Jérémi 51:53 - Kazambale lé Sebe Sauunu 1979

⁵³ Gakelebale léma: Dé Babilɔn munu nwa kɔɔn, léé, ’wo go la gioo, dé wo wɔra ’wolé guliyɔɔkɔn torole plɛplɛnu gioo, maa dan fɛsɛrɛzannu pa lɛ wo lɛ zia duowo.

Jérémi 51:53 ပူးပေါင်းရင်းမြစ်များ

Wepélisiananu 11:4

Yé wo lé é ziin léé: Kaa go, kaa fla do pa, yé kaa kɔn kiilii torole dɔ fɔɔ a ’wuo ’é zun la ma, yé kaa tɔ ’é kɛlɛ, blɛn, dé ko da kini ékema tɛrɛ la fɛfaana.

JOB (Job) 20:6

Dé ébo nwa fɔɔ yé é vɔ la ma Yé a ’wuo zun lati maoo,

Ézai 13:17

Maa dan Mɛdenu nwa lɛ wo ma; gɔɔlifu ’ka ’bɛnu yuɛ gi bɔa lo, yé ’bɛnu bli ’ka bɔa kyan ma lo.

Ézai 41:25

Maa mi do nwa yirinwana bɛbolazia yé é da, É an tɔ laa yirinwana; É dan mi plɛplɛnu zɔn lɛ é gane nya bélé voli zo, É dan wo zɔn lɛ bélé bɔdɔzan lé bɔtɛrɛ zɔnle zo.

Ézai 47:5

Kaldé le, ’I nyana, ’i tadɔ, ’i go gunutinu va. Wo ’ka dan i laa lɛ bɛnnu nwiin le é dɛrɛ lo.

Ézai 47:7

Bé fe léé, ’é dan kɛlɛ lɛ yifaama munu nwiin le nya, I ’ka a pa lɛ i bli gi lo Yé é ’ka boenwo dɔ lɛ i gi léé, we ’ko é dan nyaa lɛ, lo.

Jérémi 49:16

Bii lé i nyanaan gɔlɛkoro gi, yé i nyanaan gɔ sokoro?-?nénu nwiin, ilé kana zénle mi gi valé ilé boblɛn, wo i saan. Dé ilé kɔn dɔ fɛna nwale loruna bélé gola zooo, maa dan i dia lɛ. Maa Gakelebale ɛ ke a fena.

Jérémi 50:21

Tɛrɛ ’ko la munu lé wo nwa Bale ma gɔnɔ fié, ’i nwa wo ma; ’i nwa ana munu ma, yé i we lɛdɔ wo gi. ’I wo zuo bin, ’i wo gyɛ, ’i wo kulu ga. Maa Gakelebale ɛ ke a fena. ’I anlé bélidɔwenu lɛ sɔɔ ’té.

Jérémi 50:25

Gakelebale élé gulidanfɛnu pagi?-?kɔn lɛ so, yé élé bli fli gulidanfɛnu si a gi; naa, Mizan lai sunyanu lé Gakelebale lé nyanama lé é a pa Kaldé munu lé tɛrɛ la, yee lé ke bɛ.

Jérémi 50:45

Bɛwemalé, we lé é dɔ Gakelebale gi Babilɔn lé we ma, ’ka tɔné dɔ a lɛ, yee valé we lé é a ’é ’wuo gi bɔrɔna Kaldé tɛrɛ ma a nya, wo nya. Weboen lé, wo dan wo gana lɛ bélé ’blanu lé plɛplɛ ’ka wo lee lo, wo zo. Wo dan ’wii lɛ wo nyanana ta weboen nya.

Jérémi 51:11

’Kalé dinnu lɛ vɔ, ’ka kun ka botakuunfɛ ma; Gakelebale ɛ Médi munu nwiinzan blɛn bli nwa, é sɔ a lɛ léé, é Babilɔn sɛrɛ, azama. Naa, Gakelebale lé we lɛgi pale lé; a bangikɔn lé we lɛgi pale lé.

Jérémi 51:25

Gakelebale léma: Bé ye, bii Babilɔn, migyɛgɔ, bii lé i tɛrɛ faa sɛrɛ, maa a i ma. An dan an bɛ soi lɛ i ma; maa dan i burula lɛ yé i si gɔlɛgɔnu nwiin, yé maa i kɛlɛ gɔ lé kyɛ a ble, a nya.

Jérémi 51:48

La koo, tɛrɛ koo, wo gifɛnu koo, wo dan siaa lɛ ginanale nya Babilɔn diale we ma; naa, fɛsɛrɛzannu é dan si lɛ yirinwana bɛbolazia, yé wo dan baa lɛ a ta. Maa Gakelebale ɛ ke a fena.

Jérémi 51:56

Iin, fɛsɛrɛzan baa yee Babilɔn ta; Wo Babilɔn lé sunyanu si, Wo wolé sanu yéli. Naa, Gakelebale a Bale lé, éé mi faa do do banwoo ’Wo kɛlɛwenu yɛrama, a nya, Yee ɛ munu do do gooli paan.

Jérémi 51:58

Lai sunyanu lé Gakelebale léma: Wo dan Babilɔn lé gɔrɔ laala blɛnnu zana lɛ a gi, Wo dan alé duoli torolenu kyɛ ble lɛ; ’Bɛ gi léé, alé munu nyanama pa é pla; Bɛnnu wɔlɛ gi nyaa wo ma é pla, é kɛlɛ kyɛ zé nya.

Daniɛl 4:30

minwiinzan blɛn we fe yé é léé: Babilɔn blɛn lé maa a pa yé maa anlé fuakɔn dɔ ana anlé gla valé anlé plɛplɛ nya, anlé fua zevɔle we ma, yeean ke ’ko loo?

Amɔs 9:2

Dé wo go fɔɔ gamunu nyananaoo, ’an wo kunwo ana; dé wo go la gioo, maa dan wo zun lɛ.

Amɔs 9:4

Dé wo go luu gi ’wo nyanézannu lee, maa dan a fe lɛ léé, gwɔun ’é wo gyɛ za ma ’bɛna. Maa dan an yara dɔ lɛ wo ta, wenyané kɛlɛle wo lɛ we ma, wezin kaan lo.

Abaku 2:9

Mi lé éé weple ma fɛnu tééan ébo zé nya, léé, é nyanana ’é kɛlɛ loru abo sile wenaané lee we ma bɛ, we tɔntɔn ’é bɔ ’bɛzan ma ma.