

I wenyané kɛlɛ é mini mi faa lé wo ke i ’lɛ é vinin, wo ta; i go izé bale bɛnu valé miyili serelenu kɛlɛ lɛ, an bli flile we gi, yé i nwun zi dɔ an ta.

2 Minwiinzannu 17:14

Naa, wo ’ka ’wo tɔné dɔ lɛ lo, yé wo kɛlɛ tɔnégiplɛplɛzannu nya bélé wo tranu lé wo ’ka bli vo lɛ Gakelebale, wolé Bale lɛ lo, wo zo.

2 Minwiinzannu 17:15

Wo sɔn vɔ alé bélidɔwe koo, gipawe lé é a kɛlɛ wo tinu va koo, wenu lé é a pla wo lɛ koo, wo ma. Wo go boafɛnu zuo yé wobozen kɛlɛ boazannu nya, yé bɛnnu lé ke wo zi, wo go wo zuo, dɔlé ’té Gakelebale a yi ga wo lee léé, té ’wo wo zuo sona lo.

2 Minwiinmunu lé Wezuofe Sɛbɛ 30:8

Té ka kɛlɛ wemaplɛplɛzannu nya bélé ka tranu zo lo; ’ka ka ’wuo dɔ Gakelebale wuo. Alé fɛna sauun lé é a pa é yɛrama lɛɛ faa zé nya bɛ, ’ka da ana, yé ’ka Gakelebale kalé Bale bɔ, léé, alé bliflile plɛplɛ ’é si ka ma.

2 Minwiinmunu lé Wezuofe Sɛbɛ 33:10

Gakelebale we fe Manasé valé élé munu lɛ, naa, wo ’ka ’bɛ ye lɛ wo yuɛi we nya lo.

2 Minwiinmunu lé Wezuofe Sɛbɛ 33:23

Yé é ’ka ébo kɛlɛ lɛ kiéné Gakelebale ’lɛ bélé a ti Manasé a kɛlɛ fɛan zo, a zo lo. Naa, yee Amon kɛlɛ weanwiinzan blɛn nya.

Néémi 9:29

I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

Wegɔnévɔlenu 29:1

Mi lé a yara a lé, wo we pla a lɛ, yé é ’ka é ’wuo dɔa a wuo lo, wo dan a ’wii lɛ za ma, té a lia ’ka lo.

Ézai 48:4

Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Ézai 5:4

Mɛ we lé é a kɔɔn lé maa kɛlɛ é ziin anlé dɔrɔféi maa? Mɛ fɛ lé maa ’ka a kɛlɛ lɛ a lɛ loo? Mɛmalé dé é a an gi léé, é dan é poro zima baa lɛ, yé é poro naané ɛ baa?

Jérémi 11:8

Naa, wo ’ka ’wo tɔné dɔ lɛ an lɛ lo, yé wo ’ka an ban lɛ wo tɔné nya lo; wo faa do do vo tawona ’wo bligiwe naané yɛrama. Naa, dérenu faa lé maa a fe gipawe ’ko ma, maa a lɛ sɔɔ wo lɛ, ’té maa a fe léé, ’wo a tawe kɛlɛ, yé wo ’ka a tawe do kpen kɛlɛ lɛ lo bɛ, yee lé.

Jérémi 16:12

Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 17:23

Wo ’ka ’wo tɔné dɔ lɛ an lɛ lo; wo ’ka an ban lɛ ’wo tɔné nya lo. Wo kɛlɛ yuɛma plɛplɛzannu nya, léé, wo ’ka ’wo tɔné dɔa lo, té wo we paa ’wo gi lo.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 22:21

Maa we fe i lɛ ilé tɔnɔfɛ yebléyi va, Yé bii léé, ’é ’ka ’é tɔné dɔa an lɛ lo. I kiéné la bléyi va fɔɔ kyɔ, i we kɛlɛ ’bɛ zo, I ’ka i tɔné dɔ lɛ an dére lɛ lo.

Jérémi 25:3

A péli sia Amon be Jozias plale mi nwiin lɛɛ vu ta yaazan nya fɔɔ kyɔ, an Gakelebale dére fe ka lɛ, a lɛɛ yɔ do wɔlɛ yaa lo. Maa a fe ka lɛ, maa a fe ka lɛoo, yé ka ’ka a ’ma lɛ an lɛ lo.

Jérémi 25:7

Naa, Gakelebale léma: Ka ’ka ka tɔné dɔ lɛ an lɛ lo, ka an bli fli ka bɛ kɛlɛfɛnu nya yé é nɔla ka ma we tɔntɔn nya.

