Jérémi 51:35 - Kazambale lé Sebe Sauunu 1979

³⁵ Munu lé woo nyanaan Siɔn, wo léma: Glawenu lé wa kɛlɛ ko lɛ koo, ko wi kinile ékema koo, ’é dia Babilɔn ta. Jérusalɛm munu léma: Ko nyɛwe ’é dɔ Kaldé munu nwiin ma.

Jérémi 51:35 ပူးပေါင်းရင်းမြစ်များ

Wepélisiananu 16:5

Yé Sarai lé Abram lɛ léé: Wenaané lé i na ke a kɛlɛna an lɛ bɛ, ’é kɛlɛ bii ɛ zé nya ma. Maa an wuole nɔ i lɛ, yé é a ye léé, é bɔn a ’é ma, yé an ’ka a yuɛ gi bɔa é dɛrɛ lo. Gakelebale ’é maa valé bii lé we ble ma.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 9:12

Gakelebale lé éé nyanaan Siɔn, ’ka lɛrɛ vɔ a lɛ, We blɛnnu lé é a kɛlɛ, ’ka sɔɔla migɔnɔnu va.

Jérémi 50:10

Wo dan ’wii lɛ Kaldénu lé tɛrɛ la. Munu faa lé wo ’wii tɛrɛ ’ko la, wo dan kan lɛ. Maa Gakelebale ɛ ke a fena.

Jérémi 50:29

’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Jérémi 51:24

Wenaané faa lé Babilɔn munu valé Kaldé munu faa a kɛlɛ Siɔn lɛ ka yuɛ gi, maa dan a lɛgi pa lɛ wo ma. Maa Gakelebale ɛ ke a fena.

Jérémi Lé Wuvɔ Sɛbɛ 1:22

’I wolé wenyanénu faa ye ma. We lé bé kɛlɛ an lɛ anlé wenyanénu faa lé we ma, ’I wozé kɛlɛ a zo ma, Naa, an bamaflin wo di, yé an nyané ble an bli gi.

Abaku 2:17

Naa, glawenu lé bé kɛlɛ Liban tɛrɛ lɛ, wo dan nɔla lɛ i ta, yé winu kulu gale é dan di kini lɛ i gi; naa, i munu nyɛ zana, yé i glawe kɛlɛ tɛrɛ ’ko la, fla valé é tamunu ma, azama.

Zakari 1:15

yé an bli flile nwa blɛn boblɛn bɛnnu ma; an bli a flina sɛ anlé munu ma, yé wozé kɛlɛ naané ’bɛ mini anzé ta.

Matio 7:2

Bɛan zo lé i mi bɛ ma we blé, a bɛ duo gi lé wo dan i ma we ble lɛ. I fɛ no mi lɛ fɛan zo, a zo lé wo dan izé nɔ lɛ.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.

Wegɔɔnle 18:6

’Ka a banwo bélé fɛan zo lé éé mi banwoo, a zo, yé ’ka a nɔ a lɛ gɔnɔ fié a kɛlɛwenu yɛrama. Kana lé, é fɛ zén a gi, ’ka azé zén a gi gɔnɔ fié.

Wegɔɔnle 6:10

Wo siaa dére plɛplɛ nya yé wo léé: Mizan bozen sauun, i a mɔnna; bléyi kyɛn nya lé i dan munu lé we ble lɛ yé i ko nyɛ lɛgi pa tɛrɛlamunu maa?

Weblezannu 9:20

Dé ’bɛ kaan lo, kyɛ ’é si Abimélɛk gi yé é Sisɛm munu valé Milo munu ble ma, yé kyɛ ’é si Sisɛm munu valé Milo lé kɔn gi yé ’é Abimélɛk ble ma.

Weblezannu 9:24

glawe lé é a kɛlɛ Jérubaal be yɔ yaa wɔlɛ vu lɛ, a lɛgi pale we gi, yé wo nyɛwe ’é dɔ wo bwe Abimélɛk lé é wo gyɛ, a nwiin, ’é valé Sisɛm munu lé wo bɔ a va a bwenu gyɛna, wo nwiin.