Jérémi 6:16 - Kazambale lé Sebe Sauunu 1979

¹⁶ Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Jérémi 6:16 ပူးပေါင်းရင်းမြစ်များ

1 Minwiinzannu 8:36

’bé ’ma lanu gi ma, ’i i wuozannu valé ilé munu Izraɛl ma we vo ma. Zi zima lé é a lé wo a ta tawo, ’bé gɔɔn wo lɛ ma; yé ’i lɛɛ da, tɛrɛ lé bé nɔ ilé munu lɛ wolé tɔnɔ nya, a ta ma.

2 Minwiinmunu lé Wezuofe Sɛbɛ 19:11

Bé ye, Balebanmunu ’lɛzan Amaria a ka nwiinzan nya Gakelebale lé wenu faa gi, yé Ismaɛl be Zébadia a Judanu nwiinzan nya minwiinzan blɛn lé wenu faa gi. Yé Lévinu a ka ’lɛ dutinu nya. ’Kabo dɔ plɛplɛ yé ’ka we kɛlɛ, yé Gakelebale ’é kɛlɛ wezin kɛlɛzannu va ma.

Lɛrɛvɔ Sɛbɛ 116:7

An boen, ’i go, ’i flin, Naa, Gakelebale wezin kɛlɛ i lɛ.

Ézai 2:5

Jakɔb lé munu, ’Ka da, kaa tawo Gakelebale lé san va.

Ézai 28:12

Gakelebale a fe wo lɛ léé: Flinle lo; mi lé a wɔlɛ gi nyaa, ’bé vo, ’é flin; flinna lé ke ’ko. Naa, é ’ka sɔ lɛ wo lɛ léé, ’wo tɔné dɔ lo.

Ézai 30:21

Dé ka nɔla ka bɛyilaziaoo, dé ka nɔla ka bɛbolaziaoo, dére do é dan we lɛ ka zuo, ’té ka a maan, a fele nya léé: Zi lé ke ’ko, ’ka tawo yee zi ’ko ɛ ta.

Ézai 46:9

Wenu lé wo kɛlɛ é kyɛn bɛ, wo sele ’é dɔ ka gi ma; Naa, maa a Bale nya, ’bɛ bɛ ’ka lo, Maa a Bale nya, an bɔmazan ’ka lo.

Ézai 57:2

Mi lé éé tawoo zi drɔle ta, é dan wɔra lɛ vole drɔɔ na, yé é dan flin lɛ élé yialafɛ ta.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Jérémi 12:16

Dé anlé munu kɛlɛwe vɔ wo lee, dé wo an tɔ ’nyɔɔn a fele nya léé: Gakelebale a é yuɛma, bélé fɛan zo lé wo Baal ’nyɔɔnle paa anlé munu gi bɛ, a zo, ’té wo gi é dan nana lɛ zin yele we ma anlé munu méléna.

Jérémi 18:12

Naa, wo léé: We pla ’bɛ. Ko dan tawo lɛ kolé bɔn‐in bɔrɔlenu yɛrama; ko faa do do, ko dan we kɛlɛ lɛ ko bligiwe naanénu yɛrama.

Jérémi 18:15

Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.

Jérémi 2:25

’Ka yuɛ pa kabozen va, té sawala é so ka gane ma lo. Té ka bɔrɔ gi é ga lo. Naa, ka léé: I a we plana ko lɛ é pla; Bale bɛnu lɔrɔ éé ko gya; ’ko go wo zuo.

Jérémi 22:21

Maa we fe i lɛ ilé tɔnɔfɛ yebléyi va, Yé bii léé, ’é ’ka ’é tɔné dɔa an lɛ lo. I kiéné la bléyi va fɔɔ kyɔ, i we kɛlɛ ’bɛ zo, I ’ka i tɔné dɔ lɛ an dére lɛ lo.

Jérémi 31:21

Zi lé i dan tawo lɛ a ta, ’i yuɛ vɔ ana é zima, ’I tɔmasenu kɛlɛ ana, ’i yilinu suru; Blɛnzan Izraɛl, ’i da i pa gi, Flanu lé wo ke izé nya, ’i da wo ta.

