Jérémi 6:22 - Kazambale lé Sebe Sauunu 1979

²² Gakelebale léma: Ka ye, bɛn do a sina yirinwana bɛbolazia tɛrɛ do la; bɛn blɛn do a nwana tɛrɛ glɛ sina.

Jérémi 6:22 ပူးပေါင်းရင်းမြစ်များ

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Jérémi 10:22

Ka ye, ko a ’ma léé, wa fena léé, Fla bɔgyɛwe a sina yirinwana bɛbolazia, Yé é Juda tɛrɛ la flanu kɛlɛ é ’bin nya, Yé é wo kɛlɛ gwenu yiɛna nya.

Jérémi 13:20

’I yara nwa, yé munu lé wa sina yirinwana bɛbolazia, ’i wo nagini. Trubɛnu lé wa nɔ i lɛ, ’té wo ke ilé fua tɔbɔ trubɛnu nya bɛ, wa kyɛɛn?

Jérémi 25:32

Lai sunyanu lé Gakelebale léma: Ka ye, we tɔntɔn é dan bɔ lɛ bɛn ma bɛn ma, yé fu plɛplɛ é dan nwa lɛ tɛrɛ glɛ sina.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 30:5

Gakelebale léma: Ko dikiniémigi siaalenu ’ma, Nyɛ zén migiwe lé; vole drɔɔ we kaan lo.

Jérémi 4:16

’Ka a fe bɛngɔnɔnu lɛ, yé ’ka a gi bɔra Jérusalɛm munu lɛ léé: Plaminwiinzannu si tɛrɛ baa do la; wo siaa guli?-?dére nya Juda tɛrɛ la flanu ma.

Jérémi 4:6

’Ka drapo do dun Siɔn vazia, ’Ka vɔ fli gi, té ka dɔ lo. Naa, an dan we tɔntɔn valé dunuzénmita we si lɛ Yirinwana bɛbolazia, yé wo da.

Jérémi 47:2

Gakelebale léma: Ka ye, ’yinu nwa yirinwana bɛbolazia, Wa bélé ’yiyoro plɛplɛ lé é nwɛɛn é gɔ la, a zo; Tɛrɛ koo, a tafɛnu koo, Flanu koo, wo tamunu koo, é wo ble. Munu siaa plɛplɛ, Ana tɛrɛlamunu faa gyɛ bo.

Jérémi 5:15

Gakelebale léé: Ka lé, ka ke Izraɛl munu nya, maa dan bɛn baa do nwa lɛ ka ma, yé wo dan guli dan lɛ ka va; wa bɛn plɛplɛ nya, bɛn namɔnle nya; bɛn lé ka ’ka wo dére dɔɔa lo, yé ka ’ka dan wo dére gi ’ma lɛ lo, woo lé.

Jérémi 5:16

Alé sakɔlɛ a mi vun nya, yé wo faa a nyanazannu nya.

Jérémi 6:1

’Kaa Bɛnjamɛn munu, ’ka fwi Jérusalɛm. ’Ka béli fɛn Tékoa, ’ka fɛ do nwa Bɛt‐Akérɛm tɔmase nya. Naa, woo we tɔntɔn valé dunuzénmitawe blɛn yé sina yirinwana bɛbolazia.

Ézékiɛl 21:31

Mizan Gakelebale léma: Wo dan plaminwiin nɔɔn valé tɔkoro si lɛ i ’wuo ma. Wenu ta é dan vɔɔ lɛ. Fɛ lé é ke é zunle, wo dan a nwa lɛ, yé fɛ lé é ke é nwale, wo dan a zun lɛ.

Ézékiɛl 23:22

Ooliba, ’bɛ we ma Mizan Gakelebale léma: Bé ye, maa i bwɛnu nwa i ma; munu lé i bli si wo lɛ, maa dan wo si lɛ fɛ faa do do na, yé maa wo zén ékeva i ma.

Abaku 1:6

Ka ye, maa dan Kaldé munu nwa lɛ ka ma; wa bɛn wɛwɛzan valé ’wiié we ta bɛn nya; woo tɛrɛ blɛn kinié, nyanananu lé wo ’ka ’wozé nya lo, ana sile we ma.

Bélidɔwesɛbɛ Fiézan 28:49

Bɛn do lé ka ’ka wo dére dɔɔa lo, ’té wo yara ke é nyané, ’té wo ’ka mi segele lɛdɔama lo, ’té wo nyanai ’ka zén‐é né ta lo, Gakelebale é dan wo si lɛ baa, tɛrɛ glɛ sina, yé wo dan zun lɛ ka ta bélé gola zo.