Jérémi 50:36 - Kazambale lé Sebe Sauunu 1979

³⁶ ’Wo gwɔun sia viébalelayezannu ma, ’wo kɛlɛ bélé ’wuosɛrɛzannu zo ma. ’Wo gwɔun sia nyanazannu ma, di ’é kini wo gi ma.

Jérémi 50:36 ပူးပေါင်းရင်းမြစ်များ

2 Samuɛl 15:31

Wo da a fe lɛ David lɛ léé: Asitofɛl a gipamimawe kɛlɛzannu va mi do nya Abusalɔm va. Yé David léé: Oo Gakelebale, ’i Asitofɛl lé weplale kɛlɛ boawe nya.

2 Samuɛl 17:14

Abusalɔm valé Izraɛl munu faa léé: Aaki mi Usai lé weplale fila vɔ é mini Asitofɛl zé ta. Naa, é a Gakelebale gi léé, ’é Asitofɛl lé weplale zima kɛla we pla nya, wenaané bɔle Abusalɔm ma we gi.

2 Minwiinmunu lé Wezuofe Sɛbɛ 25:16

É a tan wefena tɔɔn, Amasia lé a lɛ léé: Ko i dɔ léé, i we pla minwiinzan blɛn lɛɛ? ’I gyɛ i zuo. Mɛmalé ibo bɔra i blale lɛɛ? Balelayezan si ana, ’té é a fé léé: Maa a gi dɔɔ léé, é a Bale bli gi léé, é dan i gyɛ lɛ. I we ’ko kɛlɛ yé i ’ka tɔné dɔ lɛ anlé weplale lɛ lo, azama.

Ézai 43:14

Gakelebale, ka tabozan, Izraɛl lé Mi Sauun, é léma: Kalé we ma lé maa Babilɔn munu nyanézannu pa wo lɛ zia, Yé maa kɛlɛ léé, ’wo fwi yé ’wo dia, Kaldé munu lé wo wobo tɔ bɔa ’wolé ’yitagoronu gi, woo lé.

Ézai 44:25

Maa viébalelayemunu lé tɔmasenu sɛrɛ, Yé maa lé ’monédɔmunu ma léé, wa tavozannu nya; Maa wedɔɔmunu biéan ’wo zuo, Yé maa wolé ’wuoatawe nɔla tavowe nya.

Jérémi 48:30

Gakelebale léma: Maa alé ébo bɔle dɔɔ. Alé boadére blɛnnu valé a kɛlɛwe boanu, maa wo dɔɔ.

Jérémi 49:22

Bé ye, é dan go lɛ bélé gola lé éé sié, a zo. É dan é bɛanu soi lɛ Bozra ta, yé ’bɛ yi nya Édom nyanazannu bli é dan kɛlɛ lɛ bélé né yaa le bli zo.

Jérémi 50:30

’bɛ lé we ma lé alé pɛniɛnu é dan dia lɛ fla zinu ta, yé alé gulidanmunu faa é dan zamaga wo lɛ ’bɛ yi nya. Maa Gakelebale ɛ ke a fena.

Jérémi 51:23

I nya lé an ’blatabinzan valé ’blanu gyɛ, I nya lé an féipazan valé élé dirinu gyɛ, I nya lé an minwiinzannu valé flazannu gyɛ.

Jérémi 51:30

Babilɔn lé sunyanu daan gulidanle ma, wo vɔ wolé yɔɔna plɛplɛnu na; wo fuu si wo ta, wa bélé lomu zo. Wo kyɛ vɔ wo nyanana, wo wolé kɔn lɛ tan foliɛwɔlɛnu yéli.

Jérémi 51:32

wo zi dɔ giénanu na, yé wo ’yibai fɛnu kyɛ ble, yé gulidanzannu gi blin wo ma.

Naum 2:8

É kɛlɛ a zo. Wa poro, yé wo go a nya, A wuomunu a dunnuna bélé plawuonu zo, ’Té woo ’wo golɛnu gya.

Naum 3:13

Bé ye, ilé munu a bélé lomu zo ka méléna; ilé flazi gɔrɔ lɛ so i nyanézannu ’lɛ; kyɛ ilé duolivɔagi yilinu ble.

Naum 3:7

Munu faa lé wo dan i ye lɛ, wo dan si lɛ i ma baa, Yé wo dan a fe lɛ léé: Wo Ninive guru zana a gi! De ɛ dan azé fe lɛɛ? Maa dan i tɔrɔpaazannu ye lɛ kyɛɛn?

1 Timoté 4:2

Yo ’konu é dan nyanama pa lɛ munu lé woo viéwe paan munu gi, ’té woo wobo drɔan, wo nya. Wolé wevasibli a wo gi bélé wi lé wa pla kyɛ ta, a gale zo kwa?-?koroo.

1 Timoté 6:4

’té é a é fanle boblɛn nya; ’té é ’ka we do kpen dɔɔa lo; we planu laale valé zavɔdérenu fele ɛ ke a ’wuo gi gwe nya. Maawole koo, zɔdɔle koo, mi tɔ sɛrɛwenu koo, ’wuo gi nyané bɔrɔle mi ma koo, yee ɛ ’wuo gi lé woo sié;

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.