Jérémi 26:5

dé ka ’ka ka tɔné dɔ lɛ anlé balelayezannu lé wo ke an wuozannu nya, ’té maa wo nwunvɔ ka va bɛ, wo lɛ lo, dɔlé ’té maa wo paan ka lɛ zia yifaama yé ka ’ka ka tɔné dɔ lɛ lo,

Jérémi 29:19

Wo ’ka ’wo tɔné dɔ lɛ an dére lɛ lo, yé an wuozannu lé wo ke balelayezannu nya, ’té maa wo paan wo lɛ zia yifaama bɛ, wo ’ka ’wo tɔné dɔ lɛ ’bɛnu lɛ lo, amalé maa dan a kɛlɛ lɛ a zo. Maa Gakelebale ɛ ke a fena.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Jérémi 34:14

Lɛɛ sɔrafié giéle zuo, ka faa do do, ka bwe Ébrunu lé wo wobo dan ka lee, ’ka wo vo wobo ma. ’Wo nyanama pa i va lɛɛ suiɛdo, ’bɛ zuo yé bé si ilé kɔn ’léé, yé ’é vo ébo ma. Naa, ka tranu ’ka wo tɔné dɔ lɛ an dére lɛ lo, wo ’ka an ban lɛ wo tɔné nya lilo.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 35:17

Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.

Jérémi 44:16

We faa lé bé fe ko lɛ Gakelebale tɔ gi, ko ’ka dan i lɛdɔ lɛ a ma a gɔ do kpen gi lo.

Jérémi 5:3

Gakelebale, i yuɛ ’ka webozen yé loo? I wo bla, yé é ’ka ’na lɛ wo ma lo; I wo nyaa, yé wo ’ka ilé wepladére nyi si lɛ lo; Yé wo yuɛma dɔ plɛplɛ bélé gɔlɛ zo. Wo sɔn vɔ ’wo bli nɔlale ma.

Jérémi 6:10

Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

Jérémi 6:17

Maa ka tabin sunyanu dɔ ka sɔnɔ; ’ka tɔné dɔ gulibéli dére lɛ. Naa, wa zi pa léé: Ko ’ka dan ko tɔné dɔ lɛ ’bɛ lɛ lo.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Jérémi 9:13

Gakelebale léé: Wo sɔn vɔ anlé bélidɔwenu lé maa pla wo ’lɛ, wo ma, yé wo ’ka ’wo tɔné dɔ lɛ an dére lɛ yé wa ta tawo lo, azama.

Ézékiɛl 12:2

Blami be, i a é nyanale tɔnégiplɛplɛzannu méléna; munu lé wo yuɛnu ke léé, wo yɛrɛ ye, yé wo ’ka yɛrɛ yé lo; ’té wo tɔnénu ke léé, wo we ’ma, yé wo ’ka we maan lo, woo lé. Naa, wa tɔnégiplɛplɛzannu nya.

Ézékiɛl 12:3

Naa, bii blami be, ’ilé tawo kɔné ma’lɛrɛ yé ’i zi sia é yiéyi wo yuɛ va. I a fɛana bɛ, ’i si ’bɛna yé ’i go fɛ bɛna. Naa, dé wo dan a ye lɛ léé, ’wa tɔnégiplɛplɛzannu nyaa?

Ézékiɛl 20:30

Bɛwemalé, bé fe Izraɛl munu lɛ léma: Gakelebale léma: Ka ’ka kabo tiri dɔna bélé fɛan zo lé ka tranu a kɛlɛ, a zo bɛ loo? Yé ka ’ka gona wolé bozowenu zuo bélé gɔné gini le zo bɛ loo?

Daniɛl 9:6

Balelayezannu lé wo we fe i tɔ gi, ko nwiinzan blɛnnu koo, ko nwiinzannu koo, ko tranu koo, kolé tɛrɛlamunu faa koo, wo lɛ, ko ’ka ko tɔné dɔ lɛ woo, i wuozannu lɛ lo.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

Zakari 7:11

Naa, wo ’ka a nyi si lɛ léé, ’wo tɔné dɔ an lɛ lo, wo so an wuo yé wo tɔné sia an dére la.

Malasi 3:7

É sia ka tranu bléyi va, ka si an dére zuo, yé ka ’ka wo ta tawoo lɛ lo. ’Ka da an va ka pa gi, yé maa dan da lɛ ka va é ziin; a zo lé lai sunyanu lé Gakelebale a fe. Yé ka léé: Ko dan i va kaa? Ko ana ’ko.

Matio 21:38

Féinwiinzannu a be ye aan wo, wo lé ’wo ke lɛ léé: A zarablezan lé é ke ’ko. ’Ka da, kaa a gyɛ, yé a zara ’é vo kaa lɛ.

Matio 23:32

’Ka ka tranu kɛlɛwe pɔné lɛ sɔɔ ma.

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Bélidɔwesɛbɛ Fiézan 8:20

Bɛnnu lé Gakelebale wo gyɛ za ma ka ’lɛ, ka dan zamaga wo lɛ bélé wo zo, ’té dé ka ’ka kɔɔn ka tɔné dɔ lɛ Gakelebale, kalé Bale dére lɛ lo.