Jérémi 7:18 - Kazambale lé Sebe Sauunu 1979

¹⁸ Nénu éé kyɛ yélié yé wo tinu éé kyɛ sɔn‐o, yé lomu éé buruyɔɔ zɔn‐o yé wo gatonu kɛlɛ a nya lagi fuale zé nya, é valé ’yi zanale nya bale bɛnu lɛ, an bli flile we gi.

Jérémi 7:18 ပူးပေါင်းရင်းမြစ်များ

1 Minwiinzannu 14:9

I wenyané kɛlɛ é mini mi faa lé wo ke i ’lɛ é vinin, wo ta; i go izé bale bɛnu valé miyili serelenu kɛlɛ lɛ, an bli flile we gi, yé i nwun zi dɔ an ta.

1 Minwiinzannu 16:2

Maa i nwa vun va, yé maa i dɔ anlé munu Izraɛl nwiinzan nya; naa, i tawo Jéroboam lé tawobɛ zo, yé i anlé munu Izraɛl kɛlɛ wenyané kɛlɛzannu nya, yé wolé wenyané an bli fli, bɛwemalé

Lɛrɛvɔ Sɛbɛ 16:4

Wo miyilinu kɛlɛ di, yé woo vlanburuwo bale bɛnu zuo; Nyɛ lé wa zanaan yobanfɛ nya, maa ’ka ’bɛ zanaan lo. Maa wo tɔ fé an lɔlu nyaa? Pelo!

Ézai 3:8

Jérusalɛm guru zana a gi yé Juda tɛrɛ sɛrɛ; naa, wo péli vɔ Gakelebale ma wo dére valé wo kɛlɛwenu nya, yé alé fuasan ’ka kana zén‐é wo gi lo, azama.

Ézai 57:6

Izé a yuu va naaninvɔlagɔlɛnu nya; izé ’bɛoo ’bɛ. Wo ta lé ka kalé yoban’yi zanaan; kalé blɛfɛnu kɛlɛ wo ɛ lɛ. We ’ko ’ka ’naan an ma loo?

Ézai 65:11

Naa, ka lé ka sɔn vɔ Gakelebale ma, ’té ka gi éé saan anlé gɔ sauun ma, ’té ka fɛblele no miyili Gad lɛ yé ka nwɛ no miyili Méni lɛ,

Ézai 65:3

An ’namawe lé ke léé, woo saraka boo zianféinu ta, woo lasikɔrɔpo kyɛ blé brikinu ta, woo wo nyanana kɛla mipana nya, ’té woo tu kinié suruwi blele nya gɔmagurunu gi, ’té wolé fɛble kananu gi tiri a, ’té wo ’ka daan a ma lo, wo nya. Naa, an bɛ soian wo lɛ yifaama.

Jérémi 1:16

Maa dan Juda munu lé we ble lɛ wo kɛlɛwe plenu lé we ma. Wo sɔn vɔ an ma yé wo lasikɔrɔpo kyɛ ble bale bɛnu lɛ, yé wo ’wo ’wuo tua ’wo bɛ kɛlɛfɛnu lɛ, azama.

Jérémi 11:17

Lai sunyanu lé Gakelebale lé é i suru, yee ɛ we tɔntɔn laa i ma, Izraɛl munu valé Juda munu lé we lɛrɛlɛrɛ kɛlɛle we ma; wo an blifliwe kɛlɛ lasikɔrɔpo kyɛblele nya Baal lɛ, azama.

Jérémi 17:2

Woo bɔn‐in bɔrɔan wolé nénu ma fɛan zo, a zo duo lé woo bɔn‐in bɔrɔan wolé balebannanu ma, yé a zo duo lé woo bɔn‐in bɔrɔan wolé miyilinu lé wa laama Asataté, ’té woo wo dɔa yili drɔɔdrɔɔnu wuo, ’bɛ valé gɔpanénu nwiin bɛ, wo ma.

Jérémi 19:13

Jérusalɛm kɔnnu valé Juda nwiinzannu lé kɔnnu, wo dan kɛlɛ lɛ fɛ lé wana sɔnné sɛrɛ, a nya, bélé Tofɛt zo; kɔnnu faa lé wo lasikɔrɔ kyɛ ble wo nwiin lagifɛnu faa ’lɛ, ’té woo baleban’yi zanaan bale bɛnu lɛ wo nwiin bɛ, woo lé.

Jérémi 25:7

Naa, Gakelebale léma: Ka ’ka ka tɔné dɔ lɛ an lɛ lo, ka an bli fli ka bɛ kɛlɛfɛnu nya yé é nɔla ka ma we tɔntɔn nya.

Jérémi 32:29

Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Jérémi 44:25

Lai sunyanu lé Gakelebale, Izraɛl lé Bale léma: Ka valé ka nanu, we lé é bɔra ka ’léé, ka kɛlɛ. Ka léé, balekundére lé ’wa fe, ’wo dan a lɛ sɔɔ lɛ; ’wo dan lasikɔrɔpo kyɛ ble lɛ lagi fuale lɛ yé ’wo dan ’yi zana lɛ a lɛ. Yé sin, ka kalé balekundére lɛ sɔɔ, yé we lé ka fe, ka kɛlɛ.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Jérémi 7:17

Wenu lé wa kɛla Juda tɛrɛ la flanu ta, é valé Jérusalɛm zinu ta, i ’ka wo yé loo?

Jérémi Lé Wuvɔ Sɛbɛ 5:13

Gɔné boronénu éé fɛzɔngɔlɛnu sian, Nénu gane ’ka nwaan kyɛ kɔné wuo lo.

Ézékiɛl 16:26

Éjipitinu lé wo kɔlɛ ke kiankian, i wo gini gɔné nya, yé ilé gɔnéginilenu gi gyɛ an bli flile we ma.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 8:16

Yé é go an nya Gakelebale lé kɔn gɔrɔ gi. Yé ka ye, Gakelebale lé kɔn ’léé valé balebanna méléna, dé mi yɔ do wɔlɛ soru léé? wana. ’Té wo nwunzi a é dɔle Gakelebale bangikɔn la, ’té wo yara a é dɔle yirinwanazia, ’té woo diaan ’wo bli la yirinwanazia yiri ’lɛ.

Ézékiɛl 8:17

Yé é lé an lɛ léé: Blami be, bé yee? ’Bɛ zo wenu lé Juda munu a kɛla ’ko, ’bɛ a we kiéné nyaa? É a lé wo tɛrɛ ’ko fan é ziin glawe nya yé ’té wo ’ka daan an blifliwenu kɛlɛle ma loo? Bé ye, wa yilibɛnu biéna wo nyé ma.

1 Korent munu 10:22

Kaa a a va léé, kaa Mizan lé maawole nwaa? Kaa plɛplɛ mini a lɛɛ?

Bélidɔwesɛbɛ Fiézan 32:16

Wo Bale lé maawole nwa bale bɛnu nya, Wa bli fli bozowenu nya;

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.