Jérémi 7:24 - Kazambale lé Sebe Sauunu 1979

²⁴ Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Jérémi 7:24 ပူးပေါင်းရင်းမြစ်များ

Néémi 9:29

I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

Lɛrɛvɔ Sɛbɛ 81:13

Naa, wo bli a zi bɛ ta, amalé maa wo vo wobo lé blibɔmawe lee, Woo tawoo ’wobozen lé weplalenu yɛrama.

Jérémi 13:10

Mi nyanénu ’ko lé wo ’ka ’wo tɔné dɔa an dérenu lɛ lo, ’té woo gibɔrɔan ’wolé blibɔmawenu ma yé wo go bale bɛnu zuo bɛ, ’té woo ’bɛnu bɔa ’té woo diaan ’bɛnu ’lɛ, wolé we ’é kɛlɛ bélé kyɛsidi ’ko lé é ’ka vo lɛ é zima é dɛrɛ lo, azé zo ma.

Jérémi 13:11

Naa, woo kyɛsidi dɔa mi gyɛn fɛan zo bɛ, a zo lé an Izraɛl lé munu faa yere an ma, é valé Juda lé munu faa nya, léé, ’wo kɛlɛ anlé munu koo, an tɔ koo, an tɔbɔle koo, anlé fua koo, wo nya; naa, wo ’ka ’wo tɔné dɔ lɛ an lɛ pelo. Maa Gakelebale ɛ ke a fena.

Jérémi 15:6

Gakelebale léé: I sɔn vɔ an ma, yé i go i zuo zia, Naa, maa an bɛ soi i ma, yé maa i kulu ga; An wɔlɛ gi nyaa an ma, nyanai zénle i ta we ma.

Jérémi 16:12

Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 17:23

Wo ’ka ’wo tɔné dɔ lɛ an lɛ lo; wo ’ka an ban lɛ ’wo tɔné nya lo. Wo kɛlɛ yuɛma plɛplɛzannu nya, léé, wo ’ka ’wo tɔné dɔa lo, té wo we paa ’wo gi lo.

Jérémi 17:9

Mi bli ’ka zi yɛrama lo; é a é nyané; De ɛ bɔa mi bli lé we dɔɔle lɛɛ?

Jérémi 18:10

naa, dé ’bɛ bɛn ’ko wenaané kɛlɛ an yuɛ gi, dé é ’ka tɔné dɔ lɛ an lɛ lo, wezin lé ke an bli gi léé, maa kɛla a lɛ, an dan an bli si lɛ ’bɛ lɛ.

Jérémi 18:12

Naa, wo léé: We pla ’bɛ. Ko dan tawo lɛ kolé bɔn‐in bɔrɔlenu yɛrama; ko faa do do, ko dan we kɛlɛ lɛ ko bligiwe naanénu yɛrama.

Jérémi 2:27

Wo lé yili lɛ léé: Bii a an ti nya. Yé wo lé gɔlɛ lɛ léé: Bii ɛ an bɔra tɛrɛ la. Naa, wo nwunzi dɔa an ta, wo ’ka yuɛ vɔa an ta lo. Yé dé wenaané bɔ ka ma bléyian va, ka léé: ’I nwa, ’i bɔ ko va.

Jérémi 22:21

Maa we fe i lɛ ilé tɔnɔfɛ yebléyi va, Yé bii léé, ’é ’ka ’é tɔné dɔa an lɛ lo. I kiéné la bléyi va fɔɔ kyɔ, i we kɛlɛ ’bɛ zo, I ’ka i tɔné dɔ lɛ an dére lɛ lo.

Jérémi 23:17

Munu lé woo nyé yélié an ma, wo lé ’bɛnu lɛ léma: Gakelebale léma: Ka dan vo lɛ drɔɔ. Yé munu faa lé woo tawoo wolé blibɔmawe zuo, wo lé ’bɛnu lɛ léé: Wenaané do kpen ’ka dan bɔ lɛ ka ma lo.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Jérémi 3:17

’Be bléyi va, wo dan Jérusalɛm laa lɛ, Gakelebale lé webleblin; bɛngɔnɔ faa é dan zén lɛ ékeva Jérusalɛm Gakelebale tɔ nya yé wo ’ka dan tawo lɛ ’wolé blibɔmawe naané zuo é dɛrɛ lo.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Jérémi 32:33

Wo nwun zi dɔ an ta, wo ’ka an nagini lɛ lo; wo we paa wo gi yifaama, naa, wo ’ka wo tɔné dɔ lɛ léé, wo we paa ’wo gi lo.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

Jérémi 9:14

Wo tawo wo bligiwenu yɛrama, wo go Baalnu zuo, wo tinu a paa wo gi fɛan zo, a yɛrama.

