Jérémi 50:3 - Kazambale lé Sebe Sauunu 1979

³ Naa, bɛn do nwa a ma yirinwana bɛbolazia, yé é dan Babilɔn tɛrɛ kɛlɛ lɛ bwi nya; mi do kpen ’ka dan nyana lɛ ana é dɛrɛ lo. Munu valé winu fwi; wo si ana.

Jérémi 50:3 ပူးပေါင်းရင်းမြစ်များ

Wepélisiananu 6:7

Yé Gakelebale léé: Mɛmalé maa mi kɛlɛ tɛrɛ laa? Mi lé maa kɛlɛ bɛ, maa dan a si lɛ tɛrɛ la tata; yee koo, winu koo, tawoplɛlawinu koo, lagi mianénu koo, maa dan wo faa si lɛ tɛrɛ la tata.

Fwile 12:12

’Bɛ lé béli, maa dan gié lɛ Éjipiti tɛrɛ la, yé maa dan Éjipiti tɛrɛ la né vininnu faa gyɛ lɛ, é sia munu ma fɔɔ yé é bɔ winu ma, yé maa dan Éjipiti lé balenu lé we ble lɛ. Maa a Gakelebale nya.

Ézai 41:25

Maa mi do nwa yirinwana bɛbolazia yé é da, É an tɔ laa yirinwana; É dan mi plɛplɛnu zɔn lɛ é gane nya bélé voli zo, É dan wo zɔn lɛ bélé bɔdɔzan lé bɔtɛrɛ zɔnle zo.

Ézai 45:1

Gakelebale we fe Sirus lé, é a si a va é kyɛn, a lɛ, ’Té é kun a bɛ ma Alé bɛnnu guru zanale a gi we ma, ’Bɛ valé minwiinzannu gyɛn kyɛsidi kinile we ma, Dé maa kɔn lɛ so a lɛ, Té wa lɛ tan é dɛrɛ lo we ma.

Jérémi 21:6

Maa dan fla ’ko la munu gyɛ lɛ; munu valé winu, wo dan ga lɛ bawurumagyɛ naané nya.

Jérémi 50:9

Naa, ka ye, maa dan bɛn blɛn kiɛre nwa lɛ yirinwana bɛbolazia tɛrɛ la yé wo nwa Babilɔn munu ma. Wo dan wo ma’lɛrɛ lɛ gulidanle we gi a va, yé wo dan a si lɛ. Wolé sawɔlɛnu a bélé gulidan sunya lé wo gulidanle dɔɔ, ’té wo ’ka dan wo pa gi wo leekoro nya lo, wo zo.

Jérémi 51:11

’Kalé dinnu lɛ vɔ, ’ka kun ka botakuunfɛ ma; Gakelebale ɛ Médi munu nwiinzan blɛn bli nwa, é sɔ a lɛ léé, é Babilɔn sɛrɛ, azama. Naa, Gakelebale lé we lɛgi pale lé; a bangikɔn lé we lɛgi pale lé.

Jérémi 51:48

La koo, tɛrɛ koo, wo gifɛnu koo, wo dan siaa lɛ ginanale nya Babilɔn diale we ma; naa, fɛsɛrɛzannu é dan si lɛ yirinwana bɛbolazia, yé wo dan baa lɛ a ta. Maa Gakelebale ɛ ke a fena.

Jérémi 51:62

Bii Gakelebale a fe léé, wo dan fɛkona sɛrɛ lɛ, yé dé é a mi nyaoo, dé é a wi nyaoo, é ’ka dan nyana lɛ ana é dɛrɛ lo, naa, é dan kɛlɛ lɛ bwi nya lɛɛfaama.

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi 9:11

Maa dan Jérusalɛm kɛlɛ lɛ é ’bin nya, gwenu yiina nya, Yé maa dan Juda tɛrɛ la flanu kɛlɛ lɛ bwi nya, ’té mi do kpen ’ka ana lo.

Sofoni 1:3

Blaminu koo, winu koo, lagi mianénu valé wɛyi va pɔnu koo, mi saanfɛnu valé mi nyanénu koo, maa dan wo sɛrɛ lɛ tɛrɛ la. Maa dan blaminu kulu ga lɛ tɛrɛ la. A zo lé Gakelebale a fe.