Jérémi 50:5 - Kazambale lé Sebe Sauunu 1979

⁵ Wo dan Siɔn lé zi ma laa lɛ, wo dan ’wo yara nɔla lɛ a vazia. ’Ka da, ’ka gi pa do Gakelebale va, gipawe lé a glɛ ’ka lo, ’té ka gi ’ka saan a ma monomono lo, a nya.

Jérémi 50:5 ပူးပေါင်းရင်းမြစ်များ

Wepélisiananu 17:7

Maa dan an gi pa lɛ do i va, yé maa dan an gi pa lɛ do ilé nénu lé wo dan kɛlɛ lɛ i zuo, wo va, wo kulu é kulu nya; ko gipawe ’ka dan sɛrɛ lɛ monomono lo, amalé an dan kɛlɛ lɛ ilé Bale nya yé maa dan kɛlɛ lɛ ilé nénu lé Bale nya i zuo.

2 Samuɛl 23:5

Gipawe lé a glɛ ’ka lo, ’té Bale a kɛlɛ an va bɛ, É a giwe fe wo ke zuo ke zuo yé é a sɔbɛlawe nya, Amalé anlé kɔn lé we ’ka dan kɛlɛ lɛ ’bɛ zo loo? É ’ka dan an bélile valé anlé blibɔmawenu gɔn bɔ lɛ loo?

1 Minwiinzannu 19:10

É a zi pa léé: Maa Gakelebale, lai sunyanu lé Bale lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

1 Minwiinzannu 19:14

É a zi pa léé: Maa Gakelebale, lai sunyanu lé Bale, lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi, yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

Lɛrɛvɔ Sɛbɛ 84:7

Dé wa giéna Baka lé gɔworona, Wana nɔlaan fɛana ke é fanle ’yibɔnanu nya, a nya, Lɛɛ da, yé é ana fan drɔɔvole nya.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Jérémi 31:21

Zi lé i dan tawo lɛ a ta, ’i yuɛ vɔ ana é zima, ’I tɔmasenu kɛlɛ ana, ’i yilinu suru; Blɛnzan Izraɛl, ’i da i pa gi, Flanu lé wo ke izé nya, ’i da wo ta.

Jérémi 31:6

Naa, a yi é dan bɔ lɛ yé mi tagini‐zannu é dan siaa lɛ Éfraim gɔ nwiin léé: ’Ka nwa, kaa go Siɔn, Gakelebale kolé Bale vazia.

Jérémi 32:40

Gipawe lé é dan vo lɛ ana lɛɛfaama, maa dan a kɛlɛ lɛ wo va. Maa ’ka dan an yara si lɛ wo ta é dɛrɛ lo, maa dan we zin kɛlɛ lɛ wo lɛ. Yé an dan an lee kanale pa lɛ wo bli gi, léé, té wo si an va lo.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Ézékiɛl 16:61

Naa, dé i buru segelenu valé i zuan lomu da i va yé i wo bɛn si, ’bɛ bléyi va i kɛlɛwe sele é dan dɔ lɛ i gi, yé é dan i gyɛ lɛ yara nya. Maa dan wo nɔ lɛ i lɛ i lunu nya, naa, maa ’ka dan a kɛlɛ lɛ ilé gipawe ma lo.

Ézékiɛl 37:22

Maa dan wo kɛlɛ lɛ bɛn do kpen nya tɛrɛ ’ko la, Izraɛl gɔnu ma. Wo faa nwiinzan blɛn é dan kɛlɛ lɛ do. Wo ’ka dan kɛlɛ lɛ bɛn fié nya é dɛrɛ lo. Wo ’ka dan kini lɛ ékema yé wo kɛlɛ bɛntɛrɛ fié nya é dɛrɛ lo.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

2 Korɛnt Munu 8:5

Fɛ lé ko bli a wo lɛ léé, wo dan a nɔ lɛ, wa gié ’bɛ la, naa, wo ’wobozen nɔ Mizan lɛ é vinin, yé ’bɛ zuo wo ’wobozen nɔ ko lɛ, Kazambale lé blibɔmawe yɛrama.