Jérémi 52:24 - Kazambale lé Sebe Sauunu 1979

²⁴ Balebanmunu ’lɛzan Séraja koo, Balebanzan fiézan Sofoni koo, kɔn ’léé tabinzannu yaa koo, sunyanu ’lɛzan wo si.

Jérémi 52:24 ပူးပေါင်းရင်းမြစ်များ

2 Minwiinzannu 23:4

Balebanmunu ’lɛzan Ilkija koo, Balebanzannu palu fiézan koo, kɔn ’léé tabinzannu koo, minwiinzan blɛn lé wo lɛ léé, kananu lé wa kɛlɛ Baal koo, Asataté koo, lagifɛnu faa koo, wozé nya, ’wo wo bɔra Gakelebale lé kɔn gi, yé ’wo wo kyɛ ble Jérusalɛm gini ma, Sédrɔn féinu ta, yé ’wo go wo yee nya Bétɛl.

2 Minwiinzannu 25:18

Balebanmunu ’lɛzan Séraja koo, Balebanzan fiézan Sofoni koo, kɔn ’léé tabinzannu yaa koo, sunyanu ’lɛzan wo si.

Minwiinzannu lé Wezuofe Sɛbɛ 6:14

Azaria Séraja yaa; Séraja Jéosadak yaa;

Ezidras 7:1

We ’konu zuo, Pɛɛs nwiinzan blɛn Aatazɛɛsɛ plale mi nwiin bléyi va, Ezidras da. Balebanmunu ’lɛzan Arɔn be Éléazaa be Finé be Abisua be Buki be Uzi be Zéraja be Mérajɔt be Azaria be Amaria be Akitub be Sadɔk be Salum be Ilkija be Azaria be Séraja be lé Ezidras nya.

Lɛrɛvɔ Sɛbɛ 84:10

Biian i ke ko takuunzan nya, oo Bale, bé ye, ’Ilé nyɔnɔzénnwiinzan yara nagini.

Jérémi 20:4

Naa, Gakelebale léma: Bé ye, maa dan di kini lɛ i gi, bii valé i béénu faa nya; wo nyanézannu é dan wo gyɛ lɛ gwɔun nya i yuɛ va. Yé maa dan Juda munu faa pa lɛ Babilɔn nwiinzan blɛn lee, yé ’bɛ é dan go lɛ wo nya luu gi Babilɔn yé é dan wo gyɛ lɛ gwɔun nya.

Jérémi 21:1

Minwiinzan blɛn Sédésias Malkija be Pasuu valé Balebanzan Maaséja be Sofoni nwunvɔ Jérémi va, a fele a lɛ we gi léé: ’I we laa Gakelebale lee ko lɛ; naa, Babilɔn nwiinzan blɛn Nébukanɛsaa a gulidanna ko va; dé Gakelebale é dan wezin do kɛlɛ lɛ ko lɛ yé é gyɛzorowe kɛlɛ yé é mi ’ko bin ko ma baa? É wo nwunvɔ bléyian va, Gakelebale we fe Jérémi lɛ ’bɛ bléyi va.

Jérémi 29:25

Lai sunyanu lé Gakelebale, Izraɛl lé Bale léma: I lɛtrɛ pa zia ibo tɔ gi Jérusalɛm munu faa koo, Balebanzan Maaséja be Sofoni koo, Balebanzannu faa koo, wo lɛ zia; bé gyɛ yee sɛbɛ gi léé:

Jérémi 29:29

Balebanzan Sofoni sɛbɛ ’ko ta fe balelayezan Jérémi yuɛ va.

Jérémi 34:21

Maa dan Juda munu nwiinzan blɛn Sédésias valé élé minwiinzannu pa lɛ wo nyanézannu lé é sɔ ’bɛnu lɛ turu léé, ’wo wo gya, ’bɛnu lee. Maa dan wo pa lɛ Babilɔn nwiinzan blɛn lé sunyanu palu lé wo si ka ma sɛ bɛ, wo lee.

Jérémi 35:4

yé maa go wo nya Gakelebale lé kɔn gi fɛdona, Bale lé mi Jigidalia be Aanan benu zé na, minwiinzannu lé kɔnmi zinu sɔnɔ, Salum be Maaséja lé ke kɔntabinzan nya, azé kɔn nwiin loru.

Jérémi 37:3

Minwiinzan blɛn Sédésias Sélémia be Jukal valé Balebanzan Maaséja be Sofoni pa zia balelayezan Jérémi va a fele nya ’bɛ lɛ léé: Ko Gakelebale kolé Bale muun pa i ta.

Jérémi 52:12

Moné soruzan lé yi vuzan nya, yee lé ke Babilɔn nwiinzan blɛn Nébukanɛsaa plale munu nwiin lɛɛ vu ta sɔraziɛnzan nya, Babilɔn nwiinzan blɛn wuozan Nébuzaradan lé ke sunyanu ’lɛzan nya, é da Jérusalɛm.

Jérémi 52:15

Sunyanu ’lɛzan Nébuzaradan go nyanégyɛzannu kenu nya luu gi; munu lé wo vo é nyanale fla koo, numu lé wobo bɔra Babilɔn nwiinzan blɛn lɛ, ’bɛnu koo, mi gbau pɔnénu lé wo vo, wo koo, wonu lé.

Jérémi Lé Wuvɔ Sɛbɛ 4:16

Gakelebale bli fli yé é wo fwila, É ’ka nɔlaan é dɛrɛ yé é yuɛ vɔ wo la lo; Balebanzannu ’ka wo nyanézannu yuɛ gi bɔa lo, Wo nyanai ’ka zén lɛ mi kwanu ta lo.

Ézékiɛl 11:7

Amalé, Mizan Gakelebale léma: Kalé migalenu lé ka wo zana fla ’ko, wa bélé wi zo, yé yee fla a bélé fɛdɔnebɔ zo. Naa, ’kaa, wo dan ka si lɛ ana.

Ézékiɛl 24:5

’I wi ko si trubɛnu va, yé ’i kyɛ wo lɛedaa wuo kiɛre yé ’é fli zɛ zɛ zɛ, yé wiwɔlɛnu lé wo ke a gi, yé wo ma é ziin.

Ézékiɛl 34:10

Mizan Gakelebale léma: Ka ye, maa a Izraɛl pazannu ɛ ma. Maa dan anlé ’blanu si lɛ wo lee. Maa ’ka dan wo vo lɛ yé wo anlé ’blanu pa é dɛrɛ lo. Yé wo ’ka dan wobo pa lɛ é dɛrɛ lo. Maa dan anlé ’blanu si lɛ wo lee, yé ’bɛnu ’ka dan kɛlɛ lɛ wolé fɛblele nya é dɛrɛ lo.