Jérémi 6:17 - Kazambale lé Sebe Sauunu 1979

¹⁷ Maa ka tabin sunyanu dɔ ka sɔnɔ; ’ka tɔné dɔ gulibéli dére lɛ. Naa, wa zi pa léé: Ko ’ka dan ko tɔné dɔ lɛ ’bɛ lɛ lo.

Jérémi 6:17 ပူးပေါင်းရင်းမြစ်များ

Ézai 21:11

Balelawe lé Ézai a fe Duma ma, yee lo. Wo siaa an lɛ Séii tɛrɛ la yé wo léé: Flataginizan, i lé béli lé we ma nɔɔ? Flataginizan, i lé béli lé we ma nɔɔ?

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Ézai 58:1

’I siaa plɛplɛ, té ibo kun lo; ’i dére nwa plɛplɛ bélé béli zo; ’i anlé munu lé weple fe ’wo lɛ, ’i Jakɔb lé munu lé wenyané fe ’wo lɛ.

Ézai 62:6

Jérusalɛm, maa fla taginizannu dɔ ilé gɔrɔnu ta; Wo ’ka dan ’wo tadɔ lɛ béli valé yiéyi lo. Ka lé ka ke a sele dɔna Gakelebale gi, Té ka flin lo.

Jérémi 18:12

Naa, wo léé: We pla ’bɛ. Ko dan tawo lɛ kolé bɔn‐in bɔrɔlenu yɛrama; ko faa do do, ko dan we kɛlɛ lɛ ko bligiwe naanénu yɛrama.

Jérémi 25:4

Gakelebale é wuozannu balelayezannu faa nwunvɔ ka va yifaama, yé ka ’ka ka tɔné dɔ lɛ wo lɛ lo; ka ’ka wo ban lɛ ka tɔné nya lo.

Jérémi 6:18

Amalé, bɛngɔnɔnu, ’ka tɔné dɔ, yé ’kaa zén‐ékevamunu, we lé é dan bɔ lɛ wo ma, ’ka a gi dɔɔ ma.

Jérémi 7:28

Amalé, bé fe wo lɛ léma: Bɛn lé wo ’ka ’wo tɔné dɔ lɛ Gakelebale, wolé Bale dére lɛ lo, ’té wo ’ka alé wepladére nyi si lɛ lo, yee lé ke wo nya ’ko. Webozen san, é so wo lee yé é go.

Jérémi 8:5

Mɛmalé Jérusalɛm munu wo wobo no zi sanlenu lé wo glɛ ’ka lo, wo lɛɛ? Woo yara paan dabli kɛlɛle ta, yé woo sɔn vɔa ’wo bli nɔlale ma.

Ézékiɛl 3:7

Naa, Izraɛlnu ’ka a nyi sié léé, wo tɔné dɔ i lɛ lo; wo ’ka a nyi si lɛ léé, wo tɔné dɔ an lɛ lo, azama. Naa, Izraɛlnu faa a yara plɛplɛzannu valé bli plɛplɛzannu nya.

OZÉ (Osée) 8:1

’Ka béli dɔ ka lɔ ma; nyanézan éé zunwo Gakelebale lé kɔn ta bélé gola zo; wo anlé gipawe sɛrɛ yé wo anlé bélidɔwe sɛrɛ, ’bɛzama.

Abaku 2:1

Maa a é dɔle an dɔna, ’té maa a é dɔle flataginifɛ ta; maa vo é yuɛma, we lé Gakelebale é dan a fe lɛ an lɛ, yé maa ’ma, yé bɛan zo lé maa dan a zi pa lɛ anlé we vinin fele zuo, yé maa dɔɔ.

Zakari 1:4

Té ka kɛlɛ bélé ka tranu zo lo. Balelayezan vininnu we fe wo lɛ léé: Lai sunyanu lé Gakelebale léma: ’Ka si kalé zi naanénu ta, ’ka daan ka kɛlɛwe naanénu ma. Naa, wo ’ka ’wo tɔné dɔ lɛ ’bɛnu lɛ lo, yé wo ’ka a ’male nyi si lɛ an lɛ lo. A zo lé Gakelebale a fe.

Zakari 7:11

Naa, wo ’ka a nyi si lɛ léé, ’wo tɔné dɔ an lɛ lo, wo so an wuo yé wo tɔné sia an dére la.

Ébrunu 13:17

’Ka ka zilɛzannu lɛdɔma, yé ’ka ’wuo dɔ wo wuo ma; naa, wa ka boennu tabinna, yé wa gi dɔɔ léé, Bale é dan a zuo laa lɛ ’wo lee, amalé wa kɛlɛna ’bɛ yɛrama. Ka kɛla fɛan zo yé wo ka tabin ginanale nya yé é ’ka kɛla wo ma gi kyɛ nya lo, ’ka kɛlɛ. Dé wo bli kyɛ dɔ ka tabinle we ma, ’té kazé tɔnɔ ’ka lo.