Jérémi 50:42 - Kazambale lé Sebe Sauunu 1979

⁴² Sa valé toané din a wo lee; Wa gi pɔnpɔnzannu nya; wo nyanai ’ka zén‐é lo. Wo dére gi éé wé bélé wɛyi zo; Wo vɔ wisoonu ta; Wo ma a é ’lɛrɛle gulidanle we ma bélé mi do kpen zo, Bii Babilɔn lé munu ma.

Jérémi 50:42 ပူးပေါင်းရင်းမြစ်များ

Lɛrɛvɔ Sɛbɛ 46:6

Kazambale a yee fla méléna; a ma ’ka nyɔɔnma lo; Bale é bɔle sian a va bladi tukini gunu nya.

Lɛrɛvɔ Sɛbɛ 74:20

’I gipawe ye we blɛn nya ma, Naa, fɛnu lé ana gunu ke, ana a migyɛmunu yɔɔnanu nya.

Ézai 14:6

Mi lé éé munu blaan é wɛwɛ nya, ’té é ’ka daan fɛ duunle ma wo lɛ lo, mi lé é bɛnnu pla é wuo élé bliflile nya, sin, wa zuo binna, ’té wo nyanai ’ka zén a ta lo.

Ézai 47:1

Babilɔn blɛnzan, ’I zun, ’i nyana vungoi va. Kaldé le, ’I nyana tɛrɛ va, ilé fuablin ’ka lo. Wo ’ka dan i laa lɛ léabo le é dɛrɛ lo, wo ’ka dan a fe lɛ léé, le a é zénle i ma lo.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Ézai 5:28

Wolé sawɔlɛnu lɛ ma a é bole yé wo faa a sa ganana; wolé wisoonu sɔnéwɔlɛnu a bélé gɔlɛ zo yé wolé goro ganenu a bélé barikoko zo.

Ézai 5:30

’Bɛ yi la é dan nyana vɔ lɛ élé wi ta bélé wɛyi vun wele zo. Dé mi tɛrɛ nagini, gunuti saa lé éé a yé, ’té munu éé nyané blé; dé é a la nya, gunu a é dɔrale ’bɛ gi.

Jérémi 30:14

Munu faa lé i sɔ wo lɛ, wo gi éé saan i ma, Wo va mi do kpen ’ka i gibɔrɔ paan lo, Naa, maa i gyɛ bélé an nyanézan zo; Maa we lɛdɔ i gi gla nya Ilé weple kiɛre lé we ma, Ilé wenyanénu ’léé blɛn lé we ma.

Jérémi 47:3

Kaldé munu lé wisoo plɛplɛnu vun wele koo, Alé gulidangoronu vun wele valé ’bɛnu gane vun wele koo, alé we ma lé Né tinu ’ka bɔa wolé nénu naginile lɛ lo, Wo bɛnu kɛlɛ tɔɔtɔɔ wo ma, azama.

Jérémi 50:14

’Kaa savulizannu faa lé, ’ka ma’lɛrɛ yé ’ka diri Babilɔn zi gulidanle a va we ma; ’ka sa vuli a va, té ka sawɔlɛnu ta dɔ lo. Naa, é wenyané kɛlɛ Gakelebale ma.

Jérémi 50:9

Naa, ka ye, maa dan bɛn blɛn kiɛre nwa lɛ yirinwana bɛbolazia tɛrɛ la yé wo nwa Babilɔn munu ma. Wo dan wo ma’lɛrɛ lɛ gulidanle we gi a va, yé wo dan a si lɛ. Wolé sawɔlɛnu a bélé gulidan sunya lé wo gulidanle dɔɔ, ’té wo ’ka dan wo pa gi wo leekoro nya lo, wo zo.

Jérémi 51:27

’Ka drapo nwa bɛn tɛrɛ la, ’ka béli fɛn bɛnnu méléna; ’ka bɛnnu ma’lɛrɛ nwale a ma we ma; Ararat munu koo, Mini munu koo, Asikénaz munu koo, ’ka wo laa, ’wo nwa wo ma. ’Ka sunyanu nwiinzannu dɔ, ’ka wo pa zia wo ma, ’ka wisoonu pa zia wo ma kiɛre bélé gangannu lé woo kana zén‐é mi gi, wo zo.

Jérémi 8:16

Wolé wisoonu a siaana Dan zia, yé tɛrɛ ma éé nyɔɔn‐an wo dére nya. Wa dana, yé tɛrɛ koo, é tafɛnu koo, fla koo, é tamunu koo, woo wo nyaan.

Ézékiɛl 26:3

Bɛwemalé, Mizan Gakelebale léma: Ka ye, ’kaa Tii munu, kaa kee é wo bɛ. Maa dan bɛngɔnɔ kiɛre nwa lɛ i ma bélé wɛyi nwalenu éé nwaan fɛan zo, a zo.

Joɛl 2:5

Wo vun éé wé bélé gulidangoronu lé woo vlanburuwo Gɔnu nwiin, wo vunwele zo, Bélé kyɛnɛnɛ lé é ke ’sapɛɛ kyɛblena, A vunwele zo. Wa bélé gulidan sunyanu lé wo ke ’wo ma’lɛrɛna Gulidanle we gi, wo zo.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.