Jérémi 6:10 - Kazambale lé Sebe Sauunu 1979

¹⁰ Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

Jérémi 6:10 ပူးပေါင်းရင်းမြစ်များ

Lɛrɛvɔ Sɛbɛ 1:2

Naa, ’té é ’élé ginanawe yé Gakelebale lé bélidɔwe gi, ’Té éé bɔn‐in bɔrɔan a ma é yiéyi valé é béli, ’bɛzan zé a néné.

Lɛrɛvɔ Sɛbɛ 119:16

I déretawenu an gi nanaan é baba, An gi ’ka saan i dére ma lilo.

Lɛrɛvɔ Sɛbɛ 119:174

Oo Gakelebale, an bli éé bɔa ilé mi sile we gi ma, Yé ilé bélidɔwe a an ginanawe nya.

Lɛrɛvɔ Sɛbɛ 119:24

Wenu lé bé pla an lɛ, wa an ginanamawenu nya, Woo ɛ we paan an gi.

Lɛrɛvɔ Sɛbɛ 119:35

’I go an nya ilé bélidɔwe sɔnnénu zuo, Naa, woo sɔa an lɛ.

Lɛrɛvɔ Sɛbɛ 119:70

Wo bli a wo gi dirikaa, bélé nyɔnɔ bo zo, Naa, ilé bélidɔwe an gi nanaan é baba.

Lɛrɛvɔ Sɛbɛ 119:77

I nyanai ’é zén an ta, an vole é yuɛma we gi. Naa, ilé bélidɔwe a an ginanamawe nya.

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Fwile 6:12

Moizi lé Gakelebale lɛ léé: I a yé loo? Izraɛl lé nénu ’ka tɔné dɔ lɛ an lɛ lo; maa lé maa ’ka wefezan nya lo ’naan, Faraɔn é dan é tɔné dɔ lɛ an lɛ kaa?

Ézai 42:20

I we kiɛre na ye, yé i ’ka a pa lɛ i ’wuo gi lo I tɔné lɛ so, naa, i ’ka we ’ma lɛ lo.

Ézai 53:1

Wenu lé wa zuo fe ko lɛ, de ɛ bli vo ’bɛ lɛɛ? De ɛ Gakelebale lé plɛplɛ dɔɔ?

Jérémi 35:13

Lai sunyanu lé Gakelebale, Izraɛl munu lé Bale léma: ’I go, bé fe Juda munu valé Jérusalɛm munu lɛ léé, ka ’ka we paale ka gi nyi sié loo? Ka ’ka an dére lɛdɔa a ma loo? Maa Gakelebale ɛ ke a fena.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 5:21

’Kaa tavozannu lé ka bli ’ka tegele lo, ’ka tɔné dɔ we ’ko lɛ. Ka yuɛnu a, yé ka ’ka yɛrɛ yé lo; ka tɔnénu a, yé ka ’ka we do kpen maan lo.

Jérémi 7:13

Yé Gakelebale léma: Sin, ka we ’konu faa kɛlɛ, yé an we plale sia ka lɛ yé ka ’ka a ’ma lɛ an lɛ lo, yé an ka laa, yé ka ’ka a zi pa lɛ lo.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Jérémi 9:26

Éjipiti munu koo, Juda munu koo, Édom munu koo, Amɔn munu koo, Moab munu koo, munu faa lé woo puoma gun ma gya koo, munu lé woo nyanaan nyéné saa lé fɛna koo, woo lé. Naa, bɛnnu faa ’ko, wo gane ’ka é dɔle lo, yé Izraɛl munu faa bli ’ka é sile ’wo kɛlɛwe kyɛnnu lɛ lo.

Ézékiɛl 3:7

Naa, Izraɛlnu ’ka a nyi sié léé, wo tɔné dɔ i lɛ lo; wo ’ka a nyi si lɛ léé, wo tɔné dɔ an lɛ lo, azama. Naa, Izraɛlnu faa a yara plɛplɛzannu valé bli plɛplɛzannu nya.

Ézékiɛl 33:3

dé yee mi ’ko a ye léé, wa dana gwɔun nya yee tɛrɛ la, é a lé é béli fɛn yé é we ’ko lɛ kini munu lɛ.

Ézékiɛl 33:9

Naa, dé i we lɛ kini mi nyané lɛ léé, ’é si élé weple kɛlɛle zuo, dé é ’ka daan lɛ a ma lo, é dan ga lɛ élé weple nya é lee, yé bii, i dan béli lɛ.

Amɔs 7:10

Amasia lé ke yobanzan nya Bétɛl, é we pa zia Izraɛl nwiinzan blɛn Jéroboam lɛ zia léé: Amɔs a i ma we blena Izraɛl munu méléna; dére faa lé é ke a fena, ko ’ka nyi sié é dɛrɛ lo.

Matio 3:7

Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

WENÉNÉ LÉ LUK A GYE (Évangile selon Luc) 11:45

Bélidɔwedɔɔmi do kun ézé fele ma yé é lé Jézu lɛ léé: Anzan, dé i a fena ’bɛ zo, ’té i a ko sɔnɔna é ziin.

WENÉNÉ LÉ LUK A GYE (Évangile selon Luc) 20:19

Balebanmunu segelenu valé sɛbɛgifemunu a kwa kulina léé, wa kun a bléyi duo nya, naa, wa kanana munu lee. Wa ’ma léé, ’wo ma gɔné lé Jézu ke a vɔna, azama.

WENÉNÉ LE JAN A GYE (Évangile selon Jean) 7:7

Tɛrɛlamunu ’ka bɔa ka za pale lɛ lo. Maa wo ma we fe léé, wo kɛlɛwenu a é naané, amalé an za a wo gi.

WENÉNÉ LE JAN A GYE (Évangile selon Jean) 9:40

Farizimi kenu lé wo ke ana bɛ, wo dére ’konu ’ma aan wo yé wo lé a lɛ léé: Ko é ziin, ko a yuɛwiizannu nyaa?

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Kelewenu 7:60

Yé é powuo zun tɛrɛ va, yé é siaa dére plɛplɛ nya léé: Mizambale, té i wenyané ’ko dɔ wo nwiin lo. Dére ’konu fele zuo, é yi gyɛ.

Rom munu 7:22

Kazambale lé bélidɔwe sɔ an gi bli lɛ;

Bélidɔwesɛbɛ Fiézan 29:4

Naa, fɔɔ yi ’ko nya Gakelebale ’ka we’mabli vɔ lɛ ka gi lo, yé é ’ka weyeyuɛ valé we’matɔné nɔ lɛ ka lɛ lo.

Kolɔs munu 1:28

Krist ’ko, alé we lé ko fé, ’té ko we plaan mi faa lɛ, ’té ko wedɔɔwe faa paan mi faa gi, léé, dé ko go wo nya Bale va ’té gun a é sile wo ma Jézu Krist lé we ma.

2 Timoté 4:3

Naa, bléyi do é dan bɔ lɛ yé munu ’ka dan a nyi si lɛ léé, wo we tegele paa ’wo gi lo. Wo dan go lɛ ’wo sɔlɛwe zuo, yé wo dan mi kiɛre kiɛre si lɛ we paa ’wogizannu nya, wo sɔlɛ wenéné fele wo lɛ we gi.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.