Jérémi 7:10 - Kazambale lé Sebe Sauunu 1979

¹⁰ ’Bɛ faa kɛlɛle zuo yé ka da dɔ lɛ an ’lɛ, kɔn lé woo an tɔ laan ana ’ko, a gi, yé ka léé: Naa, ko a kobo ma, dɔlé ’té bozowe ’konu faa kɛlɛle we ma lé ka da.

Jérémi 7:10 ပူးပေါင်းရင်းမြစ်များ

1 Minwiinzannu 9:3

Yé Gakelebale lé a lɛ léé: Ilé bazorole valé zanté lé bé vɔ an lɛ, maa maan; kɔn ’ko lé bé dɔ an tɔ pale a ma yifaama we gi, maa a kɛlɛ sauun yé an yuɛ valé an bli é dan kɛlɛ lɛ ana yifaama.

2 Minwiinzannu 21:4

É yobannanu dɔ Gakelebale lé kɔn gi, dɔlé ’té Gakelebale a fe léé, Jérusalɛm ta lé é dan ’é tɔ vo lɛ.

2 Minwiinmunu lé Wezuofe Sɛbɛ 33:4

É yobannanu kɛlɛ Gakelebale lé kɔn gi, dɔlé ’té Gakelebale a fe léé, ’é tɔ é dan kɛlɛ lɛ Jérusalɛm lɛɛfaama, a glɛ ’ka lo.

2 Minwiinmunu lé Wezuofe Sɛbɛ 33:7

Yofoto lé é a nyaa, é a dɔra Bale lé kɔn gi; kɔn lé Bale a fe David valé é be Salomɔn lɛ alé we ma léé: Jérusalɛm lé maa a si a va Izraɛl bɛnnu faa va, ’bɛ valé kɔn ’ko, maa dan an tɔ pa lɛ wo ma yifaama, yee kɔn lé.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Ézai 48:2

Naa, wo fla plɛplɛ tɔ pa ’wo ma, Yé wo pale a Izraɛl lé Bale lé, Wa tɔ laama lai sunyanu lé Gakelebale bɛ, a ta.

Jérémi 32:34

Wo ’wolé bozofɛnu dɔa, kɔn lé wo an tɔ laan a ta bɛ, a gi, yé wo ana tiri dɔ.

Jérémi 34:15

Naa, ’kaa, yi do nya ka ka dɔbɛ nɔla. We lé ke an yuɛ gi tegele, ka a kɛlɛ, yé ka a zana dɔɔ léé, ’ka ka bɔluzannu vo wobo ma; ka dére pa do an ’lɛ, kɔn lé wo an tɔ pa a ma bɛ, a gi.

Jérémi 44:9

Ka tranu lé weple kɛlɛle koo, Juda nwiinzan blɛnnu lé weplenu kɛlɛle koo, wo nanu lé weplenu kɛlɛle koo, weplenu lé ka valé ka nanu wo kɛlɛ Juda tɛrɛ la valé Jérusalɛm zinu ta bɛ, wo sele saan ka gii?

Jérémi 7:11

Kɔn ’ko lé woo an tɔ laan ana, é a ka yuɛ gi bélé kyeen?-?womunu yɔɔna zoo? Gakelebale léé: Maabozen ana ye.

Jérémi 7:14

Amalé kɔn lé woo an tɔ laan ana, ’té ka bli ke a lɛ, ’té maa ana nɔ ka valé ka tranu lɛ bɛ, maa dan we kɛlɛ lɛ a lɛ, maa a kɛlɛ Silo lɛ fɛan zo, a zo.

Jérémi 7:30

Naa, Gakelebale léma: We lé é ke an yuɛ gi é naané, Juda munu a kɛlɛ. Wo ’wolé bozofɛnu pla kɔn lé an tɔ ke a ma, a gi, a tiridɔle we ma.

Ézékiɛl 20:39

Mizan Gakelebale léma: Yé ’kaa Izraɛlnu, ka faa do do ’é go kalé miyilinu ban. Naa, ’bɛ zuo ka dan ka tɔné dɔ lɛ an lɛ, yé ka ’ka dan an tɔ sauun sɛrɛ lɛ kalé blɛfɛnu valé kalé miyilinu nya é dɛrɛ lo.

