Jérémi 52:4 - Kazambale lé Sebe Sauunu 1979

⁴ Sédésias plale munu nwiin lɛɛ sɔraziɛnzan lé moné vuzan lé yi vuzan nya, Babilɔn nwiinzan Nébukanɛsaa da Jérusalɛm ma, élé sunyanu faa nya é va; é sɔkɔnnu dɔ a ’lɛ, yé é tɛrɛ zun dɔ a zi.

Jérémi 52:4 ပူးပေါင်းရင်းမြစ်များ

Ézai 29:3

Maa dan sunyanu nyana lɛ i zi fɛfaana; maa dan sunya palunu dɔ lɛ i zi; maa dan tɛrɛ zun dɔ lɛ gulidanmunu dɔlafɛ nya.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 34:1

Bléyian va lé Babilɔn nwiinzan blɛn Nébukanɛsaa valé alé sunyanu faa koo, bɛntɛrɛnu lé wo ke é plale a wuo koo, munu faa koo, ’té woo guli daan Jérusalɛm valé é zi flanu va bɛ, ’bɛ bléyi va Gakelebale we fe Jérémi lɛ yé é léma:

Jérémi 39:1

Juda munu nwiinzan blɛn Sédésias plale mi nwiin lɛɛ sɔraziɛnzan nya, a moné vuzan nya, Babilɔn nwiinzan blɛn Nébukanɛsaa da élé sunyanu faa nya yé wo diri Jérusalɛm zi; Sédésias plale mi nwiin lɛɛ vu ta dozan nya, a moné ziɛnzan lé yi sɔraziɛnzan nya, wo flagɔrɔ ’wii. Wo Jérusalɛm si aan wo, Babilɔn nwiinzan blɛn lé sunyanu faa wɔra fla, yé a gɔrɔ ’léé lé ke a méléna, wa si wozé nya; Nɛɛgal‐Sarɛsɛɛ koo, Samgaa‐Nébu koo, mi blalenu ’lɛzan Saasékim koo, ’monédɔmunu faa zilɛzan Nɛɛgal‐Saarɛsɛɛ koo, Babilɔn nwiinzan blɛn lé mi segelenu faa koo, woo lé.

Jérémi 4:17

Gakelebale léé: Wo diri Jérusalɛm zi bélé féitabinzannu zo. Jérusalɛm nwa an ma, azama.

Jérémi 52:7

Yé wo nyanémunu fla zi gɔrɔ ’wii. Gulidanzannu faa vɔ fli gi yé wo si fla é béli, minwiinzan blɛn lé zianféi zi lé, éé giéan fla zi gɔrɔ fiénu méléna, wo ’bɛ zi sia yé wo fɛna pɛblɛɛna zi sia. ’Té Kaldé munu a é dirile fla zi.

Ézékiɛl 21:22

Yé maa é ziin, maa dan an bɛ gyɛ lɛ, yé an wɛwɛ dɔle lɛ é dan sɔɔ lɛ. Maa Gakelebale, maa ɛ fe.

Ézékiɛl 21:27

’Munnuwɔlɛ lé ke a bɛyi lee, ’bɛ Jérusalɛm nagɔɔn; ’bɛna lé é a lé wo guruzanagifɛnu dɔ, yé é kɛlɛ migyɛna nya yé wo guli ma siaa wo ana; wo dan gulidan guru zanagifɛnu dɔ lɛ gɔrɔ ’léénu ma; wo dan tɛrɛ zun dɔ lɛ wo ’lɛ, wo dan tɛrɛ zun blɛn dɔ lɛ ilé gɔrɔ ma.

Ézékiɛl 26:8

É dan ilé fla sɛsɛnénu gyɛ lɛ gwɔun nya; é dan tɛrɛzun blɛn dɔ lɛ ilé gɔrɔ ma; é dan tɛrɛzun dɔ lɛ, yé é dan botakuunfɛ dɔ lɛ i ma.

Ézékiɛl 33:21

Ko kɛlɛle luu nya lé lɛɛ vu ta fiézan lé moné vuzan yi soruzan nya, Jérusalɛm mi do lé é vɔ fli gi, é da an va yé é lé an lɛ léé: Nyanézannu fla blɛn si.

Ézékiɛl 40:1

Fla blɛn sɛrɛle zuo lɛɛ vu ta ziɛnzan nya, ko kɛlɛle luu nya lɛɛ yɔ do wɔlɛ soruzan nya, alé moné vininzan lé yi vuzan nya, ’bɛ yi duo nya Gakelebale an sia, yé é go an nya Izraɛl tɛrɛ la.

Lévinu 26:25

Maa dan da lɛ gwɔun nya ka va, yé ’bɛ é dan anlé gipawe lɛi pa lɛ; dé ka zén ékema kalé flanu ta, maa dan da lɛ migyɛgyɛ nya ka méléna, yé maa dan ka pa lɛ ka nyanézannu lee.

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

WENÉNÉ LÉ LUK A GYE (Évangile selon Luc) 19:43

A yi é dan bɔ lɛ, yé i nyanézannu é dan guru bo lɛ i zi, yé wo dan i zi lɛ sɔɔ lɛ yé wo dan i tunu lɛ bɛ faa ma.

WENÉNÉ LÉ LUK A GYE (Évangile selon Luc) 21:20

Dé ka Jérusalɛm zi lɛ ye é sɔɔle sunyanu nya, ka gi dɔɔ léé, a sɛrɛle bɔ é pu.