Jérémi 42:3

Yé zi lé é a lé ko tawo a ta, Gakelebale ilé Bale ’é a gɔɔn ko lɛ, yé wean é a lé ko a kɛlɛ, ’é a gɔɔn ko lɛ.

Jérémi 44:16

We faa lé bé fe ko lɛ Gakelebale tɔ gi, ko ’ka dan i lɛdɔ lɛ a ma a gɔ do kpen gi lo.

Jérémi 50:5

Wo dan Siɔn lé zi ma laa lɛ, wo dan ’wo yara nɔla lɛ a vazia. ’Ka da, ’ka gi pa do Gakelebale va, gipawe lé a glɛ ’ka lo, ’té ka gi ’ka saan a ma monomono lo, a nya.

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Jérémi 7:3

Lai sunyanu lé Gakelebale, Izraɛl lé Bale léma: ’Ka kalé tawobɛnu valé kalé we kɛlɛbɛnu ma nɔla, yé maa dan zi nɔ lɛ ka lɛ léé, ka nyana fɛkona.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

WENÉNÉ LÉ LUK A GYE (Évangile selon Luc) 16:29

Abraam lé a lɛ léé: Moizi valé balelayemunu dére a wo lee; ’wo wo dére ’ma ma.

WENÉNÉ LE JAN A GYE (Évangile selon Jean) 12:35

Jézu lé wo lɛ léé: San ana é ziin bléyi sɛ nya ka méléna. Bléyian va lé san ke ka va, ’ka tawo, té béli é tan ka ma lo; mi lé é ke tawona gunutinu va, é ’ka é gona dɔɔa lo.

WENÉNÉ LE JAN A GYE (Évangile selon Jean) 13:17

Dé ka we ’konu dɔɔ yé ka a wo kɛlɛna, ’té ’bɛ a é zima.

WENÉNÉ LE JAN A GYE (Évangile selon Jean) 5:39

É a ka gi léé, vole é yuɛma lé a glɛ ’ka lo, a ’wuo a Kazambale lé sɛbɛ nya, amalé ka ke a gi kulina. Kazambale lé sɛbɛ ’ko, ’bɛ ɛ an gɔɔn‐an ka lɛ.

Kelewenu 17:11

Juifinu ’ko, ’bɛnu bli a é zima é mini Tɛsalɔnik munu zé ta. ’Bɛnu dére ’ko nyi si é kele yé ’bɛnu vo Bale lé sɛbɛ gi ginina yi do do ma, we lé wa fena ’wo lɛ, dé weboen léé? yé wa ye.

Rom munu 4:12

Yé é a ganedɔmunu ti nya é ziin. Ganedɔmunu lé wo ’ka a nya é pla lo, ’té wo bli ke é pale bélé fɛan zo lé Abraam bli ke é pale bléyian va lé a gane ’ka é dɔle lo, a zo, Abraam a wo ti nya é ziin.

Bélidɔwesɛbɛ Fiézan 32:7

Bléyi kyɛn sele ’é dɔ ka gi ma, ’Ka lɛɛ kyɛnnu giwenu zuo fe é ke zuo é ke zuo, ’I we laa i ti lee yé é dan we paa lɛ i gi, ’I we laa mi kwanu lee yé wo dan a fe lɛ i lɛ.

Kolɔs munu 2:6

Ka Jézu Krist si kazan nya, amalé, sin, ’ka tawo a gi;

Ébrunu 11:2

Munu vininnu lé blipale ma lé wo tɔ ye.

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.

Weblezannu 2:17

Yé wo ’ka tɔné dɔ lɛ wolé weblezannu lɛ lo, naa, wobo nɔ bale bɛnu bɔle lɛ bélé gɔnégini le zo, yé wo ’wuo tua wo lɛ. Zi lé wo tinu tawo a ta, wo si a ta é kele, yé wo ’ka Gakelebale lé bélidɔwenu lɛdɔ lɛ a ma, fɛan zo lé ’bɛnu a kɛlɛ, a zo lo.