Jérémi 7:13 - Kazambale lé Sebe Sauunu 1979

¹³ Yé Gakelebale léma: Sin, ka we ’konu faa kɛlɛ, yé an we plale sia ka lɛ yé ka ’ka a ’ma lɛ an lɛ lo, yé an ka laa, yé ka ’ka a zi pa lɛ lo.

Jérémi 7:13 ပူးပေါင်းရင်းမြစ်များ

Wegɔnévɔlenu 1:24

Maa ka laan, yé ka sɔn vɔa an dére ma, maa bɛ soian ka lɛ, yé mi do kpen ’ka a naginian lo,

Ézai 50:2

An da, mɛmalé mi do kpen ’ka an si lɛ zia loo? An mi laa, mɛmalé mi do kpen ’ka we lɛ loo? An bɛ ’ka sɔa mi tabole nya loo? Plɛplɛ ’ka an lee yé maa mi so we lee loo? An bon‐ɛn‐an wɛyi nya yé é béli, Maa yuunu kɛla nyéné’saa nya; ’Yi ’ka lo, amalé wo va pɔnu é zamaga wo ’yiminilɔrɔ nya, Yé wo vɔn.

Ézai 65:12

kazé é dan kɛlɛ lɛ gwɔun nya, yé ka faa é dan powuo zun lɛ yé wo ka bɔrɔ bo. Naa, maa ka laa, yé ka ’ka we lɛ an zi lo; maa we fe, yé ka ’ka tɔné dɔ lɛ an lɛ lo; naa, ka wenaané kɛlɛ an yuɛ gi. We lé é ’ka an ginanawe nya lo, yee lé ka si a va.

Ézai 66:4

Maa é ziin, an gi é dan nana lɛ we tɔntɔn lé é dan bɔ lɛ wo ma bɛ, a ma, yé maa dan da lɛ wo kanamawe nya wo lɛ; maa wo laa, yé wo ’ka we lɛ lo, azama; maa we fe wo lɛ yé wo ’ka tɔné dɔ lɛ an lɛ monomono lo, azama. Naa, wo wenaané kɛlɛ an yuɛ gi; we lé é ’ka an gi nanaan lo, yee lé wa si a va wozé nya.

Jérémi 11:7

Naa, maa we ’ko lɛ kini ka tranu lɛ, yian nya lé maa wo si Éjipiti tɛrɛ la, a yi nya fɔɔ yi ’ko nya; maa vo we plana wo lɛ bladi yifaama, a fele nya wo lɛ léé: ’Ka tɔné dɔ an dére lɛ.

Jérémi 11:8

Naa, wo ’ka ’wo tɔné dɔ lɛ an lɛ lo, yé wo ’ka an ban lɛ wo tɔné nya lo; wo faa do do vo tawona ’wo bligiwe naané yɛrama. Naa, dérenu faa lé maa a fe gipawe ’ko ma, maa a lɛ sɔɔ wo lɛ, ’té maa a fe léé, ’wo a tawe kɛlɛ, yé wo ’ka a tawe do kpen kɛlɛ lɛ lo bɛ, yee lé.

Jérémi 13:10

Mi nyanénu ’ko lé wo ’ka ’wo tɔné dɔa an dérenu lɛ lo, ’té woo gibɔrɔan ’wolé blibɔmawenu ma yé wo go bale bɛnu zuo bɛ, ’té woo ’bɛnu bɔa ’té woo diaan ’bɛnu ’lɛ, wolé we ’é kɛlɛ bélé kyɛsidi ’ko lé é ’ka vo lɛ é zima é dɛrɛ lo, azé zo ma.

Jérémi 13:11

Naa, woo kyɛsidi dɔa mi gyɛn fɛan zo bɛ, a zo lé an Izraɛl lé munu faa yere an ma, é valé Juda lé munu faa nya, léé, ’wo kɛlɛ anlé munu koo, an tɔ koo, an tɔbɔle koo, anlé fua koo, wo nya; naa, wo ’ka ’wo tɔné dɔ lɛ an lɛ pelo. Maa Gakelebale ɛ ke a fena.

Jérémi 25:3

A péli sia Amon be Jozias plale mi nwiin lɛɛ vu ta yaazan nya fɔɔ kyɔ, an Gakelebale dére fe ka lɛ, a lɛɛ yɔ do wɔlɛ yaa lo. Maa a fe ka lɛ, maa a fe ka lɛoo, yé ka ’ka a ’ma lɛ an lɛ lo.

Jérémi 26:5

dé ka ’ka ka tɔné dɔ lɛ anlé balelayezannu lé wo ke an wuozannu nya, ’té maa wo nwunvɔ ka va bɛ, wo lɛ lo, dɔlé ’té maa wo paan ka lɛ zia yifaama yé ka ’ka ka tɔné dɔ lɛ lo,

Jérémi 29:19

Wo ’ka ’wo tɔné dɔ lɛ an dére lɛ lo, yé an wuozannu lé wo ke balelayezannu nya, ’té maa wo paan wo lɛ zia yifaama bɛ, wo ’ka ’wo tɔné dɔ lɛ ’bɛnu lɛ lo, amalé maa dan a kɛlɛ lɛ a zo. Maa Gakelebale ɛ ke a fena.

Jérémi 32:33

Wo nwun zi dɔ an ta, wo ’ka an nagini lɛ lo; wo we paa wo gi yifaama, naa, wo ’ka wo tɔné dɔ lɛ léé, wo we paa ’wo gi lo.

Jérémi 35:14

Dére lé Rékab bé Jonadab a fe é benu lɛ léé, té wo dɔrɔ mini lo, wa tawe kɛlɛ, yé wo ’ka a minian lo fɔɔ kyɔ; naa, wo dɔ wo tra dére ta, azama. Yé maa, an wefele sia ka lɛ bladi yé an ’ka daanma a ma lo, yé ka ’ka tɔné dɔ lɛ an lɛ lo.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 35:17

Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.

Jérémi 44:23

Ka lasikɔrɔpo kyɛ ble, yé ka wenyané kɛlɛ Gakelebale ma; ka ’ka ka tɔné dɔ lɛ Gakelebale dére lɛ lo; ka ’ka tawo lɛ alé bélidɔwenu koo, a déretawenu koo, alé weplalenu koo, wo ta lo, amalé we tɔntɔn ’konu bɔ ka ma, ka a yé kyɔ fɛan zo, a zo.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Jérémi 5:21

’Kaa tavozannu lé ka bli ’ka tegele lo, ’ka tɔné dɔ we ’ko lɛ. Ka yuɛnu a, yé ka ’ka yɛrɛ yé lo; ka tɔnénu a, yé ka ’ka we do kpen maan lo.

Jérémi 6:10

Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

Jérémi 7:25

Yian nya lé ka tranu si Éjipiti tɛrɛ la, é sia ’bɛ bléyi ma fɔɔ kyɔ, maa an wuozannu, balelayemunu pa ka lɛ zia; maa wo paan zia yifaama, yé an ’ka daan lɛ a ma lo.

OZÉ (Osée) 11:2

Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

OZÉ (Osée) 9:17

Wo ’ka tɔné dɔ lɛ anlé Bale lɛ lo, amalé é dan sɔn vɔ lɛ wo ma, yé wo dan kɛlɛ lɛ nɔɔzannu nya bɛnnu méléna.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.