Jérémi 51:47 - Kazambale lé Sebe Sauunu 1979

⁴⁷ Bɛwemalé, ka ye, a yi é dan bɔ lɛ yé maa dan Babilɔn lé miyilinu sɛrɛ lɛ, yé yara é dan tɛrɛ ’ko la munu faa gyɛ lɛ, yé alé munu faa galenu é dan dia lɛ ana.

Jérémi 51:47 ပူးပေါင်းရင်းမြစ်များ

Ézai 21:9

Yé bé ye, wisootazannu a dana, ’té woo tawoo mi fié, mi fié. É we fe é ziin yé é léé: Babilɔn diaoo, é dia! Alé miyilinu faa dia tɛrɛ va yé wo yéli nuu.

Jérémi 11:22

Gakelebale lé wo lɛ léma: Ka ye, maa dan we lɛdɔ lɛ wo gi; pɛniɛnu é dan ga lɛ gwɔun lee; wo benu valé wo lunu é dan ga lɛ lɔrɔ lee.

Jérémi 13:21

É we lɛdɔ i gi, i lé ’bɛ gi nɔɔ? Biibozen we paa wo gi léé, ’wo kɛlɛ izan nya; i ’ka dan kle ble lɛ bélé né yaa le lé né a kun, a zo loo?

Jérémi 23:34

Yé dé balelayezan léé, dé Balebanzan léé, dé munu ’ko va mi do léé, dé é a fe léé, Gakelebale éé we vɔa lou mi lɛ, maa dan we lɛdɔ lɛ ’bɛzan gi, yee valé élé munu nya.

Jérémi 25:12

Naa, lɛɛ yɔ yaa wɔlɛ vu ’konu nyaale zuo, maa dan we lɛdɔ lɛ Babilɔn nwiinzan blɛn valé bɛn ’ko gi, wolé weplenu lé we ma. Maa dan we lɛdɔ lɛ Kaldé tɛrɛ la munu gi, yé maa dan wo sɛrɛ lɛ lɛɛ faa zé nya. Maa Gakelebale ɛ ke a fena.

Jérémi 50:2

’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Jérémi 51:18

Wa fɛnu lé wo ’ka we do nyian wo mi ma lo, wo nya; wa dabli panyanama nya; Dé we lɛdɔ mi gi yi bɔ, wozé é dan nyaa lɛ.

Jérémi 51:24

Wenaané faa lé Babilɔn munu valé Kaldé munu faa a kɛlɛ Siɔn lɛ ka yuɛ gi, maa dan a lɛgi pa lɛ wo ma. Maa Gakelebale ɛ ke a fena.

Jérémi 51:43

Alé flanu guru zana a gi; alé tɛrɛ kɛlɛ bwi nya. Mi do kpen ’ka nyanaan ana lo, yé mi do ’ka giéan ana lo.

Jérémi 51:52

Bɛwemalé Gakelebale léma: Ka ye, ’bɛ yinu é dan bɔ lɛ, yé an dan miyilinu sɛrɛ lɛ, yé munu lé wo tuo, wo dan dunnu lɛ wolé tɛrɛ faa la.