Jérémi 51:1 - Kazambale lé Sebe Sauunu 1979

¹ Gakelebale léma: Ka ye, maa dan fɛsɛrɛfu do pa lɛ zia Babilɔn munu valé Kaldé munu ma.

Jérémi 51:1 ပူးပေါင်းရင်းမြစ်များ

2 Minwiinzannu 19:7

Maa dan bli do vɔ lɛ a gi yé é dan we do ’ma lɛ yé é dan nɔla lɛ ébo lé tɛrɛ la; yé maa dan a gyɛ lɛ gwɔun nya élé tɛrɛ la.

Lɛrɛvɔ Sɛbɛ 137:8

Babilɔn munu, ’kaa kɔn ’wiizannu, Wenaané lé ka kɛlɛ ko lɛ, Mian é a lɛgi kɛlɛ ka lɛ, ’bɛzan zé a néné.

Ézai 13:13

Bɛwemalé maa dan lanu puo lɛ. Tɛrɛ dɔralafɛ ma é dan nyɔɔn lɛ lai sunyanu lé Gakelebale bli flile we ma, a wɛwɛbabané yi la.

Ézai 14:14

Maa dan nwa lɛ latinu ta loru, maa dan kɛlɛ lɛ bélé Loruzan zo.

Ézai 21:1

Balelawe lé Ézai a fe wɛyi bwi lé we ma, yee lo. Fu plɛplɛ si yirinwana bɛyilazia fɛan zo, a zo lé nyanézan si kanazénmigi bwi la.

Ézai 47:1

Babilɔn blɛnzan, ’I zun, ’i nyana vungoi va. Kaldé le, ’I nyana tɛrɛ va, ilé fuablin ’ka lo. Wo ’ka dan i laa lɛ léabo le é dɛrɛ lo, wo ’ka dan a fe lɛ léé, le a é zénle i ma lo.

Jérémi 23:19

Ka ye, Gakelebale lé fu blɛn a giéna, a wɛwɛ dɔ; é zun wo gi bélé zagele zo. É ’wii mi nyanénu ’wuo ma bélé bɔ zo.

Jérémi 49:36

Fu ziɛn lé woo sié la glɛ sina ziɛnna, maa dan wo laa lɛ Élam munu ma. Maa dan wo faa kini lɛ ékema fu ’konu nya, yé Élam munu lé wo fwi, bɛn lé wo ’ka dan bɔ lɛ a gi lo, ’bɛ bɛn ’ka lo.

Jérémi 50:21

Tɛrɛ ’ko la munu lé wo nwa Bale ma gɔnɔ fié, ’i nwa wo ma; ’i nwa ana munu ma, yé i we lɛdɔ wo gi. ’I wo zuo bin, ’i wo gyɛ, ’i wo kulu ga. Maa Gakelebale ɛ ke a fena. ’I anlé bélidɔwenu lɛ sɔɔ ’té.

Jérémi 50:24

Babilɔn, an san vɔ i ’lɛ yé maa i kun a nya i ma trɔnné va. Wo bɔ i ma, wo i kun, i gulidan Gakelebale va, azama.

Jérémi 50:29

’Ka savulizannu faa laa, léé, ’wo nwa Babilɔn ma, wo lé wo savulile dɔɔ, wo lé. ’Ka diri a zi, té mi do é so a ta lo. ’Ka a lɛgi pa a kɛlɛwenu yɛrama. ’Ka kɛlɛ a lɛ fɛan zo lé é a kɛlɛ, a zo ’té. Naa, é nwa boblɛn nya Gakelebale ma, Izraɛl lé Mi Sauun ma,

Jérémi 50:33

Lai sunyanu lé Gakelebale léma: Woo yaan Izraɛl munu valé Juda munu ta ékeva; munu faa lé wo go wo nya luu gi, ’bɛnu vo é kunle wo ma; wo ’ka daanle wo ma nyi si lɛ lo.

Jérémi 50:9

Naa, ka ye, maa dan bɛn blɛn kiɛre nwa lɛ yirinwana bɛbolazia tɛrɛ la yé wo nwa Babilɔn munu ma. Wo dan wo ma’lɛrɛ lɛ gulidanle we gi a va, yé wo dan a si lɛ. Wolé sawɔlɛnu a bélé gulidan sunya lé wo gulidanle dɔɔ, ’té wo ’ka dan wo pa gi wo leekoro nya lo, wo zo.

Jérémi 51:53

Gakelebale léma: Dé Babilɔn munu nwa kɔɔn, léé, ’wo go la gioo, dé wo wɔra ’wolé guliyɔɔkɔn torole plɛplɛnu gioo, maa dan fɛsɛrɛzannu pa lɛ wo lɛ zia duowo.

Jérémi 51:60

We tɔntɔnnu faa lé wo dan bɔ lɛ Babilɔn ma, é valé Babilɔn ma dérenu faa lé ke é gyɛle, Jérémi wo gyɛ sɛbɛ do ta.

Ézékiɛl 19:12

Naa, wa soowɔla nyana nya, yé wa vuli tɛrɛ va; Yirinwanazia fu a poronu sɛrɛ; Wa bɛ plɛplɛnu so a ma, yé wo ga; Kyɛ wo ble.

OZÉ (Osée) 13:15

Dé Éfraim kɛlɛ blɛn é bwenu mélénaoo, yirinwana fu é dan da lɛ, Gakelebale lé fu é dan si lɛ bwi gi, yé é dan alé ’yi’wuonu ga lɛ, yé é dan a ’yibɔnanu béli lɛ. Wo dan ’wii lɛ alé fɛwezannu faa ta.

Amɔs 3:6

Dé wo béli fɛn fla, kana ’ka zén‐é munu gi loo? Wenaané do bɔ fla, ’té é ’ka sié Gakelebale va loo?

Zakari 2:8

Lai sunyanu lé Gakelebale léma: Tɔbɔle é dan kɛlɛ lɛ ’bɛ zuo. É an pa zia bɛnnu lé wo kalé fɛnu sia gla nya, wo va, naa, mi lé é mane ka ma, é bɛ mane a yuɛzooné ma.

Kelewenu 9:4

É dia tɛrɛ va, yé é dére do ’ma yé ’bɛ lé a lɛ léé: Sɔl, Sɔl, mɛmalé i nyané paan an taa?