Jérémi 51:13 - Kazambale lé Sebe Sauunu 1979

¹³ Bii lé i ke é nyanale ’yi blɛnnu sɔnɔ, ’té ilé fɛwezannu ke di, i bɔ izé ’wuo plana; ilé fɛyilɔrɔ glɛ dɔ.

Jérémi 51:13 ပူးပေါင်းရင်းမြစ်များ

Wepélisiananu 6:13

Yé Gakelebale lé Noé lɛ léé: Mi faa lé we nyaa; maa ɛ fe; naa, wo glawe kɛlɛle sɔɔla tɛrɛ faa la, amalé maa dan wo guru zana lɛ a gi, tɛrɛ boen koo é ziin.

Lɛrɛvɔ Sɛbɛ 137:1

Bléyian va lé ko ke é nyanale Babilɔn lé yuunu gɔ ta, Dé Siɔn sele dɔ ko gi, ko wuvɔ.

Ézai 43:14

Gakelebale, ka tabozan, Izraɛl lé Mi Sauun, é léma: Kalé we ma lé maa Babilɔn munu nyanézannu pa wo lɛ zia, Yé maa kɛlɛ léé, ’wo fwi yé ’wo dia, Kaldé munu lé wo wobo tɔ bɔa ’wolé ’yitagoronu gi, woo lé.

Ézai 45:3

Maa dan fɛwezan yɔɔlenu nɔ lɛ i lɛ, ’Bɛ valé fuafɛ yɔɔlenu nya, Ilé a gi dɔɔle we gi léé, Maa a Gakelebale lé maa i laa i tɔ nya, a nya, Maa a Izraɛl lé Bale nya.

Ézai 57:17

An bli fli wo ma yé maa wo bla wo bli blɛn lé we ma; an wɛwɛ lé we ma lé maa yɔɔ wo lee, yé bɔrɔvɔɔzan go élé blibɔmazi ta.

Jérémi 17:11

Doo éé buaan nyɛné lé é ’ka a vɔ lɛ lo, a ta fɛan zo bɛ, A zo duo lé mi lé éé fua blé dabli nya, a zo lé alé we ke. Alé tɛrɛla é dan bɔi lɛ a ta yé é si wo zi, Yé é kɛlɛ ’tugyɛzan nya é voéla.

Jérémi 50:27

’Ka dirigɔnénu faa gyɛ, ’ka wo bɔrɔ bo. Wenaané kɛlɛ wo lɛ ma, naa, wozé yi bɔ; we lɛdɔ wo gi bléyi bɔ.

Jérémi 50:31

Mizan, lai sunyanu lé Gakelebale léma: Boblɛnzan, bé ye, maa a i ma; ilé yi bɔ; we lɛdɔ i gi bléyi bɔ.

Jérémi 50:37

’Wo gwɔun sia alé wisoonu valé alé gulidanmunu ma, Munu gɔnɔ faa lé wo ke a va, ’wa sia wo ma ma; ’Wo kɛlɛ bélé lomu zo ma. ’Wo gwɔun sia wolé fɛwezannu ma, ’wo wii wo ta ma.

Jérémi 51:36

Bɛwemalé Gakelebale léma: Maa dan bɔ lɛ i va; maa dan ilé we lɛgi pa lɛ, maa dan Babilɔn wɛyi guru gi ga lɛ; maa dan alé ’yibɔna dɔ lɛ.

Jérémi Lé Wuvɔ Sɛbɛ 4:18

Ko nyanézannu ko pa bo, Léé, té ko bɔra kolé vuun la lo, Kozé bɔ nyaana, kolé yinu lɛ sɔɔ, Kozé nyaa.

Daniɛl 5:26

Dérenu lé é a gyɛ, a gi lé ke ’ko: Méné, ’bɛ gi léé, Bale i plale mi nwiin nɔnɔ, yé é a glɛ dɔ.

Amɔs 8:2

É lé an lɛ léé: Amɔs, i mɛ fɛ yéé? Yé maa a zi pa léé: An kyɛɛné do yé, ’té yiliporo a a gi. Yé Gakelebale lé an lɛ léé: Anlé munu Izraɛl bɔ wozé ’wuoplana; an ’ka dan wo ma we vo lɛ é dɛrɛ lo.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.

Wegɔɔnle 17:1

’Bɛ zuo lanje sɔrafié lé, kana sɔrafié ke wo lee, wo vazan do da yé é we fe an lɛ, yé é léé: ’I da, gɔnégini le baba lé é ke é nyanale ’yi blɛnnu ta, alé we é dan nyaa lɛ fɛan zo, maa dan a gɔɔn lɛ i lɛ.

Wegɔɔnle 17:15

Yé é lé an lɛ léé: ’Yinu lé bé ye, ’té gɔnégini le ke é nyanale wo ta bɛ, wa migɔnɔnu koo, mi gunu koo, bɛnnu koo, dérenu koo, wo nya.

Wegɔɔnle 18:19

Yé wo tɛrɛ zén ’wo nwiin, yé wo wuvɔ yé wa gyɛ bo, yé wo siaa yé wo léé: Yuuu! An bu loo! Fla blɛn lé, ’yitagorozannu faa fua ble alé fuafɛ kiɛre we ma ’naan, yee ɛ sɛrɛ ’bɛ zo bléyi do kpen nya, yé ana vo é ’bin nyaa?