Jérémi 6:14 - Kazambale lé Sebe Sauunu 1979

¹⁴ Woo anlé munu manɔn paan gi nyané nya, ’té wa fé léé: ’I vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi 6:14 ပူးပေါင်းရင်းမြစ်များ

2 Samuɛl 17:3

yé maa é dan munu faa nya i va; mi lé i ke a naginina, a gale é dan munu faa nɔla lɛ i va yé munu faa é dan vo lɛ drɔɔ.

Ézai 1:6

É sia wo gane buli fɔɔ yé é bɔ wo nwiin, wo zinna do kpen ’ka lo. Tuolenu koo, nyɛ dɔle wo kɔlɛnu gi valé manɔn kuru kwakwanu koo, wo saa ɛ ke wo ma; wo ’ka wo paan lo, wo ’ka sɔ vuruan wo ta lo, wo ’ka nyɔnɔ paan wo gi lo.

Ézai 30:10

Wa fé fɛnayezannu lɛ léé, té ka fɛna ye lo. Yé wo lé balelayezannu lɛ léé, té ka balelawe bozen fe ko lɛ lo; ’ka ko ginanawenu ɛ fe, ’ka balelawe fe ka ’wuoi é pla.

Ézai 30:26

Gakelebale lé munu lé é wo tuo bɛ, dé é sɔ vuru wo tuona ta, dé é wo tuonanu nyaa, ’té moné bile é dan kɛlɛ lɛ bélé yiri bile zo, yé yiri bile taa é dan pa lɛ fɔɔ gɔnɔ sɔrafié; yi do yiri bile é dan kɛlɛ lɛ bélé yi sɔrafié zé zo.

Jérémi 14:13

Maa a zi pa léma: Aa! Mizan, Gakelebale, bé ye, balelayezannu lé wo lɛ léé: Ka ’ka dan gwɔun ye lɛ lo, lɔrɔ ’ka dan ka gyɛ lɛ pelo; naa, Bale é dan vole drɔɔ bozen nɔ lɛ ka lɛ fɛkona.

Jérémi 14:17

Bé fe wo lɛ léma: É yiéyi valé é béli an yuɛyi a yorona, Yé é ’ka kinié lo; Naa, wenaané blɛn bɔ anlé munu ma, Manɔn yaale baba bɔra wo ma.

Jérémi 23:17

Munu lé woo nyé yélié an ma, wo lé ’bɛnu lɛ léma: Gakelebale léma: Ka dan vo lɛ drɔɔ. Yé munu faa lé woo tawoo wolé blibɔmawe zuo, wo lé ’bɛnu lɛ léé: Wenaané do kpen ’ka dan bɔ lɛ ka ma lo.

Jérémi 28:3

É vo lɛɛ fié yé Gakelebale lé kɔn gi nyanamapafɛnu faa lé Babilɔn nwiinzan Nébukanɛsaa a si fɛkona yé é go wo nya Babilɔn, maa dan da lɛ wo nya wo pa gi fɛkona.

Jérémi 4:10

Yé maa léé: Mizan, Gakelebale, i dabli kɛlɛ munu ’ko valé Jérusalɛm munu lɛ, a fele nya léé: Ka dan vo lɛ drɔɔ, yé sin bléyi ’ko va, gwɔun a bon‐ɛnna wolé tɛrɛla nya.

Jérémi 5:12

Wo sɔn vɔ Gakelebale ma yé wo léé: Bale ’ka lo. Yé we tɔntɔn ’ka dan bɔ lɛ ko ma lo. Gwɔun valé lɔrɔ ’ka dan ko gyɛ lɛ lo.

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

Ézékiɛl 13:10

Woo anlé munu saan a fele nya léé: Kaa a drɔɔ, dɔlé ’té vole drɔɔ do kpen ’ka lo, amalé we ’konu é dan bɔ lɛ wo ma. Anlé munu éé gɔrɔ guru dɔa, yé wo ɛ a mawoo.

Ézékiɛl 13:16

’Bɛ gi léé, Izraɛl balelayemunu lé woo balelawe fé Jérusalɛm ma, woo lé. Woo Jérusalɛm vole drɔɔ fé yuɛziwe nya, dɔlé ’té vole drɔɔ do kpen ’ka lo. A zo lé Mizan Gakelebale a fe.

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

Ézékiɛl 14:9

Dé balelayezan a nyi si léé, é saanwe fé, ’té maa Gakelebale ɛ yee balelayezan saan. Maa dan an bɛ kɛlɛ lɛ a ma, yé maa dan a sɛrɛ lɛ tata anlé munu Izraɛl méléna.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Misé 3:5

Balelayezannu lé woo anlé munu saan, maa Gakelebale wo ma we fe léé: Wo lé, dé fɛ a wo lee yé wo vole drɔɔ we fe, yé dé munu ’ka fɛ no wo lɛ lo, yé wo guli lɛ kini bɛ, woo lé.

1 Tɛsalɔnik munu 5:3

Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.