Ézékiɛl 20:13

Yé Izraɛl munu nwa an ma bwi gi. Wo ’ka anlé bélidɔwenu tawe kɛlɛ lɛ lo yé an dérenu lé é a lé blami a ta tawo a vole é yuɛma we gi bɛ, wo sɔn vɔ wo ma, yé wo anlé flinyi sɛrɛ tata. É dɔ an gi léé, an wɛwɛ dɔ wo ma bwi gi, wo kulu gale we ma.

Ézékiɛl 20:16

An we ’ko kɛlɛ wean ma, yee lé ke léé, wo sɔn vɔ an dérenu ma, yé wo ’ka anlé bélidɔwe tawenu kɛlɛ lɛ pelo, yé wo anlé flinyi sɛrɛ. Naa, wo ’ka ’wo bli si lɛ ’wolé miyilinu lɛ lo, azama.

Ézékiɛl 20:21

Yé wo benu nwa an ma. Wo ’ka tawo lɛ anlé wepladérenu yɛrama lo; an déretawenu lé é a lé blami a ta tawo a vole é yuɛma we gi bɛ, wo ’ka wo ta tawo lɛ lo. Yé wo anlé flinyinu sɛrɛ. É dɔ an gi léé, an wɛwɛ dɔ wo ma, yé an bli flile lɛ é sɔɔ wo ma bwi gi.

Ézékiɛl 20:8

Yé wo nwa an ma, yé é ’ka sɔ lɛ wo lɛ léé, wo tɔné dɔ an dére lɛ lo. Boafɛnu lé ’bɛnu éé wo sian ana, wovazan do kpen ’ka sɔn vɔ lɛ ’bɛnu ma lo, yé wo ’ka daan lɛ Éjipitinu lé miyilinu ma monomono lo. É dɔ an gi léé, an wɛwɛ dɔ wo ma yé an bli flile lɛ é sɔɔ wo ma Éjipiti tɛrɛ la.

Daniɛl 9:6

Balelayezannu lé wo we fe i tɔ gi, ko nwiinzan blɛnnu koo, ko nwiinzannu koo, ko tranu koo, kolé tɛrɛlamunu faa koo, wo lɛ, ko ’ka ko tɔné dɔ lɛ woo, i wuozannu lɛ lo.

OZÉ (Osée) 10:6

Wo dan go lɛ yee kyandiriné nya Asiri tɛrɛ la, minwiinzan Jarɛb blan nya. Tun é dan dɔ lɛ Éfraim munu gi, yé yara é dan Izraɛlnu gyɛ lɛ ’wo gibɔrɔmawenu ma.

OZÉ (Osée) 4:16

Izraɛlnu yuɛ ma kɛlɛ plɛplɛ an va, bélé diridané lé a yuɛma ke plɛplɛ yé é ’ka a nyi sié léé, wo nyanama pa ’é nya lo, a zo. Sin Gakelebale é dan go lɛ wo nya fɛblena bélé ’blané lé ke fɛna dégélé blɛn na, a zo.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Zakari 7:11

Naa, wo ’ka a nyi si lɛ léé, ’wo tɔné dɔ an lɛ lo, wo so an wuo yé wo tɔné sia an dére la.

Bélidɔwesɛbɛ Fiézan 29:19

Gipawe ’ko lé woo wɔraan a gi bale ’nyɔɔnle nya, dé mi do a ’ma, té ébo kɛlɛ blɛn é bli gi lo, ’té é a fe léé, dé an bli go wean zuooo, dé an nwɛ tanle pa nwɛ minilɔrɔ lé an gyɛle vaoo, an dan vo lɛ drɔɔ lo.