Jérémi 51:43 - Kazambale lé Sebe Sauunu 1979

⁴³ Alé flanu guru zana a gi; alé tɛrɛ kɛlɛ bwi nya. Mi do kpen ’ka nyanaan ana lo, yé mi do ’ka giéan ana lo.

Jérémi 51:43 ပူးပေါင်းရင်းမြစ်များ

Lɛrɛvɔ Sɛbɛ 46:8

Lai sunyanu lé Gakelebale a ko va, Jakɔb lé Bale a ko yɔɔna plɛplɛ nya. Ka ye do.

Ézai 13:20

Mi ’ka dan nyana lɛ ana é dɛrɛ monomono lo. Munu ’ka dan kɛlɛ lɛ ana é dɛrɛ monomono lo. Arabunu ’ka dan wolé sɔkɔnnu dɔ lɛ ana lo. ’Blatabinmunu ’ka dan ’wolé trubɛnu yii lɛ ana lo.

Ézai 34:13

Léliyilinu é dan tuu lɛ wo nwiinzannu lé kɔnnu gi; danan valé goligyɛné é dan tuu lɛ alé guliyɔɔkɔn plɛplɛnu gi. É dan kɛlɛ lɛ gwenu nyanana nya; é dan kɛlɛ lɛ mianéléduo lé fɛna nya.

Ézai 47:11

We tɔntɔn é dan bɔ lɛ i ma, Yé i ’ka bɔa sole lɛ a lee lo, Dirikiniwe é dan bɔ lɛ i ma, Ilé yo kɛlɛle ’ka dan sɔ lɛ a nya lo, I guru é dan zana lɛ a gi fiaa I ma trɔnné va.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 2:6

Maa Gakelebale lé an wo si Éjipiti tɛrɛ la, wo ’ka an ta laan boenwo lo; An go wo nya bwi gi, Tɛrɛ lé fɛ do ’ka ana lo, ’té guru saa ke ana, Tɛrɛ lé ’yi ’ka a gi lo, ’té ga ke ana bɛ, Tɛrɛ lé mi do kpen ’ka giéan ana lo Yé mi do kpen ’ka nyanaan ana lo, an da wo nya ana ’naan, Yé wo ’ka an ta laan loo?

Jérémi 50:12

Yara a ka bu gyɛna; ka yaazan yuɛ tana yara lé a gyɛle we ma. Sin, é a bɛn yara ’téli nya bɛnnu méléna; é a bwi nya; é a tɛrɛ gale lé é ’ka fɛ dɔa lo, a nya.

Jérémi 51:29

Tɛrɛ ma nyɔɔn; gligli zén a gi, naa, Gakelebale bligiwe lɛ sɔɔ Babilɔn ma. É dan Babilɔn tɛrɛ kɛlɛ lɛ bwi nya, ’té mi do kpen ’ka dan kɛlɛ lɛ ana lo.

Jérémi 51:37

Babilɔn é dan kɛlɛ lɛ é ’bin nya, gwenu yiina nya, fɛ sɛrɛle valé we nanamafɛ nya; mi ’ka dan kɛlɛ lɛ ana é dɛrɛ lo.

Jérémi 51:62

Bii Gakelebale a fe léé, wo dan fɛkona sɛrɛ lɛ, yé dé é a mi nyaoo, dé é a wi nyaoo, é ’ka dan nyana lɛ ana é dɛrɛ lo, naa, é dan kɛlɛ lɛ bwi nya lɛɛfaama.