Jérémi 51:51 - Kazambale lé Sebe Sauunu 1979

⁵¹ Ko sɔnɔle ’ma aan wo, ’bɛ kɛlɛ ko ma yaragyɛwe nya; dé bɛnnu wɔra Gakelebale lé kɔn sauun gi, yara wɔra ko ’wuo ma.

Jérémi 51:51 ပူးပေါင်းရင်းမြစ်များ

Lɛrɛvɔ Sɛbɛ 109:29

’Wo yaragyɛwe bɔ an nyanézannu ma ma, Yé wo yara wɔra wo ’wuo ma bélé sɔ zo ma.

Lɛrɛvɔ Sɛbɛ 71:13

Munu lé wa a va léé, ’wo an gyɛ, yaragyɛwe ’é bɔ wo ma yé ’wo sɛrɛ tata ma. Munu lé wa a va léé, ’wo an saan, yara blɛn ’é wo gyɛ yé wo serele bo wo ma ma.

Lɛrɛvɔ Sɛbɛ 79:1

Lɛrɛ lé Azafa a vɔ. Baleoo, Bale, bɛnnu ’wii ilé munu ta, Wo ilé kɔn sauun sɔnné sɛrɛ, Yé wo Jérusalɛm kɛlɛ é’bin nya.

Lɛrɛvɔ Sɛbɛ 79:12

Mizan, sɔnɔnu lé ko punmazannu a wo ko lɛ, ’Bé lɛgi pa wo ma gɔnɔ sɔrafié ma.

Lɛrɛvɔ Sɛbɛ 79:4

Ko kɛlɛ serelebomazannu nya ko punmazannu yuɛ gi, Yé munu lé wo ko zi lɛ sɔɔ, woo ko ma we nanaan, ’té woo yéri sié ko ma.

Lɛrɛvɔ Sɛbɛ 89:46

I a boroné la yinu bɔi a ta, Yé i yaragyɛwe blɛn bɔ a ma. Ka ye do.

Ézai 13:1

Babilɔn ma we lé Bale a gɔɔn Amosi be Ézai lɛ, yee lé ke ’ko.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 21:1

Balelawe lé Ézai a fe wɛyi bwi lé we ma, yee lo. Fu plɛplɛ si yirinwana bɛyilazia fɛan zo, a zo lé nyanézan si kanazénmigi bwi la.

Ézai 47:1

Babilɔn blɛnzan, ’I zun, ’i nyana vungoi va. Kaldé le, ’I nyana tɛrɛ va, ilé fuablin ’ka lo. Wo ’ka dan i laa lɛ léabo le é dɛrɛ lo, wo ’ka dan a fe lɛ léé, le a é zénle i ma lo.

Jérémi 14:3

Mi segelenu éé né kiénénu nwunvɔa ’yi tɔna, Yé nénu éé goo ’yibagi, yé wo ’ka ’yi yé a gi lo; Woo nɔlaan bɔ koro nya wo lee. Yara wo gyɛ; wo kua yara nya yé wo sɔ zén ’wo ’wuo ma.

Jérémi 25:26

yirinwana bɛyilazia nwiinzannu faa, wo lé wo ke é pu valé wo lé wo ke baa, wo faa lé, bɛnnu faa lé wo ke tɛrɛ yuɛ la; wo lé maa kana nɔ wo lɛ yé wo ’yi mini a gi, wo lé ke bɛ, yé Sésak nwiinzan blɛn, ’bɛ é dan a mini lɛ wo zuo.

Jérémi 31:19

An yara si i ta, naa, ’bɛ zuo an bli nɔla; Dé maa an saanna ye, an vo an bin gyɛna; Yara an gyɛ yé an ’yibo, Naa, wenu lé maa wo kɛlɛ an boro‐né la bléyi va, wo tɔ a an ma.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi Lé Wuvɔ Sɛbɛ 1:10

Yaawotazannu ’wo bɛ soi Yé wo alé fɛwezannu faa si, Yé bɛnnu lé i wo zénle ékeva yi ga ilé munu nya, Wo wo ye wɔrana ilé fɛna sauun na.

Jérémi Lé Wuvɔ Sɛbɛ 2:20

Gakelebale, ’bé gini, mi lé i ’bɛ zoɛ we kɛlɛ a lɛ, ’bé ye. É a lé lomu wobo kulu blee? Né kiénénu lé wo bli bɔ wo ma, ’wo wo blee? É a lé wo Balebanzannu valé balelayezannu gyɛ za ma Mizan lé fɛna sauun naa?

Jérémi Lé Wuvɔ Sɛbɛ 5:1

Gakelebale, wean bɔ ko ma, a sele ’é dɔ i gi ma. Bé ye, ko a serelebomamunu nya fɛan zo, bé nagini.

Ézékiɛl 24:21

Bé fe Izraɛl munu lɛ léma: Mizan Gakelebale léma: Ka ye, anlé fɛna sauun lé ke kalé plɛplɛ lé ka baama a gi, a nya, ’té ka bli bɔ a ma é baba, ’té é a ka sɔlɛfɛ nya bɛ, maa dan a sɔnné sɛrɛ lɛ. Yé ka benu valé ka lunu lé ka wo vo ka zuo Jérusalɛm, wo dan ga lɛ gwɔun ’léé.

Ézékiɛl 36:30

Maa dan kalé yiliporo baa lɛ kiɛre yé kalé féifɛnu é dan dɔ lɛ, léé, té ka kɛlɛ serelebomazan nya bɛnnu méléna é dɛrɛ lɔrɔ dɔle we ma lo.

Ézékiɛl 7:18

Woo bɔlɔ vɔa ’wo tɛrɛ la, yé di blɛn kini wo gi; yara wo faa gyɛ, wo faa ’wo nwin puiɛ.

Ézékiɛl 9:7

Yé Bale lé migyɛzannu lɛ léé: ’Ka kɔn tiri dɔ yé ’ka a gɔrɔ ginu fan mi galenu nya. ’Ka bɔra. Yé wo bɔra, yé wo munu gyɛ fla.

Daniɛl 11:31

A dére ta lé sunyanu é dan da lɛ, wo dan fɛna sauun, kɔn plɛplɛ sɔnné sɛrɛ lɛ, yé balebanwi lé wa kyɛ blé, ’té wa no yifaama, wo dan a nɔle yi ga lɛ, yé fɛ sɛrɛle tata fɛ naané lé mi ’ka é yuɛ vɔa a ta lo, wo dan a dɔ lɛ fɛna sauun na.

Amɔs 7:9

Maa dan Izak lé yobannanu faa sɛrɛ lɛ; maa dan Izraɛl lé yokɔnnu zana lɛ, yé maa dan nwa lɛ Jéroboam lé munu ma, gwɔun nya an lee.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.