Jérémi 52:13 - Kazambale lé Sebe Sauunu 1979

¹³ Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi 52:13 ပူးပေါင်းရင်းမြစ်များ

1 Minwiinzannu 9:8

Kɔn ’ko a é dɔle gɔ nwiin fɛan zo bɛ, dé mian gié a sɔnɔ, a gi é dan vuru lɛ a ma yé é dan ’furu fɛn lɛ. Wo dan a fe lɛ léé: Mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

2 Minwiinzannu 25:9

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

Lɛrɛvɔ Sɛbɛ 79:1

Lɛrɛ lé Azafa a vɔ. Baleoo, Bale, bɛnnu ’wii ilé munu ta, Wo ilé kɔn sauun sɔnné sɛrɛ, Yé wo Jérusalɛm kɛlɛ é’bin nya.

Jérémi 19:13

Jérusalɛm kɔnnu valé Juda nwiinzannu lé kɔnnu, wo dan kɛlɛ lɛ fɛ lé wana sɔnné sɛrɛ, a nya, bélé Tofɛt zo; kɔnnu faa lé wo lasikɔrɔ kyɛ ble wo nwiin lagifɛnu faa ’lɛ, ’té woo baleban’yi zanaan bale bɛnu lɛ wo nwiin bɛ, woo lé.

Jérémi 21:10

Naa, Gakelebale léé: Maa an yuɛ vɔa fla ’ko ta wenaané kɛlɛle a lɛ we ma; wezin kaan lo. Maa dan a nɔ lɛ Babilɔn nwiinzan blɛn lɛ, yé é dan a kyɛ ble lɛ.

Jérémi 21:14

Maa dan we lɛdɔ lɛ ka gi ka kɛlɛwe yɛrama. Maa dan kalé pɔrɔ kyɛ vɔ lɛ yé é dan a zi fɛnu faa ble lɛ. Maa Gakelebale ɛ ke a fena.

Jérémi 22:14

’Té é a fé léé: Maa dan kɔn blɛn dɔ lɛ anzé nya, Yé maa kɔnmi zinu blɛnnu pa, Maa dan fɛnɛtinu pa lɛ a ma, An dan plafɔn kɛlɛ lɛ sɛdrɛyili nya, Yé maa dan tɔrɛ sɔɔn gié lɛ a ma, Wenaané ’é kɛlɛ ’bɛzan lɛ ma.

Jérémi 32:29

Kaldé munu lé wo nwa fla ’ko ma, wo dan wɔra lɛ fla; wo dan a kyɛ vɔ lɛ, yé kyɛ é dan a ble lɛ, yee valé kɔnnu lé wo lasikɔrɔ kyɛ ble Baal lɛ wo nwiin, ’té woo baleban’yi zanaan ana bale bɛnu lɛ an bli flile we ma bɛ, wo nya.

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 38:23

Wo dan go lɛ ilé lomu valé ilé nénu faa nya Kaldémunu va; yé bii, i ’ka dan so lɛ wo lee lo. Babilɔn nwiinzan blɛn é dan i kun lɛ, yé wo dan fla ’ko kyɛ ble lɛ.

Jérémi 6:5

’Ka é nwa, kaa go é béli ’ko, kaa alé fuakɔnnu sɛrɛ.

Jérémi 7:14

Amalé kɔn lé woo an tɔ laan ana, ’té ka bli ke a lɛ, ’té maa ana nɔ ka valé ka tranu lɛ bɛ, maa dan we kɛlɛ lɛ a lɛ, maa a kɛlɛ Silo lɛ fɛan zo, a zo.

Jérémi Lé Wuvɔ Sɛbɛ 2:5

Mizan kɛlɛ bélé wo nyanézan zo, É Izraɛl munu ble; é wolé fuakɔnnu faa ble, É wo yɔɔna plɛplɛnu sɛrɛ; É Juda munu kɛlɛ nyanéblezannu valé dunnuzannu saa nya.

Jérémi Lé Wuvɔ Sɛbɛ 2:6

É élé sɔkɔn zana a gi bélé zianféi sɛrɛle zo, É wolé zén‐ékemana sɛrɛ; Gakelebale a kɛlɛ, yé Siɔn munu gi san ’wolé fɛti valé ’wolé flinyinu ma, Yé alé bliflile baba zi, é sɔn vɔ minwiinzan blɛn valé Balebanzan ma.

Jérémi Lé Wuvɔ Sɛbɛ 2:7

Mizan léabo ’é banna ma, é sɔn vɔ élé fɛna sauun ma; É Siɔn lé fuakɔnnu pa wo nyanézannu lee, Wo siaa Gakelebale lé kɔn gi, yé wo wo dére ’ma baa, Bélé fɛan zo lé wa maan fɛtiyi la, a zo.

Jérémi Lé Wuvɔ Sɛbɛ 2:8

É a Gakelebale gi léé, é dan Siɔn munu lé kɔn gurunu sɛrɛ lɛ. É kɔn dɔ baworo soi, é ’ka é bɛ si lɛ ana lo fɔɔ yé é wo sɛrɛ tata; É fla zi gɔrɔnu valé kɔn plɛplɛnu ma vo drɔɔdrɔɔ, Wo kɛlɛ ékeva é ’bin nya.

Ézékiɛl 16:41

Wo dan ilé kɔnnu kyɛ ble lɛ, yé wo dan ilé we ble lɛ lomu kiɛre kiɛre yuɛ va. ’Bɛ zo lé maa dan ilé pɛnpɛnné gyɛle yi ga lɛ, yé i ’ka dan gɔnénu tɔrɔ paa lɛ é dɛrɛ lo.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Amɔs 2:5

Maa dan kyɛ bi lɛ Juda tɛrɛ la, yé é dan fuakɔnnu kyɛ ble lɛ Jérusalɛm.

Amɔs 6:11

Naa, Gakelebale a fe léé: Maa dan kɔn blɛn guru zana lɛ a gi, yé maa dan kɔn kiéné kɛlɛ lɛ é ’bin nya.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Zakari 11:1

Liban‐oo, ’i zi nɔ munu lɛ Yé kyɛ ’é ilé sɛdrɛyilinu ble ma.

Matio 24:2

É lé wo lɛ léé: Ka ’bɛ faa yee? Wo va gɔlɛ lé é dan vo lɛ é ke ta ’té wo ’ka dan ’bɛ zana lɛ lo, ’bɛ gɔlɛ ’ka lo. Maa fe ka lɛ.