Jérémi 51:56 - Kazambale lé Sebe Sauunu 1979

⁵⁶ Iin, fɛsɛrɛzan baa yee Babilɔn ta; Wo Babilɔn lé sunyanu si, Wo wolé sanu yéli. Naa, Gakelebale a Bale lé, éé mi faa do do banwoo ’Wo kɛlɛwenu yɛrama, a nya, Yee ɛ munu do do gooli paan.

Jérémi 51:56 ပူးပေါင်းရင်းမြစ်များ

Wepélisiananu 49:24

Naa, alé sa vo plɛplɛ, Naa, Jakɔb lé Bale plɛplɛ, Mitabinzan Bale, Izraɛl lé Gɔlɛ, A bɛ ɛ Jozɛfu bɛ dɔ plɛplɛ.

Lɛrɛvɔ Sɛbɛ 137:8

Babilɔn munu, ’kaa kɔn ’wiizannu, Wenaané lé ka kɛlɛ ko lɛ, Mian é a lɛgi kɛlɛ ka lɛ, ’bɛzan zé a néné.

Lɛrɛvɔ Sɛbɛ 37:15

Wolé gwɔun éé wɔraan wobozen zuru va, Yé wolé sanu éé yélié.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Lɛrɛvɔ Sɛbɛ 76:3

Alé sɔkɔn a Salɛm, Yé a nyanana a Siɔn.

Ézai 21:2

Yuɛzi giwe naané do da an va. Yaamitazan a yaana mi ta, fɛsɛrɛzan a fɛ sɛrɛna. Élam munu, ’ka go loru. Médi munu, ’ka fla mabɛn. Maa dan bamaflinle dɔ lɛ.

Ézai 34:8

Naa, Gakelebale lé welɛgipayi lé; é Siɔn lé we lɛgi pa lɛɛ ’ko nya.

Ézai 35:4

Munu lé wo gi ke é vurule wo ma, ’ka fe wo lɛ léé: ’Ka bli ta dɔ plɛplɛ, té ka kana pelo; Kalé Bale lé é dan ka ’lɛ bɛ, é dan we lɛgi pa lɛ; Yeeboen é dan da lɛ yé é dan ka si lɛ we gi.

Ézai 59:18

É dan mi faa do do banwo lɛ wo kɛlɛwe yɛrama; é dan é mazannu banwo lɛ é wɛwɛ nya; é dan é nyanézannu banwo lɛ yee duo zo; é dan wɛyiworona tɛrɛ la munu banwo lɛ yee duo zo.

Jérémi 49:35

Lai sunyanu lé Gakelebale léma: Ka ye, Élam munu lé sa lé woo baama a gi gulidanfɛ plɛplɛ nya, maa dan a yéli lɛ.

Jérémi 50:10

Wo dan ’wii lɛ Kaldénu lé tɛrɛ la. Munu faa lé wo ’wii tɛrɛ ’ko la, wo dan kan lɛ. Maa Gakelebale ɛ ke a fena.

Jérémi 50:36

’Wo gwɔun sia viébalelayezannu ma, ’wo kɛlɛ bélé ’wuosɛrɛzannu zo ma. ’Wo gwɔun sia nyanazannu ma, di ’é kini wo gi ma.

Jérémi 51:24

Wenaané faa lé Babilɔn munu valé Kaldé munu faa a kɛlɛ Siɔn lɛ ka yuɛ gi, maa dan a lɛgi pa lɛ wo ma. Maa Gakelebale ɛ ke a fena.

Jérémi 51:30

Babilɔn lé sunyanu daan gulidanle ma, wo vɔ wolé yɔɔna plɛplɛnu na; wo fuu si wo ta, wa bélé lomu zo. Wo kyɛ vɔ wo nyanana, wo wolé kɔn lɛ tan foliɛwɔlɛnu yéli.

Jérémi 51:48

La koo, tɛrɛ koo, wo gifɛnu koo, wo dan siaa lɛ ginanale nya Babilɔn diale we ma; naa, fɛsɛrɛzannu é dan si lɛ yirinwana bɛbolazia, yé wo dan baa lɛ a ta. Maa Gakelebale ɛ ke a fena.

Jérémi 51:53

Gakelebale léma: Dé Babilɔn munu nwa kɔɔn, léé, ’wo go la gioo, dé wo wɔra ’wolé guliyɔɔkɔn torole plɛplɛnu gioo, maa dan fɛsɛrɛzannu pa lɛ wo lɛ zia duowo.

Jérémi 51:6

’Ka fwi Babilɔn, yé ka faa é vo é yuɛma, dé ka da zamaga wo a sɛrɛbléyi va. Naa, é a Gakelebale lé we lɛgi pabléyi nya; é dan alé we lɛgi pa lɛ a kɛlɛwenu yɛrama.

Jérémi Lé Wuvɔ Sɛbɛ 3:64

Oo Gakelebale, i dan wo gooli pa lɛ Wo bɛ panyanama yɛrama;

Ézékiɛl 39:3

Maa dan i bɛbo lee sa dia lɛ, yé maa dan i bɛyi lee sawɔlɛnu dia lɛ.

Ézékiɛl 39:9

Yé Izraɛl flanu ta munu é dan bɔra lɛ, wo dan gulidanfɛnu kyɛ ble lɛ, botakuunfɛ kiénénu valé a blɛnnu koo, sayili valé sawɔlɛnu koo, toané din valé dinblanzan koo, woo lé. Wo dan kyɛ sɔn lɛ wo nya fɔɔ lɛɛ sɔrafié.

Amɔs 2:15

Savulizan ’ka dan é dɔna ye lɛ lo, yé gane ta kelekelezan ’ka dan so lɛ a gi lo, yé wisootazan ’ka dan ébo béli lɛ lo.

Abudias 1:15

Naa, Gakelebale lé yi bɔ é pu, bɛnnu faa zé nya. I we kɛlɛ fɛan zo, a zo duo lé wo dan izé kɛlɛ lɛ. I kɛlɛwenu é dan dia lɛ i ta;

Abaku 2:8

Naa, i ’wii bɛngɔnɔ kiɛre ta, amalé migɔnɔ pɔnénu é dan ’wii lɛ i ta. Naa, i munu nyɛ zana, yé i glawe kɛlɛ tɛrɛ ’ko la flanu valé wotazannu lɛ, azama.

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.

2 Tɛsalɔnik munu 1:6

Kazambale éé we kɛla tegele amalé munu lé woo kle paan ka ta bɛ, é dan kle pa lɛ wo ta.

Wegɔɔnle 17:16

Béli vu lé bé ye, wo valé wi, wo dan gɔnégini le za pa lɛ, yé wo dan ’bɛlé fɛnu faa si lɛ, yé wo dan ’bɛ poro lɛ, yé wo dan ’bɛ wi ble lɛ, yé wo dan ’bɛ kyɛ ble lɛ.

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 19:2

naa, alé weblelenu a webozen valé we tegele nya; gɔnégini le baba lé, é tɛrɛ sɛrɛ élé pɛnpɛnnégyɛle nya, é alé we ble, yé ’é wuomunu nyɛ lɛgi pa a ma.

1 Samuɛl 2:4

Mi plɛplɛnu lé sa a é yélile, Yé plɛplɛ a mi tɔɔtɔɔnu lé kyɛsidi nya.