Ézékiɛl 23:29

Wo dan we kɛlɛ lɛ i lɛ i za nya wo gi; wo dan ilé fuafɛnu si lɛ, yé wo gi vo é porole, é porole tata. Yara é dan i gyɛ lɛ gɔrɔ la ilé pɛnpɛnné gyɛle we ma. Ilé weple kɛlɛle koo, ilé gɔnéginile koo, yara é dan i gyɛ lɛ wolé we ma.

Ézékiɛl 23:37

Wo ’wobo nɔ le bɛ zana ginile lɛ, yé mi nyɛ a wo bɛ ma. Wo go wolé miyilinu zuo bɔrɔdɛ le gole zo gɔné zuo. Yé nénu lé wa yaa an lɛ, wo wo vɔ kyɛ va, wo kɛlɛle miyilinu blefɛ nya we ma.

Ézékiɛl 23:39

Wo ’wolé nénu bɔrɔ bo wolé miyilinu lɛ, yé wo go yee yi duo nya anlé fɛna sauun na, yé wa sɔnné sɛrɛ. We lé wa kɛlɛ anlé kɔn gi, yee lé ke bɛ.

Ézékiɛl 33:25

Amalé, bé fe wo lɛ léma: Mizan Gakelebale léma: Ka a sin wi nyɛ blena, ’té ka yuɛ vɔa miyilinu ta, ’té ka mi nyɛ zanaan ’naan, yé ka léé, tɛrɛ ’ko é dan kɛlɛ lɛ ’wozé nyaa?

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

Ézékiɛl 5:11

Bɛwemalé, Mizan Gakelebale léma: Maa a é yuɛma. Ka anlé fɛna sauun tiri dɔ kalé miyilinu faa valé kalé bozowe faa kɛlɛle nya, amalé maa é ziin, an dan an yuɛ si lɛ ka la, yé an yuɛyi ’ka dan dɔ lɛ a ta lo, yé é ziin, an nyanai ’ka dan zén lɛ ka ta monomono lo.

Daniɛl 9:18

Anzé Bale, ’i an ban i tɔné nya; ’i tɔné dɔ an lɛ; ’i yuɛ fuo yé ilé fla lé é vo é ’bin nya, bé nagini. Fla lé wo i tɔ laan ana, bé nagini. É ’ka lé ko a tegele amalé ko a zanté vɔna i lɛ lo; i nyanai zénle blɛn lé we ma lé ko a kɛlɛna.

OZÉ (Osée) 6:9

Balebanzannu palu a bélé mi mabɛnzannu zo, ’té woo munu gya Sisɛm lé zi ’léé; naa, wobo nɔ wenyané blɛn kɛlɛle lɛ.

Sofoni 1:5

Munu lé woo diaan ’wo bli ta kɔnnu nwiin lagifɛnu ’lɛ, munu lé woo diaan ’wo bli ta Gakelebale ’nyɔɔnle nya, ’té wo nwiinzan blɛn tɔ ’nyɔɔn‐an,

Malasi 3:15

Sin, é dɔ ko gi léé, boblɛnzan zé a néné; iin, we faa nyian éé woo mi nyanénu lɛ. Iin, woo Kazambale gi daan yé we do ’ka kɛla wo lɛ lo.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

WENÉNÉ LE JAN A GYE (Évangile selon Jean) 13:18

Maa ’ka we ’ko fena ka faa lé we ma lo; munu lé maa wo si a va, maa wo dɔɔ. Kazambale lé sɛbɛ gi we lé é a fe léé, Mi lé éé buru blé an va, Yee ɛ é ganetɛn nwa an ma, é a lé a lɛ é sɔɔ.

WENÉNÉ LE JAN A GYE (Évangile selon Jean) 18:28

Wo si Jézu nya Kaifu va, yé wo go a nya weblekɔn gi é bladi. Wobozen ’ka wɔra lɛ weblekɔn gi lo, dé wo da Taboyi sɔnné sɛrɛ yé wo ’ka bɔa Taboyi lé fɛ blele lɛ lo.