Jérémi 51:64 - Kazambale lé Sebe Sauunu 1979

⁶⁴ yé i dan a fe lɛ léma: A zo duo lé Babilɔn é dan san lɛ ’yi wuo. We tɔntɔnnu lé maa dan wo bɔ lɛ a ma, é ’ka dan so lɛ wo gi lo; a tamunu fuu é dan si lɛ wo ta yé wo dan dia lɛ. Jérémi lé we nyaana lé ke bɛ.

Jérémi 51:64 ပူးပေါင်းရင်းမြစ်များ

JOB (Job) 31:40

Lélinu ’é tuu ana ’sa pa gi ma, Yé kyankyan ’é tuu ana sɔnmlén pa gi ma. Job dére nyaana lé ke bɛ.

Lɛrɛvɔ Sɛbɛ 72:20

Izai be David lé bazorolenu nyaana lo.

Lɛrɛvɔ Sɛbɛ 76:12

Ka Gakelebale, kalé Bale kun dérean nya, ’ka a lɛ sɔɔ. Munu faa lé wo ke a zi, ’wo da blɛ nya Bale lé, éé di kinié mi gi, a lɛ ma.

Ézai 47:13

I wɔlɛi nyaa i ma ’monédɔle nya, Munu lé woo la gi ginian, ’Té woo ’moné dɔa monénénu koo, moné dɛrɛ koo, wo va, ’Té we lé é dan bɔ lɛ i ma, ’té wa fé i lɛ, ’Wo nwa sin, ’wo i si we gi ma.

Jérémi 13:4

Kyɛsidi lé bé lɔ, ’té é ke é dɔle i gyɛn bɛ, bé si, ’i nwa, ’i go Yufrat yuu ba gi yé bé yɔɔ ’bɛna gɔlɛfee gyɛna.

Jérémi 19:10

’Bɛ zuo, ’i bɔ ’wii, munu lé ka go wo nya, wo yuɛ va.

Jérémi 25:27

Bé fe wo lɛ léma: Lai sunyanu lé Gakelebale, Izraɛl lé Bale léma: ’Ka a mini, yé ’é ka gyɛ yé ka féé a nya, yé ’ka dia, té ka nwa é ziin lo, guli lé é dan nwa lɛ ka ma, a yele we ma.

Jérémi 51:42

Wɛyi zén Babilɔn ta; a fɔrɔlenu Babilɔn ta bua.

Jérémi 51:58

Lai sunyanu lé Gakelebale léma: Wo dan Babilɔn lé gɔrɔ laala blɛnnu zana lɛ a gi, Wo dan alé duoli torolenu kyɛ ble lɛ; ’Bɛ gi léé, alé munu nyanama pa é pla; Bɛnnu wɔlɛ gi nyaa wo ma é pla, é kɛlɛ kyɛ zé nya.

Jérémi 9:5

Wa wo ke tanna, Yé wo ’ka webozen fé pelo; Viéwole a wo baagiwe nya, Yé woo wenaané kɛlɛle draan.

Ézékiɛl 28:19

Munu faa lé wo i dɔɔ munu va, wo dɔ é pla dan‐uun ilé we ma; i kɛlɛ fɛ pla nya; i ’ka dan kɛlɛ lɛ ana é dɛrɛ lo.

Abaku 2:13

Bé ye, dé é a lai sunyanu lé Gakelebale bligiwe nya, ’té migɔnɔnu a nyanama pana kyɛ zé nya, ’té bɛngɔnɔnu a ’wo wɔlɛgi nyaana é pla.

Wegɔɔnle 14:8

Yé lanje fiézan da a zuo yé ’bɛ léé: Fla blɛn Babilɔn lé élé pɛnpɛnnégyɛle nɔ bɛntɛrɛnu faa lɛ yé é wo gyɛ bélé nwɛ plɛplɛ lé mi gyɛle zo, a guru zana a gioo, a guru zana a gi!

Wegɔɔnle 18:2

É siaa dére plɛplɛ nya yé é léé: A guru zana a gioo, a guru zana a gi, fla blɛn Babilɔn guru zana a gi! É kinin yonu nyanana nya, yé yo tiridɔlenu faa koo, miané tiridɔle ginzannu faa koo, é kinin wo zénna ékeva nya;

Wegɔɔnle 18:21

Gɔlɛ blɛn lé é ke bélé fɛzɔngɔlɛ zo, lanje plɛplɛ do a si yé é a vuli wɛyi va yé é léé: ’Ko zo lé wo dan fla blɛn Babilɔn vuli lɛ plɛplɛ yé wo ’ka dan a ye lɛ é dɛrɛ lo.