Jérémi 6:26 - Kazambale lé Sebe Sauunu 1979

²⁶ Anlé munu, ’ka bɔlɔ zén ka ta, yé ’ka burula kyɛyee va. ’Ka gyɛ bo bélé négɔné do kpen gyɛ zo. Ka yuɛyi ’é zén, ’ka dunuzénmita wuvɔ; naa, fɛsɛrɛzan a dana ko va ko tanyila.

Jérémi 6:26 ပူးပေါင်းရင်းမြစ်များ

Wepélisiananu 21:16

yé é nyana a yara zia baa bélé mi éé sa vulian yé a wɔlɛ é dia fɛana bɛ, ana zo; naa, é léé: Anlé né ’ko, té maa ’bɛ gana ye lo. Amalé é nyana ana mi a yarazia, yé é dére bié wuvɔle nya.

JOB (Job) 15:21

Mi zuru va nyɛ kini dérenu éé wé a tɔné gi, Vole drɔɔ bléyi va, fɛsɛrɛzan é dan ’wii lɛ a ta;

JOB (Job) 2:8

Yé Job bɔple sia, ’té éé ma kɔɔn‐an a nya yé é nyana kyɛyee va.

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Ézai 22:4

Bɛwemalé maa léé: Té ka an nagini lo; ’ka an vo, an wuvɔ kaii; té ka kwa kuli léé, ka an tɔrɔ paa anlé munu guru zanale a gi we ma lo.

Ézai 3:24

Fɛvɔnle gin é dan kɛlɛ lɛ lasikɔrɔ pa gi; gyɛla é dan kɛlɛ lɛ kyɛsidi pa gi; palo é dan dɔra lɛ nwintanle pa gi; bɔlɔ prɔɔné é dan kɛlɛ lɛ varɔ blɛn pa gi; wo dan tɔmase pa lɛ wo ma kyɛ nya, wo nɔnɔmi pa gi.

Ézai 30:13

amalé wenyané blɛn ’ko é dan kɛlɛ lɛ ka lɛ bélé gɔrɔ torole lé é zan si yé é tɛnla, a zo; é dan zana lɛ gɔnɔ do ’té, bléyi do kpen nya,

Ézai 32:11

Tanyila lomu, ’ka kana ma. Kun‐anwo lomu, ka ma ’é nyɔɔn ma; ’ka sɔ si ka ta, ’ka poro, ’ka sɔ dɔ ka gyɛn.

Jérémi 12:12

Fɛsɛrɛzannu éé sié bwi gi fɛna nwalenu faa na, Naa, Gakelebale lé gwɔun mi gyɛle sia tɛrɛ glɛ do la fɔɔ yé é bɔ a glɛ koɛ la; Vole drɔɔ ’ka mi do kpen zé nya lo.

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 14:17

Bé fe wo lɛ léma: É yiéyi valé é béli an yuɛyi a yorona, Yé é ’ka kinié lo; Naa, wenaané blɛn bɔ anlé munu ma, Manɔn yaale baba bɔra wo ma.

Jérémi 15:8

Alé gyɛzaralomu é dan kɛlɛ lɛ kiɛre é mini wɛyi gɔɔn ma nyéné ta, Gulidanzan boroné koo, é bu bozen koo, Maa dan kulugazan pa lɛ zia wo ɛ ma É yiéyi boenwo. Yé nyané blɛn blele valé di kinié mi gi we é dan bɔra lɛ wo ma fiaa.

Jérémi 18:22

Bléyian va lé sunya palunu bɔra wo ma fiaa, ’wo siaale ’ma wolé kɔnnu gi ma; naa, wo guru bo an kunle we ma, yé wo séli vɔ an lee, azama.

Jérémi 30:5

Gakelebale léma: Ko dikiniémigi siaalenu ’ma, Nyɛ zén migiwe lé; vole drɔɔ we kaan lo.

Jérémi 4:11

’Bɛ bléyi va, wo dan a fe lɛ munu ’ko valé Jérusalɛm munu lɛ léé: Funé éé sié fɛna lorunu na nyéné saa lé fɛna yé éé giéan anlé munu lé zi ’léé. Fu zin kaan lo, fɛwɔlɛ vasi fu kaan lo,

Jérémi 4:20

Woo we tɔntɔn na glewoo, ’té wa woo, Naa, wo ’wii tɛrɛ faa ta, Wo anlé sɔkɔnnu sɛrɛ bléyi do nya fiaa, Wo anlé yɔlaabannu zana yuɛlakɔné gyɛle do nya.

