Jérémi 6:23 - Kazambale lé Sebe Sauunu 1979

²³ Wa dana sa valé toané din nya wo lee; wo gi a pɔnpɔn, wo nyanai ’ka zén‐é lo; wo dére éé wé bélé wɛyi gi gunule zo. Wa é vɔle wisoonu ta; wo ma a é ’lɛrɛle gulidanle we ma bélé mi do kpen zo ’kaa Siɔn munu ma.

Jérémi 6:23 ပူးပေါင်းရင်းမြစ်များ

Ézai 10:32

Wo dan yii lɛ Nɔb do, ’bɛ zuo yé é dan é bɛ nwa lɛ Siɔn munu lé gɔ ma, Jérusalɛm lé gɔpané ma.

Ézai 13:18

Wo dan pɛniɛnu gyɛ lɛ wolé sa nya; wo nyanai ’ka dan zén lɛ wolé nénu ta lo; wo yuɛ ’ka dan dɔ lɛ né do kpen ma lo.

Ézai 17:12

Oo, munu kiɛre a wena; wo vun éé wé bélé wɛyi vun wele zo. Bɛnnu bɔ gyɛ, woo gi éé wé bélé ’yiyoro plɛplɛnu gi wele zo.

Ézai 19:4

Maa dan Éjipiti munu pa lɛ wemaplɛplɛzan lee; minwiinzan lé a gi ke é pɔnpɔn, é dan pla lɛ wo nwiin. Mizan, lai sunyanu lé Gakelebale ɛ fe.

Jérémi 25:32

Lai sunyanu lé Gakelebale léma: Ka ye, we tɔntɔn é dan bɔ lɛ bɛn ma bɛn ma, yé fu plɛplɛ é dan nwa lɛ tɛrɛ glɛ sina.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 4:13

Ka ye, fɛsɛrɛzan a biéna bélé lafunu zo; alé gulidangoronu a bélé barikoko zo; alé wisoonu éé vlan sié é mini gola sile ta; we tɔntɔn bɔ ko ma, naa, wo ko sɛrɛ tata.

Jérémi 4:16

’Ka a fe bɛngɔnɔnu lɛ, yé ’ka a gi bɔra Jérusalɛm munu lɛ léé: Plaminwiinzannu si tɛrɛ baa do la; wo siaa guli?-?dére nya Juda tɛrɛ la flanu ma.

Jérémi 4:29

Dé flamunu wisootamunu valé savulimunu vun ’ma tɔɔn, wo fwi. Wo go pɔrɔ gi, yé wo vɔ gɔlɛnu nwiin; Wo sɔn vɔ flanu ma; mi do kpen ’ka wona lo.

Jérémi 5:16

Alé sakɔlɛ a mi vun nya, yé wo faa a nyanazannu nya.

Jérémi 50:41

Ka ye, munu a sina yirinwana bɛbolazia, Bɛn blɛn do valé munu nwiinzan blɛn plɛplɛnu nya; Wa nwana tɛrɛ glɛ sinanu na,

Jérémi 50:42

Sa valé toané din a wo lee; Wa gi pɔnpɔnzannu nya; wo nyanai ’ka zén‐é lo. Wo dére gi éé wé bélé wɛyi zo; Wo vɔ wisoonu ta; Wo ma a é ’lɛrɛle gulidanle we ma bélé mi do kpen zo, Bii Babilɔn lé munu ma.

Jérémi 6:4

’Ka ka ma’lɛrɛ, ’ka kee wo nya, ’ka nwa, kaa go é yiéyi. Yiri a vɔna, nyanadi furɔ toro; ’bɛ a ko ma we tɔntɔn nya.

Jérémi 8:16

Wolé wisoonu a siaana Dan zia, yé tɛrɛ ma éé nyɔɔn‐an wo dére nya. Wa dana, yé tɛrɛ koo, é tafɛnu koo, fla koo, é tamunu koo, woo wo nyaan.

Ézékiɛl 21:31

Mizan Gakelebale léma: Wo dan plaminwiin nɔɔn valé tɔkoro si lɛ i ’wuo ma. Wenu ta é dan vɔɔ lɛ. Fɛ lé é ke é zunle, wo dan a nwa lɛ, yé fɛ lé é ke é nwale, wo dan a zun lɛ.

Bélidɔwesɛbɛ Fiézan 28:49

Bɛn do lé ka ’ka wo dére dɔɔa lo, ’té wo yara ke é nyané, ’té wo ’ka mi segele lɛdɔama lo, ’té wo nyanai ’ka zén‐é né ta lo, Gakelebale é dan wo si lɛ baa, tɛrɛ glɛ sina, yé wo dan zun lɛ ka ta bélé gola zo.