Jérémi 7:20 - Kazambale lé Sebe Sauunu 1979

²⁰ Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Jérémi 7:20 ပူးပေါင်းရင်းမြစ်များ

2 Minwiinzannu 22:17

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

Ézai 10:17

Izraɛl vakinisan é dan kɛlɛ lɛ kyɛ nya, yé alé Mi Sauun é dan kɛlɛ lɛ kyɛnɛnɛ nya, yé ’bɛ é dan Asirinu nwiinzan lé léliyilinu valé danannu ble lɛ yi do kpen nya.

Ézai 42:25

Amalé a bli fli Izraɛl ma é baba, Yé é glawe bɔ wo ma yé guli wo gyɛ, Guli wo gyɛ bɛ faa ma, yé wo ’ka a gi ’ma lɛ lo; Guli wo ble yé wo ’ka ’bɛ pa lɛ wo ’wuo gi lo.

Ézai 66:24

Yé dé wo bɔra, munu lé wo nwa an ma, wo dan wo galenu ye lɛ; naa, wo ziri ’ka gaan pelo, yé wo kyɛ ’ka dan diri lɛ pelo, yé wo dan kɛlɛ lɛ mi faa tadanmafɛ nya.

Jérémi 11:16

Ɔliviyililaa drɔɔdrɔɔzan lé wa ze vɔa é poro zima ma, bii lé; tɔ lé Gakelebale a pa i ma, yee lé é ke bɛ. Vun blɛɛn plɛplɛ wele nya, kyɛnɛnɛ éé vɔa a ma, ’té a bɛnu kyɛ éé blé.

Jérémi 12:4

Tɛrɛ ’ko é dan gyɛ bo lɛ yifaamaa? Yé féi faa ta lunu é dan ga lɛɛ? Winu valé mianénu a zamaga wona Flamunu lé we lɛrɛlɛrɛ kɛlɛle we ma; Naa, wo léé: É ’ka dan kozé tɛrɛla ’wuoplana ye lɛ lo.

Jérémi 14:16

Yé munu lé wo balelawe fe ’bɛnu lɛ, ’bɛnu galenu é dan dia lɛ Jérusalɛm zinu ta, lɔrɔ valé gwɔun pagi nya. Wo koo, wo nanu koo, wo benu koo, wo lunu koo, wo pazan do ’ka dan kɛlɛ lɛ ana lo; maa dan wolé we lɛrɛlɛrɛnu nɔla lɛ wo ma.

Jérémi 17:27

Naa, dé maa ka béli dɔ léé, ’ka flinyi kɛlɛ yi nyané nya, té ka kɔné do kpen si a yi nya lo, té ka kɔné do kpen wɔra Jérusalɛm flinyi nya lo, naa, dé ka ’ka ka tɔné dɔ lɛ an lɛ lo, ’té maa dan kalé flagɔrɔ ’léé duolinu kyɛ vɔ lɛ, yé é dan Jérusalɛm lé fuakɔnnu kyɛ ble lɛ yé é ’ka dan diri lɛ pelo.

Jérémi 17:4

Ka pagi lé we ma lé tɔnɔ lé maa a nɔ ka lɛ bɛ, é dan san lɛ ka lee. Ka dan kɛlɛ lɛ ka nyanézannu wuozannu nya, tɛrɛ lé ka ’ka ana dɔɔa lo, ana. Naa, ka anlé bliflile nwa bélé kyɛ zo, amalé an bli flile ’ka dan nyaa lɛ lo.

Jérémi 18:23

Yé bii Gakelebale, an mawe faa lé wa blé léé, ’wo an gyɛ, bé gi dɔɔ. Té i wo ma we vo wolé weplenu ma lo; té wolé wenyané é saan i gi lo. ’I wo guru zana a gi i ’lɛ; ’i we kɛlɛ wo lɛ i bli flibléyi va.

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 44:6

An bli fli yé an wɛwɛ nwa yé wo Juda flanu valé Jérusalɛm kyɛ ble, yé wo kɛlɛ é ’bin valé bwi nya, ka a ye kyɔ fɛan zo, a zo.

Jérémi 6:11

Gakelebale lé bliflile an kan; an ’ka bɔa anbo kunle lɛ lo. I bli ’é fli né lé é ke zi gi, a ma. I bli ’é fli miboronénu lé woo zén‐é ékema, wo ma. Naa, wo dan gɔné valé lezan kun lɛ; mi kwa, mi lé ana mɔn, wo dan wo kun lɛ.

Jérémi 6:12

Gakelebale léé: Dé an bɛ nwa tɛrɛ ’ko lamunu ma bléyian va, wolé kɔnnu é dan kɛlɛ lɛ mi bɛnu zé nya, wolé féinu valé wo nanu koo é ziin.

Jérémi 8:13

Gakelebale léé: É sɔ an lɛ léé, an wozé nyaa. Dɔrɔporo ’ka dan kɛlɛ lɛ dɔrɔféi lo, yé bɔrɔporo ’ka dan kɛlɛ lɛ bɔrɔféi lo, yé yililaanu é dan zɔrɔ lɛ; yé fɛ lé maa a nɔ wo lɛ é dan so lɛ wo lee.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 22:22

Fɛan zo lé gɔɔlifu éé selean fɛselebɔ gi, a zo duo lé ka dan sele lɛ fla ’ko ta. Yé ka dan a gi dɔɔ lɛ léé, maa Gakelebale, an wɛwɛ dɔ ka ma.

Ézékiɛl 7:12

A bléyi bɔ, a yi bɔ é pu; té fɛlɔzan gi é nana lo, té fɛdanzan bli kyɛ é dɔ lo. Naa, bliflile nwa mi gu blɛn faa ma.

Ézékiɛl 7:14

Wo béli fɛn, we faa ma a é ’lɛrɛle. Naa, mi do kpen ’ka dan zén lɛ gulidanle va é dɛrɛ lo; naa, an wɛwɛ dɔ munu faa ma.

Daniɛl 9:11

Izraɛlnu faa ilé bélidɔwe sɛrɛ yé wo ’ka i dére ’ma lɛ lo. Amalé balepalenu valé bale ’nyɔɔnlenu lé wo ke é gyɛle Bale wuozan Moizi lé bélidɔwe gi, wo wo kun. Naa, ko wenyané kɛlɛ Bale ma, azama.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Sofoni 1:2

Gakelebale léma: Maa dan fɛ faa sɛrɛ lɛ tɛrɛ la.

Sofoni 1:3

Blaminu koo, winu koo, lagi mianénu valé wɛyi va pɔnu koo, mi saanfɛnu valé mi nyanénu koo, maa dan wo sɛrɛ lɛ tɛrɛ la. Maa dan blaminu kulu ga lɛ tɛrɛ la. A zo lé Gakelebale a fe.

Zakari 7:12

Wo ’wo bli la dɔ plɛplɛ bélé gɔlɛ zo, léé, bélidɔwe koo, dére lé lai sunyanu lé Gakelebale a fe é Léli nya balelayemunu vininnu lɔlu nya, ’bɛ koo, té wa ’ma lo. Ana lé lai sunyanu lé Gakelebale bi wo ma bliflile blɛn nya.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Matio 3:12

Alé guli a a lee. É dan élé ’sa sunwo lɛ, yé é a fɛɛ, yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.