Jérémi 7:14 - Kazambale lé Sebe Sauunu 1979

¹⁴ Amalé kɔn lé woo an tɔ laan ana, ’té ka bli ke a lɛ, ’té maa ana nɔ ka valé ka tranu lɛ bɛ, maa dan we kɛlɛ lɛ a lɛ, maa a kɛlɛ Silo lɛ fɛan zo, a zo.

Jérémi 7:14 ပူးပေါင်းရင်းမြစ်များ

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinmunu lé Wezuofe Sɛbɛ 7:21

Kɔn ’ko a é dɔle gɔ nwiin fɛan zo bɛ, dé mi a giéna a sɔnɔ a gi é dan vuru lɛ a ma yé é dan a fe lɛ léé, mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

Lɛrɛvɔ Sɛbɛ 78:60

É sɔn vɔ é nyanana lé ke Silo, a ma, Sɔkɔn lé éé nyanaan a gi munu méléna, é sɔn vɔ ’bɛ ma;

Ézai 64:11

Oo Gakelebale, ’bɛ zo lé ibo kunwoo? I dan i tadɔ lɛ yé kolé nyanéblele é gié é glɛ laa?

Jérémi 12:7

An sɔn vɔ anlé kɔn ma. An daan anlé tɔnɔfɛnu ma. Maa an sɔlɛzan bɔra é nyanézannu lɛ.

Jérémi 23:39

bɛwemalé, ka ye, an gi é dan san lɛ ka ma; an dan son vɔ lɛ ka valé fla lé maa a nɔ ka valé ka tranu lɛ, a ma. An dan ka bin lɛ an yara ma baa;

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

Jérémi 26:4

Bé fe wo lɛ léma: Gakelebale léma: Anlé bélidɔwe lé maa a pla ka ’lɛ léé, ’ka a ta tawo, dé ka ’ka ka tɔné dɔ lɛ an lɛ lo,

Jérémi 7:10

’Bɛ faa kɛlɛle zuo yé ka da dɔ lɛ an ’lɛ, kɔn lé woo an tɔ laan ana ’ko, a gi, yé ka léé: Naa, ko a kobo ma, dɔlé ’té bozowe ’konu faa kɛlɛle we ma lé ka da.

Jérémi 7:12

Amalé ’ka go fɛana ke é pale é yɛrama anzé nya Silo bɛ, ana, fɛana lé an tɔ ke é vinin, ana, yé wean maa a kɛlɛ a lɛ anlé munu Izraɛl lé we lɛrɛlɛrɛ kɛlɛle we ma, yé ka a ye.

Jérémi 7:4

Dablidére lé wa fé léé: Fɛkona a Gakelebale lé kɔn nya, é a Gakelebale lé kɔn nyaoo kɔn nya, té ka bli é vo ’bɛ lɛ lo.

Jérémi Lé Wuvɔ Sɛbɛ 2:7

Mizan léabo ’é banna ma, é sɔn vɔ élé fɛna sauun ma; É Siɔn lé fuakɔnnu pa wo nyanézannu lee, Wo siaa Gakelebale lé kɔn gi, yé wo wo dére ’ma baa, Bélé fɛan zo lé wa maan fɛtiyi la, a zo.

Jérémi Lé Wuvɔ Sɛbɛ 4:1

Yé ’té mɛ léé? Kyan ’ka bié nyananyana é dɛrɛ lo; Wo kyan tegele vɔɔ fɛ bɛnu nya. Wo fɛna sauun lé gɔlɛnu fwila Yé wo wo nwɛɛn zi blannu faa ta.

Ézékiɛl 23:31

I tawo i buru lé tawobɛ yɛrama, yé maa alé ’yiminikana pa i lee.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Bélidɔwesɛbɛ Fiézan 12:5

’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

Bélidɔwesɛbɛ Fiézan 28:52

Wo dan nyana lɛ kalé flanu faa ma fɔɔ yé flagɔrɔ torole plɛplɛ lé ka pale ke wo ta kalé tɛrɛ faa la, yé ’wo wo zana; tɛrɛ lé Gakelebale, kalé Bale a nɔ ka lɛ, wo dan ana flanu faa mabɛn lɛ.