Jérémi 4:8

Amalé, ’ka bɔlɔ zén ka ta, ’ka wuvɔ yé ’ka dunnu; Naa, Gakelebale lé bliflile blɛn ’ka dan vuru lɛ ka ma lo.

Jérémi 6:14

Woo anlé munu manɔn paan gi nyané nya, ’té wa fé léé: ’I vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi 8:19

Ka ye, anlé munu siaadérenu Zuo gi éé goo wele nya tɛrɛ baa la. Gakelebale ’ka Siɔn é dɛrɛ loo? A nwiinzan ’ka ana é dɛrɛ loo? Mɛmalé wo an bli fli wolé miyili nyaalenu Valé bɛnnu lé miyilinu nyaa?

Jérémi 8:21

Anlé munu lé nyanéblelenu an gyɛ an gi, An bli kyɛ dɔ é baba, di kini an gi.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi Lé Wuvɔ Sɛbɛ 1:16

Bɛwemalé an wuvɔa, ’té an yuɛyi éé zén‐é, Naa, mian énɔ an tɔrɔ paama, é si an ma baa, Mian éé an fuu dɔa an ta, yee lé. Guliwuo vo an nyanézannu lɛ, amalé an benu bli kyɛ dɔ é baba.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Jérémi Lé Wuvɔ Sɛbɛ 2:11

An yuɛyi kiɛre zénle we ma an yuɛ fuu si é ta, a bli ’ka é male an gi lo; An gi nyɛ kini Dunu zénmitawe lé é bɔ anlé munu ma, alé we ma. Nunukénénénu valé nyɔmanénu fuu si wo ta flaworo dii zinu ta.

Jérémi Lé Wuvɔ Sɛbɛ 3:16

É an suiɛ yéli gɔlɛ nya, É kyɛyee zén an la.

Jérémi Lé Wuvɔ Sɛbɛ 3:48

An yuɛyi éé yoroan bélé ’yiyoro zo, Anlé munu sɛrɛle tata we ma.

Jérémi Lé Wuvɔ Sɛbɛ 4:10

Né bunu lé wo nyanai éé zén‐é turu wolé nénu ta, Sin woo wolé nénu dɔneé Yé woo wo kɛla wolé fɛblele nya, Dunuzénmitawe lé é bɔ anlé munu ma bɛ, azama.

Jérémi Lé Wuvɔ Sɛbɛ 4:3

Gwenu bozen woo nyɔ dɔa Wolé nénu ’léé, ’té woo nyɔ minian; Naa, anlé munu a gi pɔnpɔnzannu nya, Bélé miané lé duo zo bwi gi.

Jérémi Lé Wuvɔ Sɛbɛ 4:6

We lɛdɔle anlé munu gi a blɛn, É mini Sɔdɔm zé ta, É sɛrɛ tata bléyi do nya, ’Té mi do ’ka é bɛ mane lɛ a ma lo.

Amɔs 8:10

maa dan kalé fɛtinu nɔla lɛ gyɛbole nya, yé maa dan kalé lɛrɛnu faa nɔla lɛ wuvɔlenu nya. Maa dan bɔlɔ vɔ lɛ mi faa tɛrɛ la, yé maa dan mi faa gyɛ lɛ palo nya. Maa dan mi faa kɛlɛ lɛ gyɛbozannu nya, bélé mi be wɔlɛ do kpen gyɛbole zo, yé a ’wuo é dan pla lɛ é nyanale bélé ziri zo.

Jonas 3:6

Ninive nwiinzan blɛn we ’ko ’ma aan wo é si élé webleblin ta. É ’élé varɔ blɛn si é ta; yé é bɔlɔ zén é ta; yé é nyana kyɛyee va.

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

WENÉNÉ LÉ LUK A GYE (Évangile selon Luc) 7:12

Dé Jézu bɔ flagɔrɔ ’léé sɔnɔ, bé ye, ’té wa dana minyaa nya; yee ɛ ke é bu lé négɔné do kpen nya, yé a bu a gyɛzarale nya; ’té flamunu kiɛre a a va.

SEBE LÉ JAK A GYE (Épitre de Jacques) 4:9

É a lé ka gi dɔɔ léé, ka a nyanaizénlazannu nya. ’Ka wuvɔ yé ka yuɛyi ’é so. ’Ka kalé yérisile tavɔɔ gyɛbole nya, yé ka ginanale ’é kɛlɛ gi kyɛ nya ma.

SEBE LÉ JAK A GYE (Épitre de Jacques) 5:1

’Kaa fuablezannu, ’ka tɔné dɔ an lɛ do. ’Ka wuvɔ, yé ’ka siaa, wenaanénu lé wo dan bɔ lɛ ka ma bɛ, wolé we ma.