Jérémi 50:37 - Kazambale lé Sebe Sauunu 1979

³⁷ ’Wo gwɔun sia alé wisoonu valé alé gulidanmunu ma, Munu gɔnɔ faa lé wo ke a va, ’wa sia wo ma ma; ’Wo kɛlɛ bélé lomu zo ma. ’Wo gwɔun sia wolé fɛwezannu ma, ’wo wii wo ta ma.

Jérémi 50:37 ပူးပေါင်းရင်းမြစ်များ

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Lɛrɛvɔ Sɛbɛ 76:6

Nyanazannu ’ko lé, wo bli ta ke é dɔle plɛplɛ, wo wo poro, Wa wolé dirimayi gyɛna; Nyanazannu ’ko wo ’ka bɔ lɛ wobo takuunle lɛ lo.

Ézai 19:16

’Bɛ yi la, Éjipiti munu é dan kɛlɛ lɛ bélé lomu zo. Dé wa ye léé, lai sunyanu lé Gakelebale nwa ’wo ma yé wa ye we kɛlɛna, wo ma é dan nyɔɔn lɛ, yé kana é dan zén lɛ wo gi.

Ézai 45:3

Maa dan fɛwezan yɔɔlenu nɔ lɛ i lɛ, ’Bɛ valé fuafɛ yɔɔlenu nya, Ilé a gi dɔɔle we gi léé, Maa a Gakelebale lé maa i laa i tɔ nya, a nya, Maa a Izraɛl lé Bale nya.

Jérémi 25:20

Arabi munu faa, Usi tɛrɛ nwiinzan blɛnnu faa, Filisiti tɛrɛ nwiinzan blɛnnu faa, Azkalɔn, Gaza, Ékrɔn, wooan wo vo Azdɔd zé nya;

Jérémi 25:24

Arabi munu nwiinzannu faa, Arabunu nwiinzan blɛnnu faa lé woo nyanaan nyéné saa lé fɛna;

Jérémi 48:41

Wo Kérijɔt si, wa yɔɔna plɛplɛnu si, yé ’bɛ yi nya Moab nyanazannu bli é dan kɛlɛ lɛ bélé né yaa le bli zo.

Jérémi 50:10

Wo dan ’wii lɛ Kaldénu lé tɛrɛ la. Munu faa lé wo ’wii tɛrɛ ’ko la, wo dan kan lɛ. Maa Gakelebale ɛ ke a fena.

Jérémi 50:26

’Ka si Babilɔn zi fɛfaana yé ’ka bɔra fla; ’ka alé fɛtadɔboonu lɛ so; ’ka wo gifɛ zun dɔ bélé ’sanwun zun dɔle zo yé ’ka a sɛrɛ tata. Té alé fɛ do kpen é vo ana é dɛrɛ lo.

Jérémi 51:21

I nya lé an wisoo valé étazan gyɛ, I nya lé an gulidangoro sɛrɛ yé maa a gizan gyɛ.

Jérémi 51:22

I nya lé an gɔnénu valé lomu gyɛ, I nya lé an mi segelenu valé nénu gyɛ, I nya lé an pɛniɛnu valé blɛnnu gyɛ.

Jérémi 51:30

Babilɔn lé sunyanu daan gulidanle ma, wo vɔ wolé yɔɔna plɛplɛnu na; wo fuu si wo ta, wa bélé lomu zo. Wo kyɛ vɔ wo nyanana, wo wolé kɔn lɛ tan foliɛwɔlɛnu yéli.

Jérémi 51:4

’Wo dia yé ’wo gama tuowo Kaldé tɛrɛ la, yé ’wo wo fɔn Babilɔn flaworo dii zinu ta.

Ézékiɛl 30:5

Étiopi koo, Put koo, Lud koo, Arabi faa koo, Kub koo, woo valé tɛrɛnu lé wo gi ke é pale do, wo koo, gwɔun é dan wo gyɛ lɛ ékeva.

Ézékiɛl 39:20

Ka dan kan lɛ wisoonu valé wotazannu wi nya; ka dan kan lɛ nyanazannu valé gulidanmunu faa wi nya. A zo lé Mizan Gakelebale a fe.

Naum 2:13

Golizra éé fɛ wi kinié ékema turu élé nénu zé nya, Éé fɛ gya turu é bɔrɔ ma, Golizra tinanu zé nya. Éé é yɛrɛ faan, winu lé éé wo gya, wo nya, Éé é yɔɔna faan fɛnu lé é ’wii wo ta, wo nya.

Naum 3:13

Bé ye, ilé munu a bélé lomu zo ka méléna; ilé flazi gɔrɔ lɛ so i nyanézannu ’lɛ; kyɛ ilé duolivɔagi yilinu ble.

Agajé 2:22

Maa dan bɛnnu lé webleblinnu zana lɛ a gi; maa dan bɛnnu faa lé plɛplɛ sɛrɛ lɛ; maa dan goronu valé wo gizannu zana lɛ a gi; wisoonu valé wotazannu, wo dan ’wo ke gyɛ lɛ wolé gwɔun nya.