Jérémi 51:15 - Kazambale lé Sebe Sauunu 1979

¹⁵ É tɛrɛ kɛlɛ é bɛ plɛplɛ nya; Alé wedɔɔle nya lé é tɛrɛ gane vɔ; É lanu fwila élé gikinile nya.

Jérémi 51:15 ပူးပေါင်းရင်းမြစ်များ

JOB (Job) 9:8

Éé la fwilaan é do, Éé tawoo wɛyi yuɛ la.

Lɛrɛvɔ Sɛbɛ 104:2

Éé san zén‐é ’é ta bélé sɔ zo, Éé la sɔɔlaan bélé sɔ fwilale zo.

Lɛrɛvɔ Sɛbɛ 104:24

Oo Gakelebale, i panyanamanu a di. I wo faa kɛlɛ wedɔɔle nya, Tɛrɛ a é fanle i kɛlɛfɛ zinnu nya.

Lɛrɛvɔ Sɛbɛ 107:25

É we fe yé fu plɛplɛ gié, Yé ’bɛ wɛyi nwa.

Lɛrɛvɔ Sɛbɛ 136:5

Bale lé é lanu kɛlɛ gikinile nya, Naa, a nyanai éé zén‐é yifaama.

Wegɔnévɔlenu 3:19

Wedɔɔle nya lé Gakelebale tɛrɛ kɛlɛ, gikinile nya lé é lanu dɔ gligli.

Ézai 40:22

Bale ɛ nyanaan tɛrɛ valé lanu faa ta loru, Yé tɛrɛlamunu a bélé gangannu zo; Éé lanu fwilaan bélé yéyéiné sɔ zo; É wo kɛlɛ bélé sɔkɔn zo, A nyanana kɛlɛle ana we ma.

Ézai 40:26

’Ka yuɛ vɔ loru, ’ka nagini, Dé de ɛ fɛ ’konu kɛlɛɛ? De ɛ wo giéna gɔɔn wo lɛɛ? Éé wo faa laan wo tɔ nya; Alé se blɛn valé alé plɛplɛ baba lé we ma lé A do kpen ’ka sié é dɔna lo.

Ézai 42:5

Bale, Gakelebale lé É lanu kɛlɛ, ’té éé wo sɔɔlaan, É tɛrɛ pla alé fɛnu dɔle we ma, É tɛrɛ tamunu vo é yuɛma Yé é flinle nɔ munu lé wo ke tawona tɛrɛ la, wo lɛ. É léma:

Ézai 44:24

I tabozan Gakelebale lé É i ma’lɛrɛle sia i yaabléyi va, é léma: Maa Gakelebale, maa fɛ faa kɛlɛ; Maa lanu fwila an do kpen, An tɛrɛ pla an do kpen.

Ézai 45:12

Maa ɛ tɛrɛ kɛlɛ, Yé maa ɛ mi bɔra a ta; Maa lé, an bɛnu ɛ lanu fwila, Maa ɛ wo gifɛnu dɔ ’wo dɔna.

Ézai 48:13

An bɛ tɛrɛ gane vɔ, An bɛyi ɛ lanu fwila, Maa wo laa tɔɔn, wo da.

Ézai 51:13

Yé Gakelebale lé é lanu fwila, ’té é tɛrɛ gane vɔ, ’Té é biibozen kɛlɛ, yé i gi é san ’bɛ maa? Yé yaamitazan lé ke kwa kulina léé, ’é i gyɛ, Mɛmalé i ma é vo nyɔɔnna ’bɛ lé bliflile lee yifaamaa? Yaamitazan lé bliflile a mɛ ɛ nyaa?

Jérémi 27:5

Maa ɛ tɛrɛ kɛlɛ. Tɛrɛlamunu koo, tɛrɛlawinu koo, an wo kɛlɛ anlé plɛplɛ blɛn valé an bɛ plɛplɛ nya, yé dé mian é sɔ an lɛ léé, maa tɛrɛ nɔ a lɛ, a lɛ lé maa a no.

Jérémi 32:17

Aa, Mizan Gakelebale, bé ye, i lanu valé tɛrɛ kɛlɛ ilé plɛplɛ blɛn valé i bɛ plɛplɛ nya; i givuruwe do kpen ’ka lo.

Zakari 12:1

Dére lé Gakelebale a fe Izraɛl ma, yee lé ke ’ko. Gakelebale lé é lanu fwila yé é tɛrɛ gane vɔ, yé é léli pa blami gi bɛ, é léma:

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

Kelewenu 17:24

Bale lé é tɛrɛ valé é tafɛnu faa kɛlɛ, é a Lazan valé Tɛrɛzan nya. É ’ka nyanaan kɔnnu lé mi a dɔa, wo gi lo.

Rom munu 1:20

Weboen lé, Kazambale lé plɛplɛ lé a glɛ ’ka lo, é valé yee Bale dɔbɛ, mi ’ka wo yé ’é yuɛ nya lo, naa duowo, é sia tɛrɛ bɔra bléyi va, wo ta a é bɔrale wéiin; dé mi ’é gi bɔrɔ Kazambale kɛlɛwenu ma, éé Bale lé plɛplɛ valé a dɔbɛ yé kpaklaa, amalé munu dɔna ’ka lo.

Rom munu 11:33

Kazambale lé fua koo, alé wedɔɔle koo, alé gi kinile koo, wo gié é glɛ la. Dé mi Kazambale lé weblele zuo kulioo, é ’ka dɔa a nyaana ma lo, yé mi ’ka a kɛlɛwenu gi maan lo.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.