Jérémi 51:37 - Kazambale lé Sebe Sauunu 1979

³⁷ Babilɔn é dan kɛlɛ lɛ é ’bin nya, gwenu yiina nya, fɛ sɛrɛle valé we nanamafɛ nya; mi ’ka dan kɛlɛ lɛ ana é dɛrɛ lo.

Jérémi 51:37 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 29:8

Amalé Gakelebale bli fli Judanu valé Jérusalɛm munu ma, yé we bilibilinu koo, we tɔntɔnnu koo, mi ma we nanalenu koo, Bale a bɔ wo ma, ka a yé fɛan zo, a zo.

Ézai 14:23

Lai sunyanu lé Gakelebale léé: Maa dan a kɛlɛ lɛ ’téli nyanana valé ’yidɔna nya. Maa dan ana sia lɛ yé ana sia faané a fɛ sɛrɛle nya.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 19:8

Maa dan fla ’ko kɛlɛ lɛ é ’bin nya, yé é dan kɛlɛ lɛ wenanamafla nya. Munu faa lé woo giéan a sɔnɔ, wo gi é dan vuru lɛ, yé wo dan ’furu fɛn lɛ wenaanénu faa lé é bɔ a ma bɛ, a we ma.

Jérémi 25:12

Naa, lɛɛ yɔ yaa wɔlɛ vu ’konu nyaale zuo, maa dan we lɛdɔ lɛ Babilɔn nwiinzan blɛn valé bɛn ’ko gi, wolé weplenu lé we ma. Maa dan we lɛdɔ lɛ Kaldé tɛrɛ la munu gi, yé maa dan wo sɛrɛ lɛ lɛɛ faa zé nya. Maa Gakelebale ɛ ke a fena.

Jérémi 25:18

Jérusalɛm koo, Juda flanu koo, a nwiinzan blɛnnu koo, alé mi segelenu koo, maa a nɔ wo lɛ léé, ’wo kɛlɛ é ’bin nya; ana ’é vo é pla yé ’wo we nana a ma yé ’wo bale pa a ma, fɛan zo lé ka a yé kyɔ, a zo.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 49:17

Édom é dan kɛlɛ lɛ guru zana a gizan nya; munu faa lé wo dan gié lɛ a sɔnɔ wo gi é dan vuru lɛ yé wo dan ’furu fɛn lɛ we faa lé é bɔ a ma, a we ma.

Jérémi 49:33

Asɔɔ é dan kɛlɛ lɛ gwe nyanana nya, é dan vo lɛ bwi nya yifaama. Mi do ’ka dan nyana lɛ ana lo, mi do kpen ’ka dan yii lɛ ana lo.

Jérémi 51:29

Tɛrɛ ma nyɔɔn; gligli zén a gi, naa, Gakelebale bligiwe lɛ sɔɔ Babilɔn ma. É dan Babilɔn tɛrɛ kɛlɛ lɛ bwi nya, ’té mi do kpen ’ka dan kɛlɛ lɛ ana lo.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Naum 3:6

Maa dan tiridɔwenu faa bɔ lɛ i ma, maa dan i sɛrɛ lɛ munu gi, Yé maa dan i bɔra lɛ gɔrɔ la.

Sofoni 2:15

Ginanafla lé ke bɛ; éé nyanaan éboma duaa, ’té éé a fé é bli gi léé: Maa, maa do kpen! Ka yua, é vo é ’bin nya, bwiiwinu yɔɔna lé. Munu faa lé wo dan gié lɛ a sɔnɔ, wo dan ’furu fɛn lɛ yé wo bɛ gɔɔn a ma.

Wegɔɔnle 18:2

É siaa dére plɛplɛ nya yé é léé: A guru zana a gioo, a guru zana a gi, fla blɛn Babilɔn guru zana a gi! É kinin yonu nyanana nya, yé yo tiridɔlenu faa koo, miané tiridɔle ginzannu faa koo, é kinin wo zénna ékeva nya;