Jérémi 52:3 - Kazambale lé Sebe Sauunu 1979

³ Gakelebale bli fli Jérusalɛm valé Juda ma, yé é a a va léé, ’é wo si é yuɛ gi, amalé we ’ko kɛlɛ. Yé Sédésias nwa Babilɔn minwiinzan blɛn ma.

Jérémi 52:3 ပူးပေါင်းရင်းမြစ်များ

Wepélisiananu 4:14

Bé gini do; i an bin kyɔ tɛrɛ ’ko la; yé é a lé an yɔɔ i lee baa. Maa dan kɛlɛ lɛ nɔɔzan valé yɔɔzan nya yé dé mian é maa ye é dan maa gyɛ lɛ.

Wepélisiananu 4:16

’Bɛ zuo Kain si Gakelebale ma baa, yé é nyana Nɔd tɛrɛ la, Édɛn yirinwanazia.

2 Samuɛl 24:1

Gakelebale bli fli é ziin Izraɛl ma, yé é David nwa wo ma a fele nya léé: ’I go, ’i Izraɛl valé Juda munu nɔnɔ.

1 Minwiinzannu 10:9

Gakelebale ilé Bale lé é we zin kɛlɛ i lɛ i nyanale Izraɛl lé webleblin ta nya, a drɔɔ ’é vo ma! Izraɛl sɔ Gakelebale lɛ lɛɛfaama, bɛwemalé é i dɔ minwiinzan nya we drɔle valé we tegele kɛlɛle we gi.

2 Minwiinzannu 17:18

É ziin, Gakelebale bli fli wo ma é baba yé é wo si é yara baa. Juda bɛn do kpen ɛ vo.

2 Minwiinzannu 17:20

Gakelebale sɔn vɔ Izraɛl bɛn faa ma; é wo gyɛ yara nya yé é wo pa ’wiiéwotamunu lee, yé é a ’wuo pla wo binle nya é yara baa.

2 Minwiinzannu 17:23

fɔɔ yé Gakelebale Izraɛl bin é yara baa, fɛan zo lé é a fe é wuozannu Balelayezannu faa lɔlu nya, a zo. Yé wo go Izraɛl munu nya luu gi wolé tɛrɛ ma baa, Asiri tɛrɛ la, ana lé wo vo fɔɔ kyɔ yi nya.

2 Minwiinzannu 24:20

Gakelebale bli fli Jérusalɛm valé Juda ma, yé é a a va léé, ’é wo si é yuɛ gi, amalé we ’ko kɛlɛ. Yé Sédésias nwa Babilɔn minwiinzan blɛn ma.

2 Minwiinmunu lé Wezuofe Sɛbɛ 36:13

Minwiinzan blɛn Nébukanɛsaa lé, é lé Sédésias lɛ léé, ’i bale ’nyɔɔn, Sédésias nwa ’bɛ ma é ziin. É tɔné gi dɔ plɛplɛ yé é bli ta dɔ plɛplɛ léé, ’é ’ka nɔlana ’é pa gi Gakelebale, Izraɛl lé Bale va lo.

Ezidras 4:15

Ka we ’ko nagini ka tranu lé weseledɔmigisɛbɛ gi ma. I dan a ye lɛ yé i dan a gi dɔɔ lɛ weseledɔmigisɛbɛ gi léé, fla ’ko a nwamima fla nya, ’té é a é nyané minwiinzan blɛn valé tɛrɛlamunu ma, yé é sia é kyɛn, fla ’ko tamunu woo nwaan ’wo nwiinzannu ma. Amalé wo fla ’ko sɛrɛ tata.

Wegɔnévɔlenu 28:2

Dé tɛrɛ do la munu nwa ’wo nwiinzan ma, minwiinmunu a di, dé mi do ’wuo a é ta yé é we dɔɔ, éé mɔn‐o é plale munu nwiin.

Bale Lé We Gifezan 10:16

Bii tɛrɛ lé i nwiinzan a né kiéné nya, yé ilé mi blɛnnu éé fɛ blé bladi, we tɔntɔn kɛlɛ i lɛ.

Ézai 19:4

Maa dan Éjipiti munu pa lɛ wemaplɛplɛzan lee; minwiinzan lé a gi ke é pɔnpɔn, é dan pla lɛ wo nwiin. Mizan, lai sunyanu lé Gakelebale ɛ fe.

Ézai 3:1

Fɛnu faa lé mi éé paan a ta, é valé wolé fɛ faa pun sina, Mizan, lai sunyanu lé Gakelebale é dan wo si lɛ Jérusalɛm munu valé Juda munu lee. Wolé fɛblele sinanu faa koo, wolé ’yi’wuonu faa koo, Gakelebale é dan wo si lɛ wo lee.

Ézai 36:5

Maa fe i lɛ, i dérenu éé giéan an tɔné la bélé fu zo. Dé mi léé, ’é guli dan, a mawe a plɛplɛ valé gikinile gi. I pale a mi kyɛn ɛ ta yé i léé, ’é nwa an maa?

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 7:15

Yé maa dan ka bin lɛ an ma baa, bélé fɛan zo lé Éfraim kulunu lé wo ke ka bwenu nya, maa sɔn vɔ wo ma fɛan zo, a zo. Maa Gakelebale ɛ ke a fena.