Jérémi 6:20 - Kazambale lé Sebe Sauunu 1979

²⁰ Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Jérémi 6:20 ပူးပေါင်းရင်းမြစ်များ

2 Samuɛl 15:12

Bléyian va lé Abusalɔm a Bale banna é mi nwunvɔ Gilo léé, ’wo da we pla David lɛzan Gilo mi Asitofɛl nya ’é va. Gipamima we ’ko kɛlɛ plɛplɛ yé mi gu lé wo go Abusalɔm va, wo taa vo zénna a va.

1 Minwiinzannu 10:10

Kyan talan yɔ suiɛdo koo, zianbla ginzannu kiɛre koo, gɔlɛwezannu koo, é a nɔ minwiinzan lɛ. Zianbla ginzannu lé Séba munu nwiin le a nɔ minwiinzan Salomɔn lɛ, mi bɛ ’ka da lɛ ’bɛ zo fɛ kiɛre nya lo.

Lɛrɛvɔ Sɛbɛ 40:6

Gakelebale, anzé Bale, ilé we blɛnnu valé i gidanmawenu lé Woo wezin kɛla ko lɛ, i wo gi gyɛ. I zoɛ mi ’ka lo. É sɔ an lɛ léé, an ilé we ’konu faa zana dɔɔ yé maa a nwɛɛn fɛfaana, Naa, wo ’léé a kiɛre fɛan zo, an ’ka bɔa wo faa zuo fele lɛ lo.

Lɛrɛvɔ Sɛbɛ 66:3

’Ka fe Bale lɛ léé, i panyanamanu woo kana zén‐é mi gi. Ilé plɛplɛ blɛn zama i nyanézannu éé blaané dére fé i lɛ.

Fwile 30:23

I dan zianbla ginzannu zima si lɛ, miré dɛrɛ sikla wuru fié yɔ soru koo, sinamom ginzan sikla wuru do yɔ fié wɔlɛ vu koo, gyan ginzan sikla wuru do yɔ soru koo,

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 21:27

Mi naané lé saraka a bélé bo zo; yé dé é a bo é gi bɔrɔle naané nya é bli gi nii?

Ézai 1:11

Gakelebale léma: Maa mɛ ɛ kɛla kalé saraka kiɛre nyaa? An kan kalé ’blagɔnénu lé wa kyɛ blé, é valé diriné nyɔnɔnu nya. Dirigɔnénu koo, ’blanu koo, boligɔnénu koo, wo nyɛ ’ka an gi nanaan lo.

Ézai 60:6

Nyɔgɔmé kiɛre é dan kɛlɛ lɛ ilé tɛrɛ la, Nyɔgɔménu lé wo si Madian valé Éfa, woo lé. Wo dan si lɛ Séba tɛrɛ la, Wo ta kɔné lé ke kyan valé lasikɔrɔpo nya. Yé wo dan Gakelebale tɔ ma gyɛ lɛ.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Jérémi 14:10

Ka ye, Gakelebale munu ’ko ma we fe yé é léma: Vlan burule fɛfaana sɔ wo lɛ. Wo ’ka bɔa wobo kunle lɛ yé wo nyana fɛ dona lo; amalé an ’ka bɔa kunle lɛ wo ma lo. Wolé weplenu sele dɔ sin an gi, yé an we lɛdɔa wo gi wolé wenyanénu ma.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Ézékiɛl 20:39

Mizan Gakelebale léma: Yé ’kaa Izraɛlnu, ka faa do do ’é go kalé miyilinu ban. Naa, ’bɛ zuo ka dan ka tɔné dɔ lɛ an lɛ, yé ka ’ka dan an tɔ sauun sɛrɛ lɛ kalé blɛfɛnu valé kalé miyilinu nya é dɛrɛ lo.

Ézékiɛl 27:22

Séba valé Raéma lé flɛdanzannu wo yaawo i va. Lia ginzannu zinzinnu faa koo, gɔlɛwezannu gɔnɔ faa koo, kyan koo, woo bɔraan ilé flɛnu gi kiɛre.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

OZÉ (Osée) 9:4

Wo ’ka dan Gakelebale ban lɛ nwɛ nya lo, yé Gakelebale ’ka dan ’é ban‐ɛn ble lɛ lo. Wolé sarakanu é dan kɛlɛ lɛ wo lɛ bélé gyɛ la fɛblele zo. Munu faa lé wa blé, wo dan kɛlɛ lɛ naané. Wolé fɛblele é dan kɛlɛ lɛ wo saa zé nya, wo ’ka dan go lɛ a nya Gakelebale lé kɔn gi lo.

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.