Jérémi 50:44 - Kazambale lé Sebe Sauunu 1979

⁴⁴ Ka ye, wo nyanézannu éé giéan Juudɛn yuu gɔnu tɔbɔlenu ma bélé golizra zo, yé woo giéan nyanana plɛplɛ ma. Kele tɔɔn maa dan wo bin lɛ yé mi lé maa si a va, maa dan ’bɛ dɔ lɛ a nwiin. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan kyɛn ɛ dan dɔ lɛ an maa?

Jérémi 50:44 ပူးပေါင်းရင်းမြစ်များ

Lɛrɛvɔ Sɛbɛ 89:6

Oo Gakelebale, lanu i bɔ vɔa i kɛlɛwe blɛnblɛnnu lé we ma. Woo i yara pale we ta glewoo mi sauunnu lé wo zén ékeva, wo va.

Lɛrɛvɔ Sɛbɛ 89:8

Bale a kanamazan blɛn nya mi sauunnu lé wo zén ékeva, wo va, Éé kana zén‐é munu faa lé woo dirian a zi, wo gi.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Ézai 40:18

Ka dan Bale dan lɛ mi kyɛn maa? Mɛ lé i dan a gɔɔn lɛ a foto nyaa?

Ézai 40:25

Mi Sauun léma: Ka dan an dan lɛ mi kyɛn ɛ ma, yé ko bɔ a nya ékemaa?

Ézai 41:25

Maa mi do nwa yirinwana bɛbolazia yé é da, É an tɔ laa yirinwana; É dan mi plɛplɛnu zɔn lɛ é gane nya bélé voli zo, É dan wo zɔn lɛ bélé bɔdɔzan lé bɔtɛrɛ zɔnle zo.

Ézai 43:10

Gakelebale léé, ka a anlé wenayezannu nya, Ka valé an wuozan lé maa a si a va, wo nya, léé, Ka gi dɔɔ, Yé ka bli vo an lɛ, yé ka a gi ’ma léé, maa lé. Bale bɛ ’ka an ’lɛ é kyɛn lo, Yé a bɛ ’ka an zuo lo.

Ézai 46:11

Maa ɛ wiblemiané laa, léé, ’é si yirinwanazia, Maa ɛ tɛrɛ baa lazan do laa, léé, wenu lé an gi dan a ma, ’é wo lɛ sɔɔ; Maa ɛ fe yé maa dan a kɛlɛ lɛ, É dɔ maa ɛ gi, yé maa ɛ dan a lɛ sɔɔ lɛ.

Ézai 46:9

Wenu lé wo kɛlɛ é kyɛn bɛ, wo sele ’é dɔ ka gi ma; Naa, maa a Bale nya, ’bɛ bɛ ’ka lo, Maa a Bale nya, an bɔmazan ’ka lo.

Ézai 48:14

’Kaa faa lé, ’ka zén ékeva, ’ka tɔné dɔ; Yee balenu vazan kyɛn ɛ we ’konu fee? Mi lé éé sɔa Gakelebale lɛ, ’bɛ é dan alé blibɔmawe lɛ sɔɔ lɛ Babilɔn ma, Yé é dan dɔra lɛ Kaldé munu ta plɛplɛ.

Jérémi 12:5

Dé i vlan za kɛlɛ ganela munu va yé koi i gyɛ ’naan, I bɔa za kɛlɛle lɛ wisoonu va kaa? Yé dé tɛrɛla a bléyian va drɔɔ, dé i ’ka iboma duaa lo ’naan, Dé Juudɛn yuu bɔra bwi la bléyian va, i dan mɛ ɛ kɛlɛ lɛɛ?

Jérémi 25:38

É nwa é nyanana, bélé fɛan zo lé golizrané éé nwaan é yiina, a zo; naa, wolé tɛrɛ vo bwi nya, fɛsɛrɛzan wɛwɛ dɔle valé alé bliflile baba lé we ma.

Jérémi 30:21

Wo vazan do é dan kɛlɛ lɛ wo nwiinzan nya, Wo vazan do é dan pla lɛ wo nwiin; Maa dan wo bié lɛ an sɔnɔ yé wo da an va; Naa, mi kyɛn éé bli ta dɔa plɛplɛ yé é bié an va éboaan? Maa Gakelebale ɛ ke a fena.

Jérémi 50:15

’Ka siaa gulidandére nya a zi fɛfaana. É yɔfalo fu nwa; a ganevɔnanu zana a gi; a gurunu zana. Naa, Gakelebale ézé lɛgi pa a ma; ’ka kazé lɛgi pa a ma, ’ka kɛlɛ a lɛ bélé fɛan zo lé é a kɛlɛ, a zo.

Zakari 11:3

’Blatabinzannu éé siaan wuvɔle nya, Wo kɛlɛle blɛn yi ga, azama; Juudɛn tɔbɔmafɛnu sɛrɛ, Amalé golizra boronénu woo gi gunuan.

Mi Nɔnɔle 16:5

É lé Koré valé é vamunu lɛ léma: Tɛlɛ, mi lé é ke Gakelebale zé nya, yé mi lé é ke mi segele nya, Gakelebale é dan a gɔɔn lɛ, yé é dan ’bɛzan bié lɛ ’é ma; mian é a si ’ézé nya, é dan ’bɛzan bié lɛ ’é ma.