Jérémi 7:25 - Kazambale lé Sebe Sauunu 1979

²⁵ Yian nya lé ka tranu si Éjipiti tɛrɛ la, é sia ’bɛ bléyi ma fɔɔ kyɔ, maa an wuozannu, balelayemunu pa ka lɛ zia; maa wo paan zia yifaama, yé an ’ka daan lɛ a ma lo.

Jérémi 7:25 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 24:19

Gakelebale balelayezannu pa wo lɛ zia léé, ’wo da wo nya ’é va é ziin, naa, wo ’ka wo tɔné dɔ lɛ wolé weplalenu lɛ lo.

2 Minwiinmunu lé Wezuofe Sɛbɛ 36:15

É sɔ Gakelebale wo tranu lé Bale lɛ léé, ’é élé munu valé ébozé nyanana tadɔ, amalé éé munu nwunvɔa wo va yifaama, léé, ’wo ’élé we pla wo lɛ.

Ezidras 9:7

É sia ko tranu bléyi va, ko a weanwiinzan blɛnnu nya, fɔɔ yé é bɔ kyɔ, yé kolé weplenu lé we ma lé i ko pa minwiinzan blɛn bɛnu lee, yé wo ko gyɛ gwɔun nya, yé wo kolé fɛnu sia gla nya, yé wo go ko nya luu gi yé yara a ko ’wuo ma fɔɔ kyɔ, ko nwiinzannu valé kolé Balebanzannu koo, ko faa lé.

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Ézai 5:4

Mɛ we lé é a kɔɔn lé maa kɛlɛ é ziin anlé dɔrɔféi maa? Mɛ fɛ lé maa ’ka a kɛlɛ lɛ a lɛ loo? Mɛmalé dé é a an gi léé, é dan é poro zima baa lɛ, yé é poro naané ɛ baa?

Jérémi 11:7

Naa, maa we ’ko lɛ kini ka tranu lɛ, yian nya lé maa wo si Éjipiti tɛrɛ la, a yi nya fɔɔ yi ’ko nya; maa vo we plana wo lɛ bladi yifaama, a fele nya wo lɛ léé: ’Ka tɔné dɔ an dére lɛ.

Jérémi 25:3

A péli sia Amon be Jozias plale mi nwiin lɛɛ vu ta yaazan nya fɔɔ kyɔ, an Gakelebale dére fe ka lɛ, a lɛɛ yɔ do wɔlɛ yaa lo. Maa a fe ka lɛ, maa a fe ka lɛoo, yé ka ’ka a ’ma lɛ an lɛ lo.

Jérémi 25:4

Gakelebale é wuozannu balelayezannu faa nwunvɔ ka va yifaama, yé ka ’ka ka tɔné dɔ lɛ wo lɛ lo; ka ’ka wo ban lɛ ka tɔné nya lo.

Jérémi 29:19

Wo ’ka ’wo tɔné dɔ lɛ an dére lɛ lo, yé an wuozannu lé wo ke balelayezannu nya, ’té maa wo paan wo lɛ zia yifaama bɛ, wo ’ka ’wo tɔné dɔ lɛ ’bɛnu lɛ lo, amalé maa dan a kɛlɛ lɛ a zo. Maa Gakelebale ɛ ke a fena.

Jérémi 35:14

Dére lé Rékab bé Jonadab a fe é benu lɛ léé, té wo dɔrɔ mini lo, wa tawe kɛlɛ, yé wo ’ka a minian lo fɔɔ kyɔ; naa, wo dɔ wo tra dére ta, azama. Yé maa, an wefele sia ka lɛ bladi yé an ’ka daanma a ma lo, yé ka ’ka tɔné dɔ lɛ an lɛ lo.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Jérémi 7:13

Yé Gakelebale léma: Sin, ka we ’konu faa kɛlɛ, yé an we plale sia ka lɛ yé ka ’ka a ’ma lɛ an lɛ lo, yé an ka laa, yé ka ’ka a zi pa lɛ lo.

Ézékiɛl 2:3

É lé an lɛ léé: Blami be, maa i pa zia Izraɛl munu lé woo bɔrɔ vɔɔan an nwiin, ’té woo nwaan an ma, wo va. Wo valé wo tinu, wo wenyané kɛlɛ an ma fɔɔ kyɔ yi ’ko nya.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

OZÉ (Osée) 12:10

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Maa dan ka nyana lɛ sɔkɔnnu wuo, bélé fɛti yi la zo.

Amɔs 2:11

Maa ka be kenu kɛlɛ balelayezannu nya, yé maa ka va pɛniɛ kenu kɛlɛ nazirézannu nya. (’Bɛ gi léé, bopa é yɛramazan Gakelebale zé nya.) Izraɛlnu, a zoan é ke loo? A zo lé Gakelebale a fe.

Malasi 3:7

É sia ka tranu bléyi va, ka si an dére zuo, yé ka ’ka wo ta tawoo lɛ lo. ’Ka da an va ka pa gi, yé maa dan da lɛ ka va é ziin; a zo lé lai sunyanu lé Gakelebale a fe. Yé ka léé: Ko dan i va kaa? Ko ana ’ko.

WENÉNÉ LÉ LUK A GYE (Évangile selon Luc) 11:49

Bɛwemalé Kazambale lé wedɔɔle léé: Maa dan balelayezannu valé nwunvɔzannu pa lɛ wo lɛ zia; wo dan a kenu gyɛ lɛ yé wo dan nyané pa lɛ a kenu ta,

Bélidɔwesɛbɛ Fiézan 9:7

Ka Gakelebale, kalé Bale bli fli bwi gi fɛan zo, a sele ’é dɔ ka gi; té ka gi é san ’bɛ ma lo. É sia yian nya lé ka si Éjipiti tɛrɛ la fɔɔ yé ka bɔ fɛkona ’ko, ka a tɔnégiplɛplɛzannu nya.