Jérémi 6:21 - Kazambale lé Sebe Sauunu 1979

²¹ Amalé Gakelebale léma: Maa dan misaangɔlɛnu pla lɛ munu ’konu ’lɛ; nénu valé ’wo tinu sɔné é dan san lɛ ékeva; béé valé béénu sɔné é dan san lɛ a ma yé wo dan zamaga wo lɛ.

Jérémi 6:21 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:17

Yé Gakelebale Kaldé nwiinzan blɛn nwa wo ma yé ’bɛ wolé pɛniɛnu gyɛ gwɔun nya wolé Bale kɔn sauun gi. É ’ka mi do vo lɛ lo, dé é a gɔné boroné nyaoo, dé é a blɛn nyaoo, dé é a gɔné segele nyaoo, dé é a nwanabɔzan nyaoo, é wo faa pa a lee.

Ézai 8:14

É dan kɛlɛ lɛ miyɔɔna nya, naa, é dan kɛlɛ lɛ é ziin mi sɔnésanmagɔlɛ nya, yé é dan kɛlɛ lɛ Izraɛl lé kɔn fié gimunu diagɔlɛ nya. É dan kɛlɛ lɛ Jérusalɛm munu kunséli valé wo kunsan nya.

Ézai 8:15

Mi kiɛre sɔné é dan san lɛ a ma; wo dan dia lɛ yé wo dan ’wii lɛ; wo dan vɔ lɛ séli gi yé é wo kun.

Jérémi 13:14

Maa dan wo vɔ lɛ ékema, munu valé ’wo benu, maa dan wo ’wuo zun lɛ ékema. Maa ’ka dan wo do vo lɛ lo, an nyanai ’ka dan zén lɛ wo ta lo, maa ’ka dan wuvɔ lɛ wo ta lo, we do ’ka dan wo kulu gale yi ga lɛ an lee lo. Maa Gakelebale ɛ ke a fena.

Jérémi 13:16

’Ka fua nɔ Gakelebale kalé Bale lɛ A dale gunutinu nya ’lɛ, Ka gane sɔnéwɔlɛ sanle gɔnu ma gunutinu va ’lɛ. Ka dan san dale lɛbɛn lɛ, Yé é dan san ’ko nɔla lɛ gafurɔ nya. É dan a nɔla lɛ gunuti tiritiri nya.

Jérémi 18:21

Bɛwemalé ’i wolé nénu gyɛ lɔrɔ nya ma; ’i wo gyɛ gwɔun nya ma; wolé lomu lé nénu ’é ga ma, yé lomu ’é kɛlɛ gyɛzaralomu nya ma. Wo zananu ’é ga bawurumagyɛ lee ma; guli ’é wolé pɛniɛnu gyɛ ma.

Jérémi 18:23

Yé bii Gakelebale, an mawe faa lé wa blé léé, ’wo an gyɛ, bé gi dɔɔ. Té i wo ma we vo wolé weplenu ma lo; té wolé wenyané é saan i gi lo. ’I wo guru zana a gi i ’lɛ; ’i we kɛlɛ wo lɛ i bli flibléyi va.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 8:12

Gakelebale léé: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo va, yé dé an we lɛdɔ wo gi bléyian va, wo guru é dan zana lɛ a gi.

Ézékiɛl 3:20

Dé mi tegele do si élé we tegele kɛlɛle zuo yé é wenaané kɛlɛ, maa dan san pla lɛ a ’lɛ, yé é dan ga lɛ; i ’ka we lɛ kini lɛ a lɛ lo, amalé é dan ga lɛ élé wenyané nya é lee. Alé we tegele lé é a kɛlɛ, wo ’ka dan ’bɛ fe lɛ é dɛrɛ lo, yé maa dan a gawe dɔ lɛ i nwiin.

Ézékiɛl 5:10

Iin, né tinu é dan ’wolé nénu wi ble lɛ i méléna, yé nénu é dan ’wo tinu wi ble lɛ. Maa dan kalé we ble lɛ. Yé ka lé ka vo ana, maa dan ka kini lɛ ékema fɛfaana.

Lévinu 26:37

Wo dan zana lɛ wo ke gi, bélé gwɔun lé mi gyɛle zo, ’té mi do kpen ’ka wo zuo binna lo. Ka ’ka dan dɔ lɛ ka nyanézannu ’lɛ lo;

Rom munu 11:9

Wolé fɛblele ’é kɛlɛ wo ma wo kunsan valé Wo kunséli nya, yé ’wo saan, yé maa we lɛdɔ wo gi tegele.

Rom munu 9:33

we lé é ke é gyɛle Bale lé sɛbɛ gi, a yɛrama; wo léé: Ka ye, maa misaangɔlɛ plaan Siɔn gɔ nwiin; Yee lé ke midiéragɔlɛ nya; Naa, mian é bli vo a lɛ, yara ’ka dan a gyɛ lɛ lo.

1 Piɛri 2:8

Misaangɔlɛ nya, Midiéragɔlɛ nya. Munu lé wo ’ka ’wo bli vo lɛ Jézu lɛ lo, Jézu kɛlɛ yee gɔlɛ nya wo lɛ. Wo ’ka dɔ lɛ Bale dére ta lo, amalé misaangɔlɛ ’ko, é wo saan. Kazambale a kɛlɛ é kyɛn, amalé é kɛlɛ a zo.