Jérémi 51:21 - Kazambale lé Sebe Sauunu 1979

²¹ I nya lé an wisoo valé étazan gyɛ, I nya lé an gulidangoro sɛrɛ yé maa a gizan gyɛ.

Jérémi 51:21 ပူးပေါင်းရင်းမြစ်များ

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Lɛrɛvɔ Sɛbɛ 76:6

Nyanazannu ’ko lé, wo bli ta ke é dɔle plɛplɛ, wo wo poro, Wa wolé dirimayi gyɛna; Nyanazannu ’ko wo ’ka bɔ lɛ wobo takuunle lɛ lo.

Fwile 15:1

Yé Moizi valé Izraɛl lé nénu lɛrɛ ’ko vɔ Gakelebale lɛ: Wo léma: Maa dan lɛrɛ vɔ lɛ Gakelebale lɛ, naa, é ’élé plɛplɛ nagɔɔn wéiin: É wisoo valé étazan vuli wɛyi va.

Fwile 15:21

Mari we Izraɛl lé nénu lé lɛrɛ ma yé é léé: Gakelebale élé plɛplɛ nagɔɔn wéiin amalé ’ka lɛrɛ vɔ a lɛ; É wisoo valé étazan vuli wɛyi va.

Fwile 15:4

É Faraɔn lé goronu valé élé sunyanu vuli wɛyi va; Wɛyi Sɔɔn alé gulidanzan zinzinnu mini.

Ézai 43:17

’Té é gulidangoronu valé wisoonu pa zia guli danna, Gulidan nyanazannu plɛplɛ palu, ’Té wo faa dia ékeva, ’té wo ’ka nwaan é dɛrɛ lo, ’Té wo nyaa bélé kyɛbɔ bale éé nyaan fɛan zo, a zo, Yee Gakelebale léma:

Jérémi 50:37

’Wo gwɔun sia alé wisoonu valé alé gulidanmunu ma, Munu gɔnɔ faa lé wo ke a va, ’wa sia wo ma ma; ’Wo kɛlɛ bélé lomu zo ma. ’Wo gwɔun sia wolé fɛwezannu ma, ’wo wii wo ta ma.

Ézékiɛl 39:20

Ka dan kan lɛ wisoonu valé wotazannu wi nya; ka dan kan lɛ nyanazannu valé gulidanmunu faa wi nya. A zo lé Mizan Gakelebale a fe.

Misé 5:10

Maa dan kalé flanu guru zana lɛ a gi kalé tɛrɛ la; maa dan kalé gulidankɔn plɛplɛnu faa guru zana lɛ a gi.

Naum 2:13

Golizra éé fɛ wi kinié ékema turu élé nénu zé nya, Éé fɛ gya turu é bɔrɔ ma, Golizra tinanu zé nya. Éé é yɛrɛ faan, winu lé éé wo gya, wo nya, Éé é yɔɔna faan fɛnu lé é ’wii wo ta, wo nya.

Agajé 2:22

Maa dan bɛnnu lé webleblinnu zana lɛ a gi; maa dan bɛnnu faa lé plɛplɛ sɛrɛ lɛ; maa dan goronu valé wo gizannu zana lɛ a gi; wisoonu valé wotazannu, wo dan ’wo ke gyɛ lɛ wolé gwɔun nya.

Zakari 10:5

Wo dan kɛlɛ lɛ bélé nyanazannu lé woo voli zɔn‐o zia gulidanbléyi va, wo zo; Gakelebale é dan kɛlɛ lɛ wo va, amalé wo dan guli dan lɛ; yé munu lé wo dan vɔ lɛ wisoonu ta, yara é dan wo gyɛ lɛ.

Zakari 12:4

Gakelebale léma: ’Bɛ yi la, maa dan wisoonu faa gi blin lɛ ’wo ma, yé maa dan wo tazannu yuɛi nɔɔ lɛ. Naa, dé maa a migɔnɔnu lé wisoonu faa yuɛ ’wiina, maa dan an yuɛ pa lɛ Juda munu ta.

Wegɔɔnle 19:18

minwiinzannu koo, sunyazannu koo, mi plɛplɛnu koo, wisoonu valé ’wotazannu koo, munu faa, miné valé luunu, mi kiénénu valé mi blɛnnu, wo faa koo, yé ’ka wo wi ble.