Jérémi 6:13 - Kazambale lé Sebe Sauunu 1979

¹³ Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 6:13 ပူးပေါင်းရင်းမြစ်များ

Ézai 28:7

Naa, Juda munu é ziin, wo dan vɔ lɛ dada nwɛ lé we ma, yé dɔrɔ ’lɛ plɛplɛ é dan wo yuɛgi nɔɔ lɛ. Balebanzannu valé balelayezannu, wo dan vɔ lɛ dada dɔrɔ ’lɛ plɛplɛ lé we ma. Nwɛ bɛn mini wo lɛ yé dɔrɔ ’lɛ plɛplɛ éé wo yuɛi nɔɔan. Woo balelawe fé dan dan dan; woo we blé yuɛgi blan nya.

Ézai 57:17

An bli fli wo ma yé maa wo bla wo bli blɛn lé we ma; an wɛwɛ lé we ma lé maa yɔɔ wo lee, yé bɔrɔvɔɔzan go élé blibɔmazi ta.

Jérémi 14:18

Dé an go féioo, gwɔun gyɛzannu a ’bɛna; Dé an da flaoo, lɔrɔgyɛzannu a ’bɛna. Balelayezan boen valé Balebanzan woo nɔɔan tɛrɛ ’ko la, Yé wo ’ka wo gona dɔɔa lo.

Jérémi 17:11

Doo éé buaan nyɛné lé é ’ka a vɔ lɛ lo, a ta fɛan zo bɛ, A zo duo lé mi lé éé fua blé dabli nya, a zo lé alé we ke. Alé tɛrɛla é dan bɔi lɛ a ta yé é si wo zi, Yé é kɛlɛ ’tugyɛzan nya é voéla.

Jérémi 2:26

Kyeenwozan lé wo bɔ a ma fiaa kyeenwona, yara a gya fɛan zo, a zo duo lé yara é dan Izraɛlmunu gyɛ lɛ, wo koo, wo nwiinzan blɛnnu koo, wo nwiinzannu koo, wolé Balebanzannu koo, wolé balelayezannu koo, woo lé.

Jérémi 2:29

Mɛmalé ka a za vɔna an lɔ maa? Ka ’ka nyanaan an wuo lo. Maa Gakelebale ɛ ke a fena.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

Jérémi 23:11

Gakelebale léma: Balelayezannu valé Balebanzannu kɛlɛwe a é vɔnle; Anbozen lé kɔn gi, an bɔ wolé we lɛrɛlɛrɛnu ma.

Jérémi 27:15

Maa ’ka wo nwunvɔ lɛ monomono lo, yé woo balelawe fé ka lɛ vié nya an tɔ gi, léé, maa ka bin yé ka ga zama, ka valé balelayezannu lé woo balelawe fé ka lɛ bɛ, wo nya. Maa Gakelebale ɛ ke a fena.

Jérémi 32:32

Izraɛl munu valé Juda munu koo, wo nwiinzan blɛn koo, wozannu koo, wolé Balebanmunu valé wolé balelayemunu koo, Juda munu valé Jérusalɛm munu koo, wenyanénu lé wa kɛlɛ an bliflile we gi, aléwemalé é sɔ an lɛ léé, maa a si an yuɛ gi.

Jérémi 42:1

Sunyanu ’lɛzannu faa koo, Karéak be Jokanan koo, Oozé be Jézania koo, munu faa koo, é sia mi kiénénu ma fɔɔ yé é bɔ mi segelenu ma, wo da balelayezan Jérémi va yé wo léé:

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

Ézékiɛl 22:12

Bii fla ’ko la, woo blɛfɛ sié mi nyɛ zanale we ma; woo gɔɔli zuo tɔnɔ valé a pamale sié, woo ’wo bɔluzan leefɛ sié gla nya, yé maa, wo gi éé saan maa ma. Yee lé Mizan Gakelebale a fe.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 3:5

Balelayezannu lé woo anlé munu saan, maa Gakelebale wo ma we fe léé: Wo lé, dé fɛ a wo lee yé wo vole drɔɔ we fe, yé dé munu ’ka fɛ no wo lɛ lo, yé wo guli lɛ kini bɛ, woo lé.

WENÉNÉ LÉ LUK A GYE (Évangile selon Luc) 16:14

Gɔɔli sɔ Farizimunu lɛ é baba, amalé wo ’bɛ we ’ko faa ’ma aan wo, wo Jézu ma we nana.

1 Timoté 3:3

Té é kɛlɛ nwɛminizan nya lo, té é kɛlɛ ’wiiéwelazan nya lo; ’é kɛlɛ bli zimazan nya; ’é kɛlɛ bli drɔɔzan nya; té é kɛlɛ gɔɔli sɔlɛzan nya lo.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.