Jérémi 51:5 - Kazambale lé Sebe Sauunu 1979

⁵ Naa, Juda munu valé Izraɛl munu lé Bale, lai sunyanu lé Gakelebale, é ’ka sɔn vɔ lɛ wo ma lo, yé Kaldé tɛrɛ la a é fanle weple nya Izraɛl lé Mi Sauun ma.

Jérémi 51:5 ပူးပေါင်းရင်းမြစ်များ

1 Minwiinzannu 6:13

maa dan nyana lɛ Izraɛl lé nénu méléna yé an ’ka dan daan lɛ anlé munu Izraɛl ma monomono lo.

2 Minwiinzannu 21:16

É ziin, Manasé weanwiinlozannu nyɛ zana kiɛre fɔɔ yé Jérusalɛm fan a nya, é sia a péli ma fɔɔ yé é bɔ a ’wuo ma; wenyanénu lé é a kɛlɛ yé é Juda munu kɛlɛ wo kɛlɛzannu nya, we lé ke é naané Gakelebale yuɛ gi, a kɛlɛle nya, wo ’ka ’bɛ fena lo.

Ezidras 9:9

Ko a luunu nya, naa, duowo Bale ’ka daan lɛ ko ma kolé luubale gi lo. É ko kɛlɛ mi zinnu nya Pɛɛs minwiinzan blɛnnu yuɛ gi, ko vole é yuɛma we ma, léé, ko kolé Bale lé kɔn dɔ é ’bin ta, yé ko yɔɔna ’é kɛlɛ Juda valé Jérusalɛm nya.

Lɛrɛvɔ Sɛbɛ 94:14

Naa, Gakelebale ’ka daan élé munu ma lo, É ’ka sɔn vɔa élé munu ma lo;

Ézai 44:21

Jakɔb‐oo, we ’konu sele ’é dɔ i gi ma; Izraɛl, i a an wuozan nya, azama. Maa i bɔra, bii a an wuozan nya; Izraɛl, i sele ’ka dan saan lɛ an gi lo.

Ézai 51:15

Maa a Gakelebale, ilé Bale nya, Maa ɛ wɛyi nanoan yé wo vun éé wé. An tɔ lé lai sunyanu lé Gakelebale.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Jérémi 14:19

I sɔn vɔ Juda ma weboen nyaa? Yé biiboen Siɔn yé naaninvɔmafɛ nyaa? Mɛmalé éé ko blaan Yé ko bélifɛ do ’ka ana loo? Ko bli a vole drɔɔ lɛ, naa, ginanawe do kpen ’ka ana lo, Ko bli a ko bélile lɛ, yé bé ye, yoyo zén ko gi.

Jérémi 14:9

Mɛmalé kwa vɔ i lɔlu la a zoo? Bii lé i ke nyanazan nya, mɛmalé i ’ka bɔa ko sile lɛ we gi loo? Naa, Gakelebale, bii a ko méléna duowo, Yé woo i tɔ laama ko ma; Té i sɔn vɔ ko ma lo.

Jérémi 16:18

É vinin maa dan wolé weple valé wolé wenyané ma ban wo lɛ gɔnɔ fié; wo anlé tɛrɛ la sɛrɛ, yé wo anlé tɔnɔtɛrɛ fan miyili galenu koo, wolé bozowenu koo, wo nya, azama.

Jérémi 19:4

Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 23:15

Bɛwemalé lai sunyanu lé Gakelebale we fe balelayezannu ma, yé é léma: Ka ye, maa dan koinyɔnɔ nɔ lɛ wo lɛ wolé fɛblele nya, Yé maa dan lale zén lɛ wo miniyi va, Naa, Jérusalɛm lé balelayezannu lé we ma lé Bale lé zi ma wenyané fele sɔɔla tɛrɛ faa la.

Jérémi 31:37

Gakelebale léma: Dé wo bɔalɛ léé, wo lanu dan, Dé wo bɔalɛ léé, wo tɛrɛ gane vɔnanu dan, ’Té maa dan sɔn vɔ lɛ Izraɛl bɛn faa ma, We faa lé wa kɛlɛ, a we ma. Maa Gakelebale ɛ ke a fena.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi 50:20

Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

Jérémi 51:19

Bale lé é ke Jakɔb zé nya, ’bɛ ’ka wozé zo lo; Naa, ’bɛ ɛ fɛnu faa kɛlɛ, Yé Izraɛl lé ke alé tɔnɔ nya. A tɔ lé lai sunyanu lé Gakelebale.

Ézékiɛl 8:17

Yé é lé an lɛ léé: Blami be, bé yee? ’Bɛ zo wenu lé Juda munu a kɛla ’ko, ’bɛ a we kiéné nyaa? É a lé wo tɛrɛ ’ko fan é ziin glawe nya yé ’té wo ’ka daan an blifliwenu kɛlɛle ma loo? Bé ye, wa yilibɛnu biéna wo nyé ma.

Ézékiɛl 9:9

Yé é a zi pa an lɛ léé: Izraɛl munu valé Juda munu lé weple a blɛn. É gié é glɛ ta. Tɛrɛ a é fanle migyɛwe saa nya. Fla a é fanle weple saa nya. Naa, wo léé, Gakelebale sɔn vɔ tɛrɛ ’ko ma. Gakelebale ’ka ’wo yé lo.

OZÉ (Osée) 2:1

Duowo, Izraɛl lé nénu é dan kɛlɛ lɛ kiɛre bélé wɛyi lé nyéné lé wo ’ka bɔa a ’léé danle lɛ mɛtrɛ nya lo yé wo ’ka bɔa a nɔnɔle lɛ lo, a zo; yé fɛana lé Bale a fe wo lɛ léé, ka ’ka ’élé munu nya lo, ’bɛna lé é dan a fe lɛ wo lɛ léé: Bale yuɛmale benu.

OZÉ (Osée) 2:3

’Ka fe ka bwenu lɛ léé: Ami, ’bɛ gi léé, anlé munu; ’ka fe ka burunu lɛ léé: Rusama, ’bɛ gi léé, nyanai zénle.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

OZÉ (Osée) 4:2

Bale ’nyɔɔnle vié nya koo, viéwole koo, nɔmaga wole koo, kyeenwole valé leginile koo, ’bɛ saa ɛ ke ana. Wa glawe kɛlɛna, ’té woo goo migyɛle nya é ke la mi.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Zakari 12:6

’Bɛ yi la maa dan Juda mi blɛnnu kɛlɛ lɛ bélé kyɛ lé wa sɔn yili gale méléna, a zo, bélé sonakyɛ zo ’sanwunnu méléna. Wo dan ’wo zi munu faa ble lɛ, ’wo bɛyila valé ’wo bɛbola, yé Jérusalɛm é dan vo lɛ é pa gi.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Zakari 2:12

Juda é dan kɛlɛ lɛ Gakelebale zé nya tɛrɛ sauun ta, yé é dan Jérusalɛm si lɛ a va ézé nya é ziin.

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.