Jérémi 51:2 - Kazambale lé Sebe Sauunu 1979

² Maa dan ’sa vasifu pa lɛ zia Babilɔn munu ma, yé é dan wo vasi lɛ. Maa dan fɛsɛrɛfu si lɛ wo zi fɛfaana, yé maa a pa zia wo lɛ yé é dan fɛ faa sɛrɛ lɛ wolé tɛrɛ la, yé é dan kɛlɛ lɛ we tɔntɔn bɔyi nya wo ma.

Jérémi 51:2 ပူးပေါင်းရင်းမြစ်များ

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 43:14

Gakelebale, ka tabozan, Izraɛl lé Mi Sauun, é léma: Kalé we ma lé maa Babilɔn munu nyanézannu pa wo lɛ zia, Yé maa kɛlɛ léé, ’wo fwi yé ’wo dia, Kaldé munu lé wo wobo tɔ bɔa ’wolé ’yitagoronu gi, woo lé.

Jérémi 15:7

Maa wo fɛɛan anlé fu nya fɔɔ tɛrɛ ’ko glɛ ta; Maa né kele anlé munu ma, maa wo kulu ga, Wo ’ka si lɛ wo kɛlɛwenu zuo lo, azama.

Jérémi 50:29

’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Jérémi 50:32

Boblɛnzan sɔné é dan san lɛ yé é dan dia lɛ, yé a nwazan ’ka dan kɛlɛ lɛ lo. Maa dan alé flanu valé é zi tɛrɛnu faa kyɛ ble lɛ.

Ézékiɛl 5:12

Bawurumagyɛ é dan ka va munu lɛ do gyɛ lɛ yé wo dan ga lɛ lɔrɔ nya ka méléna; yé maa dan mi lɛ do gyɛ lɛ gwɔun nya i zi, yé maa dan mi lɛ do nwɛɛn lɛ fɛfaana, yé maa dan ’bɛnu zuo bin lɛ gwɔun nya.

Matio 3:12

Alé guli a a lee. É dan élé ’sa sunwo lɛ, yé é a fɛɛ, yé é dan élé ’sawɔlɛ zén lɛ ’sawɔlɛ tadɔna, naa, é dan ’sa pɛɛnu kyɛ ble lɛ, kyɛ lé é ’ka dirian monomono lo, a va.